بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.02.03 16:20 كەلۋ قاينارى : حالىق تورابى
تاياۋدا اۋىل شارۋاشىلىعى جانە اۋىل ـ قىستاق مينيسترلىگى تورابى 2025 ـ جىلعى مەملەكەتتىك اۋىل ـ قىستاقتى كوركەيتۋدەن ۇلگى كورسەتەتىن اۋدان قۇرۋ تىزىمدىگىن جاريالاۋ جونىندەگى ۇقتىرۋدى جاريالاپ، بەيجيڭ قالاسى شۇن ـ ي رايونى قاتارلى 83 اۋداننىڭ (قالا، رايون) 2025 ـ جىلعى مەملەكەتتىك اۋىل ـ قىستاقتى كوركەيتۋدەن ۇلگى كورسەتەتىن اۋدان قۇرۋ ورنى بولۋىنا قوسىلدى، مۇندا شينجياڭنان شايار اۋدانى، شاعانتوعاي اۋدانى، سونداي - اق بيڭتۋاننىڭ شينشيڭ قالاسى تاڭدالدى.
حابارلاندىرۋدا مىنالار تالاپ ەتىلدى: مەملەكەتتىك اۋىل ـ قىستاقتى كوركەيتۋدەن ۇلگى كورسەتەتىن اۋدان قۇرۋ — پارتيا ورتالىق كوميتەتى جاساعان كەلەلى ورنالاستىرۋ، اۋىل ـ قىستاقتى جاپپاي كوركەيتۋدى ىلگەرىلەتۋدىڭ ماڭىزدى تۇعىر دانەكەرى. ءار دارەجەلى اۋىل شارۋاشىلىعى، اۋىل - قىستاق تاراۋلارى ساياسي دەڭگەيدى جوعارىلاتىپ، ۇلگى كورسەتەتىن اۋدان قۇرۋدى ماڭىزدى ورىنعا قويىپ، نازاردى ”1000 قىستاقتا ۇلگى كورسەتۋ، 10 مىڭ قىستاقتى رەتتەۋ – وڭاۋ“ ينجەنەرياسىنىڭ تاجىريبەسىن ۇيرەنۋگە، قولدانۋعا شوعىرلاندىرىپ، اۋىل - قىستاقتى جاپپاي كوركەيتۋدى ىلگەرىلەتىپ، ءبىرتۇتاس جوسپارلاپ سايكەستىرۋدى كۇشەيتىپ، ساياساتتىق قولداۋدى كۇشەيتىپ، جەتەكشىلىك ەتۋدى، قىزمەت وتەۋدى كۇشەيتىپ، ۇلگى كورسەتەتىن اۋدان قۇرۋ قىزمەتىن تىڭعىلىقتى، ءتارتىپتى ىلگەرىلەتۋ كەرەك. ۇلگى كورسەتەتىن اۋدان قۇرعان ورىندار سۋبيەكتتىك جاۋاپكەرشىلىكتى ارقالاپ، اۋدان ءوڭىرىن ءبىرتۇتاس جوسپارلاۋدى كۇشەيتىپ، قىزمەتتى ىلگەرىلەتۋ مەحانيزمىن اقاۋسىزداندىرىپ، وركەنيەتتى ورىن قۇرۋ شارالارىن اشالاپ، ناقتىلاندىرىپ، وركەنيەتتى ورىن قۇرۋ قىزمەتىندە ناقتى ونىمدىلىككە قول جەتكىزۋدى ىلگەرىلەتۋ كەرەك.
مەملەكەتتىڭ اۋىل ـ قىستاقتى كوركەيتۋدەن ۇلگى كورسەتەتىن اۋدان — اۋىل شارۋاشىلىعى جانە اۋىل ـ قىستاق مينيسترلىگى، مەملەكەتتىك اۋىل ـ قىستاقتى كوركەيتۋدى مەكەمەسى بىرلەسىپ باعالاعان ۇلگى كورسەتۋ، قۇرۋ نىسانى، مۇنداعى ماقسات تيپتىك اۋدان ءوڭىرىنىڭ امالياتى ارقىلى اۋىل ـ قىستاقتى كوركەيتۋ جولىن قاراستىرۋ. بۇل باعالاۋ 2022 ـ جىلدان باستاپ اتقارىلىپ، قازىرگە دەيىن مەملەكەتتىك اۋىل ـ قىستاقتى كوركەيتۋدەن ۇلگى كورسەتەتىن 283 اۋدان قۇرىلدى، مۇنىڭ ىشىندە شينجياڭنان جەكە ـ جەكە چارقىلىق اۋدانى، ءۇرىمجى اۋدانى، بۇراتالا قالاسى، شايار اۋدانى، شاعانتوعاي اۋدانى، سونداي ـ اق بيڭتۋاننىڭ 5 - شىسى (شۋاڭحى قالاسى)، شينشيڭ قالاسى بار.
كەلۋ قاينارى: حالىق تورابى
