قىزمەت وتەۋ تۇتىنۋىنىڭ جاڭا ارتۋ تۇيىندەرىن جەدەل جەتىلدىرەيىك! مەملەكەتتىك كەڭەس كەڭسەسى قىزمەت جوباسىن باسىپ تاراتتى

مەملەكەتتىك كەڭەس كەڭسەسى بىرنەشە كۇننىڭ الدىندا باسىپ تاراتقان «قىزمەت وتەۋ تۇتىنۋىنىڭ جاڭا ارتۋ تۇيىندەرىن جەدەل جەتىلدىرۋ قىزمەت جوباسى» 1 – ايدىڭ 29 - كۇنى جاريالاندى، 3 جاقتاعى قولداۋ ساياساتى ورتاعا قويىلدى.

نازاردى قاتىناس قىزمەت وتەۋى، وتباسىلىق قىزمەت وتەۋ، ينتەرنەتتىك دىبىس ـ كەسكىن قىزمەت وتەۋى، ساياحات - قونالقى قىزمەت وتەۋى، اۆتوكولىك ساتىپ العاننان كەيىنگى قىزمەت وتەۋ، شەكارادان كىرۋگە بايلانىستى تۇتىنۋ قاتارلى ءتۇيىندى سالالارعا شوعىرلاندىرىپ، قىزمەت وتەۋمەن قامداۋدى ساپالىلاندىرۋ، الدىمەن اتقارىپ، الدىمەن سىناق ەتۋدى ىلگەرىلەتۋ، تۇتىنۋ ورتاسىندا جاڭالىق اشۋ، دارىندىلاردى باۋلۋدى كۇشەيتۋ قاتارلى جاقتاردان كۇش سالىپ، دامۋدىڭ ومىرشەڭدىك كۇشىن تاسقىنداتۋ كەرەك.

نازاردى كونسەرتتىك قىزمەت وتەۋ، دەنە تاربيە جارىستارىنا قىزمەت وتەۋ، كوڭىل كۇي ۇلگىسىندەگى، سىناپ كورۋ ۇلگىسىندەگى قىزمەت وتەۋ قاتارلى كومەسكى كۇشى بار سالالارعا شوعىرلاندىرىپ، شابىتتاندىرۋ مەحانيزمىن اقاۋسىزداندىرۋ، حاۋىپسىزدىكتى باسقارۋدى ساپالىلاندىرۋ، ساپالى ماركا جەتىلدىرۋ، تۇعىر دانەكەرىن قۇرۋ قاتارلى جاقتاردان ىسكە كىرىسىپ، دامۋدىڭ قوزعاۋشى كۇشىن جەتىلدىرۋ كەرەك.

ولشەم جۇيەسىن اقاۋسىزداندىرۋ، سەنىمدىلىك قۇرىلىسىن كۇشەيتۋ، قازىنا، فينانس جاعىنان قولداۋدى كۇشەيتۋ قاتارلىلار ارقىلى قىزمەت وتەۋ تۇتىنۋىنىڭ جاڭا ارتۋ تۇيىندەرىن جەتىلدىرۋدى قولداۋ، قامتاماسىز ەتۋدى كۇشەيتۋ كەرەك.

قىزمەت جوباسىندا جەر ـ جەردەن، قاتىستى تاراۋلاردان ساياساتتىق جوبالاۋدى كۇشەيتىپ، قولداۋ شارالارىندا جاڭالىق اشىپ، قىزمەت وتەۋ، تۇتىنۋ ورتاسىن ساپالىلاندىرىپ، قاجەتكە قاراي ناقتى قىزمەت وتەۋ، تۇتىنۋ سالاسىن قولداۋ ساياساتىن بەلگىلەۋ - شىعارۋ تالاپ ەتىلدى.

كەلۋ قاينارى: حالىق تورابى