يران استاناسى سوعىس كەزىندە پانالاۋ قۇرىلعىلارى قۇرىلىسى جوباسىن باستادى

شينحۋا اگەنتتىگىنىڭ 1 – ايدىڭ 29 – كۇنى تەھراننان بەرگەن حابارى. يران اقپارات قۇرالدارىنىڭ 1 – ايدىڭ 29 – كۇنى بەرگەن حابارىنا قاراعاندا، يراننىڭ استاناسى تەھراننىڭ قالالىق ۇكىمەتى سوعىس كەزىندە پانالاۋ قۇرىلعىلارى قۇرىلىسى جوباسىن ىسكە قوسقان، بۇل جەر استى اۆتوتۇراقتارىن ”جايشىلىقتا اۆتوموبيل توقتاتۋ، سوعىس كەزىندە پانالاۋ“ سىندى قوس قولدانىلمالى كەڭىستىككە وزگەرتۋدى قامتيدى.

يران ساۋلە اگەنتتىگى تەھران قالاسىنىڭ باستىعى زاكانيدىڭ سوزىنەن سيتات كەلتىرىپ بىلاي دەدى: ”12 كۇندىك سوعىستان“ كەيىن، پانالاۋ قۇرىلعىلارىن سالۋ، اۋە شابۋىلىنان قورعانۋ دابىلىن ورناتۋ، سونداي – اق سوعىس تۋىلۋى مۇمكىن بولعان جاعدايدا بۇقارانى قورعاۋ قىزمەتى قالا قۇرىلىسى جوسپارىنا ەنگىزىلگەن، مۇنىڭ ىشىندە جەر استى اۆتوتۇراقتارىن شۇعىل جاعدايدا پانالاۋ ورنىنا اينالدىرۋ دا قامتىلادى. قازىر ەكى سىناق ءتۇيىنى ورنى بەلگىلەندى، بولاشاقتا الەۋمەتتىك اۋماقتاردا بىرتىندەپ جالپىلاستىرىلادى.

زاكاني بىلاي دەدى: جاڭادان سالىنعان قۇرىلعىلاردان سىرت، ءبىر ءبولىم قازىر بار قۇرىلعىلار مەن مەترو لەنيالارىن دا شۇعىل جاعدايدا ۋاقىتتىق پانالاۋ ورنى رەتىندە پايدالانۋعا بولادى، قاتىستى جوبالار مەن دايىندىقتار ىلگەرىلەتىلۋدە. الايدا، مۇنداي نەگىزدىك قۇرىلعىلار قۇرىلىسىنىڭ پەريودى ءبىرشاما ۇزاق، ونى بىرتىندەپ كەمەلدەندىرۋگە تۋرا كەلەدى.

كەلۋ قاينارى: حالىق تورابى