ەلىمىز بويىنشا كوكتەم مەزگىلىندە اۋىل شارۋاشىلىعى تۇقىم بازارىنا تەكسەرۋ جۇرگىزۋ جونىندە ورنالاستىرۋ جاسالدى

حالىق گازەتىنىڭ ءتىلشىسى يۇي جيڭشيان 1 - ايدىڭ 29 - كۇنى حابارلايدى. كوكتەمگى وندىرىسكە پايدالانىلاتىن تۇقىمنىڭ حاۋىپسىزدىگىنە كەپىلدىك ەتۋ، استىق جانە ماي داقىلدارىنىڭ كەڭ كولەمدى بىرلىك ءونىمىن جوعارىلاتۋعا پارمەندى تىرەك ازىرلەۋ ءۇشىن، اۋىل شارۋاشىلىعى جانە اۋىل – قىستاق مينيسترلىگى جۋىردا 2026 - جىلى كوكتەم مەزگىلىندە بۇكىل ەلىمىز بويىنشا اۋىل شارۋاشىلىعى تۇقىم بازارىنا تەكسەرۋ جۇرگىزۋ جونىندە ورنالاستىرۋ جاساپ، جۇگەرى، بۇرشاق، كۇرىش، ماقتا، كارتوپ جانە كوكونس قاتارلى ءتۇيىندى داقىل تۇقىمدارىن توڭىرەكتەي وتىرىپ، شوعىرلى ساۋدا بازارى، ساتىلىم دۇكەندەرى، ينتەرنەت تەكشەسى ارقىلى تۇقىم ساتۋ قاتارلىلارعا باقىلاۋ – باسقارۋ تەبىنىن ارتتىرىپ، تۇقىمنىڭ ساپاسى مەن كارانتيندەۋ جاعدايىنان ۇلگى الىپ تەكسەرۋ جۇرگىزىپ، جالعان – جارامسىز تۇقىم ساتۋ، اتىن جامىلىپ ۇقىققا قول سۇعۋ، زاڭ بويىنشا وسىمدىكتەرگە كارانتيندەۋ جۇرگىزبەۋ قاتارلى زاڭ – تۇزىمگە قايشى ارەكەتتەرگە قاتاڭ سوققى بەرەدى.

ۇقتىرۋدا ءار دارەجەلى اۋىل شارۋاشىلىعى جانە اۋىل – قىستاق تاراۋلارىنان اشكەرەلەۋ - مالىمدەۋ ارنالارىن بوگەتسىزدەندىرىپ، تۇقىمعا قاتىستى زاڭ – تۇزىمگە قايشى دەلولارعا دەر كەزىندە تەكسەرۋ جۇرگىزىپ، ديقاندارعا زالال كەلتىرىپ، ديقانداردى زياندايتىن ارەكەتتەرگە زاڭ بويىنشا قاتاڭ سوققى بەرىپ، تۇقىم شارۋاشىلىعى بازارىنىڭ ءتارتىبىن ۇزدىكسىز جاقسارتۋ تالاپ ەتىلگەن. كوكتەم مەرەكەسىنىڭ الدى – ارتىندا، اۋىل شارۋاشىلىعى جانە اۋىل – قىستاق مينيسترلىگى 6 قىزمەت گرۋپپاسىن وڭتۇستىك جۇڭگو، شىعىس - سولتۇستىك قاتارلى ءتۇيىندى رايوندارعا جىبەرىپ، ءتۇرلى قىزمەتتەردىڭ تياناقتاندىرىلۋىن، ونىمدىلىك كورسەتۋىن ىلگەرىلەتەدى.

كەلۋ قاينارى: حالىق تورابى