كوكتەم مەرەكەسى كەزىندەگى تاسىمالدىڭ العاشقى كۇنىندەگى ءتورت گرۋپپانىڭ كورگەن - بىلگەندەرى (كوكتەم مەرەكەسىندە نەگىزگى ساتىنى ارالاۋ)

2 - ايدىڭ 2 - كۇنى شاڭحاي حۇڭچياۋ پويەز بەكەتىندە G14 كەزەكشى پويەزىنىڭ جولاۋشىلارى پويەز توسۋدا.

سۋرەتتى شينحۋا اگەنتتىگىنىڭ ءتىلشىسى ۋاڭ شياڭ تۇسىرگەن

2 - ايدىڭ 2 - كۇنى كوكتەم مەرەكەسى كەزىندەگى تاسىمالدىڭ العاشقى كۇنى تۇتاس قوعامدا ءوڭىر اتتاعان ادامداردىڭ اعىلۋ مولشەرى مەجەمەن 18 ميلليون 7910 مىڭ ادام - رەتكە جەتىپ، 2025 - جىلعى كوكتەم مەرەكەسى كەزىندەگى تاسىمالدىڭ العاشقى كۇنىندەگىدەن %13 ارتتى. تىلشىلەر تەمىر جول، تاس جول، سۋ تاسىمالى، حالىقتىق اۆياتسيانىڭ ءبىرىنشى شەبىندەگى قىزمەت ورىندارىنا بارىپ، وزەكتى قامتاماسىزداندىرۋعا، ساپارعا شىعۋ جولىنداعى مەيىر - شاپاعاتقا كۋا بولدى.

ءبىرىنشى كورىنىس: تەمىر جول تاسىمالىندا ازىرلەنگەن قوراپتى تاماق

تاڭەرتەڭگى ساعات 6 مولشەرى، جەرگە ءالى جارىق تۇسپەگەن ەدى، مەملەكەتتىك تەمىر جول بەيجيڭ مەكەمەسى جوعارى قارقىندى تەمىر جول تاماق دايىنداۋ، مانەرلەۋ بازاسىنىڭ شيكىزات تاپسىرىپ الۋ تەكشەسىندە شىراقتار جايناپ تۇر، توڭازىتىپ ساقتاۋ تاسىمال اۆتوموبيلى 2000 جىڭنان استام جاڭا ازىق - تۇلىك ماتەريالدارىن ارت - ارتىنان ءتۇسىرىپ بەردى.

اس - سۋ قوراپتاۋ سەحىندا تاماقتىڭ حوش ءيىسى اڭقىپ، ەكى پەشەتتەۋ ماشيناسى ”تارس - تارس“ ەتكەن داۋىس شىعارىپ، اس قورابىن رەتتى پەشەتتەدى.

ون نەشە قاتاڭ جۇمىس تارتىبىنەن كەيىن، 10 مىڭنان استام قوراپتى تاماق تۇراقتى تەمپەراتۋرادا توڭازىتىپ ساقتاۋ اۆتوموبيلىمەن بەيجيڭ باتىس بەكەتى سياقتى پويەز بەكەتتەرىنە تاسىمالدانىپ، جولاۋشىلاردىڭ قولىنا جەتكىزىلدى.

ەكىنشى كورىنىس: جوعارى قارقىندى تاس جول ىركىلىسسىز بولدى

بۇل تۇس بەيجيڭ - شاڭحاي جوعارى قارقىندى تاس جولىنىڭ ەڭ كوركەم كورىنىسى. ءتىلشى حىبەي ولكەسىنىڭ چيڭشيان اۋدانىنا كەلىپ، حىبەي جوعارى قارقىندى تاس جول توبى بەيجيڭ - شاڭحاي بولىمشە سەرىكتەستىگىنىڭ ىركىلىسسىزدىكتى ساقتاۋ، شۇعىل جاعدايعا توتەپ بەرۋ ۇلكەن اترەتىنىڭ مۇشەلەرىنىڭ قىزمەتىن كوردى.

جۇمىس باستاعان ءبىرىنشى ءىس ”ورتاق يگىلىكتەنەتىن كونۋس شەلەگىن“ تولىقتاۋ بولىپ، ”كەتىپ بارا جاتىپ ەكپەتتەپ جاتا قالىپ، اۆتوموبيلدەردىڭ استىڭعى بولەكتەرىنە كوز جۇگىرتتى. جارىق شاعىلىستىرعىش كونۋس كاتەلىن ىستەتكەندە ارتتان كەلەتىن اۆتوموبيلدەرگە ەسكەرتۋ بەرۋگە بولادى“ دەدى ورتا اترەت باستىعى ساي گۋاڭرىن.

ءبىر جەڭىل اۆتوموبيل كەنەتتەن اۆتوموبيل جولىنىڭ شەتىنە كەلىپ توقتادى. ساي گۋاڭرىن دەرەۋ اترەت مۇشەلەرىن ەرتىپ الدىعا شىعىپ، اۆتوموبيلدى جاقىن ماڭداعى قىزمەت وتەۋ رايونىنا سۇيرەپ اپارىپ، كىناراتتاردى تەكسەرۋگە كومەكتەستى ءارى ماتورىن قايتادان وتالدىردى.

ءۇشىنشى كورىنىس: 100 دەن استام جاڭا ەنەرگيالى اۆتوموبيل ”تەڭىزدەن ەندەي وتۋگە“ ساقاداي سايلاندى

حاينان ەركىن ساۋدا پورتىندا تۇتاس ارالدا كەدەندىك جابىق كۇيدە تۇرعاننان كەيىنگى تۇڭعىش رەتكى كوكتەم مەرەكەسى كەزىندەگى تاسىمال باستالدى. حايكوۋ قالاسى شيۋيىڭ كەمەجايىندا، جاڭا ەنەرگيالى اۆتوموبيلدەردى تيەگەن ”لۇييۋان 9 - ءنومىرلى“ كەمە اتتانعالى تۇر.

جاڭا ەنەرگيالى اۆتوموبيلدەرىن جۇرگىزىپ حاينان بۇعازىنان وتەتىن كولىك يەلەرى بارعان سايىن كوبەيۋدە. ”ءبىزدىڭ جۇمىسىمىز اۆتوكولىكتەردى كەمەگە حاۋىپسىز تيەۋگە نۇسقاۋ بەرىپ، اۆتوكولىكتەردىڭ تەڭىزدەن امان - ەسەن وتۋىنە مۇمكىندىك جاساۋ“ دەدى ”لۇييۋان 9 - ءنومىرلى“ كەمە كاپيانىنىڭ ورىنباسارى ياڭ يوۋيۇڭ.

”لۇييۋان 9 - ءنومىرلى“ كەمەسىنە ءبىر جولدا 180 دانا جاڭا ەنەرگيالى اۆتوموبيل تيەۋگە بولادى ەكەن. ساعات 9 دان 50 مينۋت وتكەندە، گۋدوك ءۇنى ەستىلىپ، ”لۇييۋان 9 - ءنومىرلى“ كەمە چيۇڭجوۋ بۇعازىنىڭ سولتۇستىك جاعالاۋىنا قاراي جولعا شىقتى.

ءتورتىنشى كورىنىس: اۋەجايداعى جۇكتەر زەردەلى جۇيەمەن تاسىمالداندى

ساعات 6 دان 2 مينۋت وتكەندە، بەيجيڭ داشيڭ حالىقارالىق اۋەجايى كوكتەم مەرەكەسى كەزىندەگى تاسىمالدىڭ العاشقى كۇنگى تۇڭعىش كەزەكشى ۇشاعىن قارسى الدى. شامامەن جارىم ساعاتتان كەيىن، ەڭ الدىڭعى بۋىنشاق - تۇيىنشەك ورنىقتى تۇردە جۇك تاسىمالدايتىن اينالمالى تاباقشاعا جەتتى.

ورتالىق مەڭگەرۋ بولمەسىنىڭ ۇلكەن ەكرانىندا، ءبىر ەلەكتروندىق قاريتا اۋەجايداعى 6 سۇرىپتاۋ ماشيناسى، 22 اينالمالى جۇك تاسىمال تاباعى، اۋەجاي عيماراتىنان شىعاتىن 41 اينالمالى جۇك تاسىمال تاباعى سياقتىلاردىڭ اينالىم جاعدايىن تىكە كورسەتتى. جاڭادان ورنالاستىرىلعان زەردەلى جۇك تاسۋ جۇيەسى قالىپتى جۇمىس ىستەي باستادى.

كەنەت ۇلكەن ەكرانداعى 1 - ءنومىرلى سۇرىپتاۋ ماشيناسى قىزىل تۇسكە ەندى. داشيڭ اۋەجايى اۋەجاي ايالداما عيماراتىن باسقارۋ ءبولىمىنىڭ جۇك مودۋلى مەڭگەرۋشىسى شۇي لين لي جۇك تاسىمال زالىن ارالاپ، ماسەلەنى تەز ارادا تۇراقتاندىردى ءارى ۇيلەسىمدى شەشتى.

(قاتىستى حابارلاردى «حالىق گازەتىنىڭ» 13 - بەتىنەن وقي الاسىزدار).

«حالىق گازەتىنىڭ» جيناق حابارى، تىلشىلەر ۋاڭ يۇنشا، حان شين، دۇڭ زى - ياڭ، چيۋ چاۋ - ي)

كەلۋ قاينارى: حالىق تورابى