يۇنناننىڭ چياۋجيا اۋدانىندا 5.1 بال جەر سىلكىندى

شينحۋا اگەنتتىگىنىڭ ءتىلشىسى يۋە رانران، چىن شينبو 1 – ايدىڭ 20 – كۇنى كۇنميڭنەن حابارلايدى. يۇننان ولكەسىنىڭ جاۋتۇڭ قالاسى چياۋجيا اۋدانىندا 1 – ايدىڭ 19 – كۇنى ساعات 19 دان 32 مينۋت وتكەندە 5.1 بال جەر سىلكىندى، سىلكىنىس قاينارى 10 كيلومەتر تەرەڭدىكتە. 1 – ايدىڭ 20 – كۇنى تاڭ ءسارى ساعات 2 گە دەيىن، ادامداردىڭ جارالانۋى، ءولىم – ءجىتىمى جانە ۇيلەردىڭ قۇلاۋى قاتارلى جاعدايلار تۋرالى مالىمەت بەرىلگەن جوق، جەرگىلىكتى ورىن 31 وتباسىنداعى 86 ادامدى ۇيلەسىمدى تۇردە كوشىرىپ ورنالاستىرعان.

چياۋجيا اۋداندىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار باستىعى ساۋ شانيوۋدىڭ تانىستىرۋىنشا، جەر سىلكىنىسى تۋىلعان سوڭ، چياۋجيا اۋدانى دەرەۋ 4 – دارەجەلى شۇعىل جاعدايلارعا توتەپ بەرۋ شارالارىن ىسكە قوسىپ، ءتۇرلى كۇشتەردى ۇيىمداستىرىپ، اپاتتىڭ جاعدايىن تەكسەرۋدى جالپى بەتتىك ورىستەتكەن، ”ءبىر وتباسىن دا قالدىرماۋ، ءبىر ادامدى دا قالدىرماۋ“ تالابىنا ساي، قوعام حاۋىپسىزدىگى ورگاندارى، ءورت ءوشىرۋ تاراۋلارى، شۇعىل جاعدايعا توتەپ بەرۋ تاراۋلارى، تۇرعىن ءۇي تاراۋلارى قاتارلى ورىندارداعى قۇتقارۋ – كومەكتەسۋ كۇشتەرى اپات تۋىلعان جەرگە بارىپ شۇعىل جاعدايدى ءبىر جاقتى ەتۋگە شۇعىل اتتانىسقا كەلگەن، قالاشىق پەن قىستاقتاعى كادرلار، قىستاقتا تۇراتىن قىزمەت گرۋپپاسىنىڭ مۇشەلەرى وزدەرىنە قاراستى بولىكتەر بويىنشا جەر سىلكىنگەن اۋماقتاعى 17 اۋىل – قالاشىقتاعى (ءمالى) 192 قىستاقتا (الەۋمەتتىك اۋماق) اپات جاعدايىنا ءاربىر وتباسىن، ءاربىر ادامدى قامتىعان، تور جايۋ فورماسىنداعى تەكسەرۋدى ورىستەتكەن. 1 – ايدىڭ 20 – كۇنى تاڭ سارىگە دەيىن، جارالانۋ، ءولىم – ءجىتىم جانە ءۇي قۇلاۋ سىندى جاعدايلار تۋىلماعان؛ 31 وتباسىنداعى 86 ادامدى ۇيلەسىمدى كوشىرىپ ورنالاستىرعان؛ ەلەكتر قۋاتى، حابارلاسۋ، سۋ قويماسى، سۋمەن قامداۋ قاتارلى جاقتاردا قازىرشە ماسەلە بايقالماعان، اپات جاعدايىن ىشكەرىلەي تەكسەرۋ قىزمەتى قازىر ورىستەتىلۋدە.

كەلۋ قاينارى: حالىق تورابى