ەڭ جوعارى حالىق پروكۋراتۋراسى: بىلتىر الدىڭعى 11 ايدا دەلو تۋىلعانىنا 20 جىلدان اسقان ەرەكشە ءىرى دەلولارعا زاڭ بويىنشا اداقتاۋ جۇرگىزىلىپ، 264 ادامنىڭ ۇستىنەن ۇستەمە ارىز بەرىلگەن

ەڭ جوعارى حالىق پروكۋراتۋراسىنىڭ ەرەكشە ءىرى قىلمىستاردى قاراۋعا جاۋاپتى پروكۋراتۋرالىق مەڭگەرمەسىنىڭ باستىعى جاڭ جيانجۇڭنىڭ 2 – ايدىڭ 1 – كۇنى سۇحبات قابىلداعان كەزدە تانىستىرۋىنشا، 2025 – جىلى 1 – ايدان 11 – ايعا دەيىن، ەڭ جوعارى حالىق پروكۋراتۋراسى دەلو تۋىلعانىنا 20 جىلدان اسقان ەرەكشە ءىرى دەلولارعا زاڭ بويىنشا اداقتاۋ جۇرگىزىلىپ، 264 ادامنىڭ ۇستىنەن ۇستەمە ارىز بەرىلگەن.

جاڭ جيانجۇڭ بىلاي دەپ تانىستىردى: ەڭ جوعارى حالىق پروكۋراتۋراسى حىبەي ولكەسى چىڭدى قالاسىنداعى قارتتار تۇراعىنا، لياۋنيڭ ولكەسى لياۋياڭ قالاسى بايتا رايونىنداعى ءمالىم مەيمانحاناعا ءورت كەتۋ ەرەكشە ءىرى وقيعاسى قاتارلى ەرەكشە ءىرى وقيعالارعا قاتىستى دەلولارعا ءبىرىنشى كەزەكتە بەلگى قويىپ قۋزاۋ سالىپ، وكشەلەي جەتەكشىلىك ەتۋمەن بىرگە، بەلگى قويىپ قۋزاۋ سالعان دەلولاردى ءبىتىرۋدى كۇشەيتىپ جانە جۇيەگە ءتۇسىرىپ، ”باسى بار، اياعى جوق“ بولىپ قالۋدان ساقتانۋدى، بىتىرۋگە قۋزاۋ سالۋ ونىمدىلىگىن جوعارىلاتۋدى، دەلونى زاڭ بويىنشا لايىقتى دا تەز بىتىرۋگە كەپىلدىك ەتىپ، جۇرتشىلىق كوڭىل ءبولىپ وتىرعان ماسەلەلەر جونىندە دەر كەزىندە جاۋاپ قاتۋدى تالاپ ەتتى.

ۇعىسۋعا قاراعاندا، ەڭ جوعارى حالىق پروكۋراتۋراسىنىڭ ەرەكشە ءىرى قىلمىستارعا قاتىستى پروكۋراتۋرا مەڭگەرمەسى الەۋمەتتىك حاۋىپسىزدىككە زيان جەتكىزگەن قىلمىستاردى زاڭ بويىنشا قاتاڭ جازالاپ جونگە سالىپ، حالىق جۇرتشىلىعىنىڭ اڭىسى كۇشتى بولعان ادام ءولتىرۋ، توناۋشىلىق ىستەۋ دەلولارى، مىلتىق پەن جارىلعىش زاتتارعا جانە ەسىرتكىگە قاتىستى دەلولار قاتارلى اۋىر قىلمىستاردى ايرىقشا جازالاپ جونگە سالىپ، قوعامداعى قايشىلىقتاردى شىن ىقىلاسپەن شەشىپ، قوعامنىڭ ورنىقتىلىعىن جانە حالىقتىڭ تىنىشتىعىن كۇش سالا قورعايدى.

كەلۋ قاينارى: حالىق تورابى