الىس - جاقىندى ۇشتاستىرۋعا تاباندى بولىپ، باستامانى ويداعىداي يگەرىپ، دامۋدى اناعۇرلىم تىڭعىلىقتى، ءونىمدى جەبەپ، حالىق تۇرمىسىنا تيىمدىلىك جاساپ، سەرپىندى ارتتىرۋ كەرەك

شينحۋا اگەنتتىگى، 2 - ايدىڭ 2 - كۇنى، جينان (ءتىلشى زوۋ ۋەي). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ 2 - ايدىڭ 2 - كۇنى شاندۇڭدا تەكسەرۋ - زەرتتەۋ جۇرگىزدى. ول مىنالاردى باسا دارىپتەدى: باس شۋجي شي جينپيڭنىڭ بيىلعى جانە ”15 - بەسجىلدىق“ مەزگىلىندەگى ەكونوميكالىق، قوعامدىق دامۋ قىزمەتىن ويداعىداي ىستەۋ جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، الىس - جاقىندى ۇشتاستىرۋعا تاباندى بولىپ، باستامانى مىقتى يگەرىپ، ءتۇرلى ساياساتتاردى العا قاراي كۇش سالا اتقارىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل تياناقتاندىرىپ، دامۋدى اناعۇرلىم تىڭعىلىقتى، ءونىمدى تۇردە جەبەپ، حالىق تۇرمىسىنا تيىمدىلىك جاساپ، سەرپىندى ارتتىرۋ كەرەك.

لي چياڭ الدىمەن جينان 2 - ستانوك توبى شەكتى سەرىكتەستىگىنە كەلىپ، ماياك زاۆودىنىڭ ءوندىرىس جەلىسىن كوزدەن كەشىرىپ، ماتەريالداردى ازايتىپ جاساۋ، ماتەريالداردى كوبەيتىپ جاساۋ سياقتى تەحنولوگيالاردى، سونداي - اق جاڭا ماتەريالداردىڭ قولدانىلۋ جاعدايىن ەگجەي - تەگجەيلى ۇعىسىپ، كاسىپورىنداردىڭ سيفرلاندىرىپ تۇرلەندىرۋ ارقىلى باسەكەلىك قۋاتىن ۇزدىكسىز جوعارىلاتقاندىعىن القادى. لي چياڭ بىلاي دەدى: زەردەلى جاساۋ كاسىبى _ كاسىپ سالاسى تەحنيكاسىنىڭ وزگەرىسىن جانە ساپالىلانۋىن، دارەجەسىن جوعارىلاتۋدى ىلگەرىلەتۋدىڭ نەگىزگى قامال الۋ بەتالىسى، جاساندى زەردە تەحنيكاسىنان بەلسەنە پايدالانىپ، ءوندىرۋ - جاساۋدىڭ تۇتاس تىزبەگىن، تۇتاس پەريودىن قايتا سومداۋ كەرەك. كولەم ابزالدىعىن ساقتاۋ نەگىزىندە عىلىم - تەحنيكادا جاڭالىق جاراتۋعا اناعۇرلىم ءمان بەرىپ، تەحنيكالىق ونىمدەردىڭ دارەجەسىن جوعارىلاتۋدى ىلگەرىلەتىپ، دەربەس مەڭگەرۋ قابىلەتىن جوعارىلاتۋ كەرەك. قاتىستى كاسىپ سالالارىنىڭ، اسىرەسە، جاڭادان گۇلدەنگەن كاسىپ سالالارىنىڭ، بولاشاقتاعى كاسىپ سالالارىنىڭ دامۋ قاجەتىنە ساي، زەرتتەۋ - اشۋعا ۇسىنىلىمدى ۇزدىكسىز ارتتىرىپ، جۇمساق، قاتتى بولشەكتەردىڭ سايكەسۋىن كۇشەيتىپ، ساپالى قامداۋدى ۇزدىكسىز ارتتىرۋ كەرەك. لياۋچىڭنىڭ جىلۋ كوزىن جينانعا جەتكىزۋ

جىلۋمەن قامداۋ سولتۇستىك لەنياسى 4 -ءنومىرلى ۇلاسپالى ەنەرگيا ناسوس پۋنكتىندە لي چياڭ لياۋچىڭنىڭ جىلۋ كوزىن جينانعا جەتكىزۋ، جينانداعى كومىر جاعاتىن پار قازاننىڭ ورنىن باستىرۋ سياقتى قىزمەتتەردىڭ اياق الىسىن ىشكەرىلەي ۇعىسىپ، جەرگىلىكتى ورىننىڭ جىلۋمەن قامداۋداعى ”ءبىر توراپ“ قۇرىلىسىن تۇراقتاندىردى. لي چياڭ بىلاي دەپ اتاپ كورسەتتى: تازا جىلۋمەن قامداۋ حالىق تۇرمىسىن قامتاماسىزداندىرۋعا دا، كومىر قىشقىل گازىن تومەندەتىپ، ونىمدىلىكتى ارتتىرۋعا جانە ەكولوگيانى قورعاۋعا دا ءتيىمدى، تاماشا جالپىلىق ونىمدىلىككە يە. وڭىرلىك ەنەرگيانى ءبىر تۇتاس جوسپارلاپ پايدالانۋدى كۇشەيتىپ، قۇبىر تورابى قۇرىلعىلارىن تۇتاستىرۋدى ىلگەرىلەتىپ، جىلۋمەن قامداۋدى ولشەۋ ءتاسىلىن ساپالىلاندىرىپ، جاسىل، تومەن كومىرتەكتى تەحنيكانى زەرتتەپ اشۋدى، قولدانۋدى جەدەلدەتىپ، ونەركاسىپتەگى قالدىق جىلۋدى ورنىقتى، تازا جىلۋ قاينارىنا اينالدىرۋ كەرەك. لي چياڭ شاندۇڭ ولكەسىنىڭ ەنەرگيا قۇرىلىسى مەن يادرو ەلەكترىنىڭ دامۋ جاعدايى جونىندەگى مالىمەتىن تىڭداپ، تازا ەنەرگيا نىسانى قۇرىلىسى مەن اينالىم حاۋىپسىزدىگىن ءبىر تۇتاس ويداعىداي يگەرىپ، تەحنيكالىق ورەسى مەن باقىلاۋ - باسقارۋ قابىلەتىن جوعارىلاتىپ، جاڭاشا ەنەرگيا جۇيەسىن قۇرۋعا اناعۇرلىم ويداعىداي دەم بەرۋدى تالاپ ەتتى.

تەكسەرىپ - زەرتتەۋ كەزىندە لي چياڭ ولكە، قالا، اۋدان، قىستاق ءتورت دارەجەلى ۇكىمەتتەگى جاۋاپتى جولداستاردىڭ اڭگىمە ءماجىلىسىن باسقارىپ اشىپ، «ۇكىمەت قىزمەتىنەن بايانداما» جانە «”15 - بەسجىلدىق“ جوبا باعدارلاماسىنىڭ (جوبا)» پىكىر الۋ نۇسقاسى، سونداي - اق ۇكىمەت قىزمەتى جونىندەگى پىكىر، ۇسىنىستارىن تىڭدادى. لي چياڭ بىلاي دەپ باسا دارىپتەدى: وتكەن جىلى جۇڭگو ەكونوميكاسى سوققىعا توتەپ بەرۋ بارىسىندا تىڭ دامۋدى جۇزەگە اسىرىپ، قۇدىرەتتى توزىمدىلىك پەن ومىرشەڭدىك كۇشتى ايگىلەدى، بيىل ءبىز سەنىمدى ۇزدىكسىز بەكەمدەپ، قيىندىقتاردى جەڭىپ، ۇدەرە العا تارتىپ، ”15 - بەسجىلدىقتا“ جاقسى باستاما اشىپ، جاقسى قادام تاستاۋعا كەپىلدىك ەتۋىمىز كەرەك. ءار دارەجەلى ۇكىمەتتەر پارتيا ورتالىق كوميتەتىنىڭ شەشىمدەرى مەن ورنالاستىرۋلارىنا ساي، تياناقتاندىرۋدى مىقتى يگەرىپ، ىرىقتىلىقپەن ءىس تىندىرىپ، جەر - جەردىڭ ەرەكشەلىگىن، ابزالدىعىن ساۋلەلەندىرىپ، جاڭا ارتۋ تۇيىندەرىن قۇلشىنا جەتىلدىرىپ، ءتۇرلى قىزمەتتەردىڭ تەز ارادا تياناقتانىپ، ناتيجە بەرۋىن ىلگەرىلەتۋى كەرەك. قىزمەت وتەۋ تانىمىن اناعۇرلىم كۇشەيتىپ، ۇكىمەت ىستەرىنىڭ ونىمدىلىگىن ۇزدىكسىز جوعارىلاتىپ، كاسىپورىندارعا تيىمدىلىك جاساۋ ساياساتتارىن تياناقتاندىرىپ، كاسىپورىندار كوڭىل ءبولىپ وتىرعان ماسەلەلەر مەن تالاپ - تىلەكتەردى ويداعىداي شەشۋ كەرەك. جوعارى ساپالى دامۋدى ىلگەرىلەتۋدى ارقاۋ ەتىپ، ”15 - بەسجىلدىق“ جوبانى جاساۋمەن جانە اتقارۋمەن ۇشتاستىرىپ، ءبىر توپ كەلەلى شارالاردى، كەلەلى نىسانداردى ىشكەرىلەي جوسپارلاپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ، ەل ىشىندەگى ۇلكەن اينالىمدى كۇشەيتۋ، تۇرعىنداردىڭ جۇمىستانىپ كىرىسىن ارتتىرۋىن جەبەۋ سياقتى ءتۇيىندى سالالاردا اناعۇرلىم زور ىلگەرىلەۋشىلىككە قول جەتكىزىپ، بولاشاق دامۋعا بەرىك نەگىز قالاپ، قوزعاۋشى كۇش توپتاۋ كەرەك. لي چياڭ مىنالاردى باسا دارىپتەدى: جەرگىلىكتى ۇكىمەتتەر ”15 - بەسجىلدىق“ دامۋ جوباسىن جاساۋدا شىندىقتى ءىس جۇزىنەن ىزدەۋگە تاباندى بولىپ، جۇيەلىك توپتاۋعا ءمان بەرۋى، اسىرەسە، نەگىزى ساتىنىڭ ارناۋلى دامۋ جوسپارىن جاساۋدا ىقشام ءارى كەمەلدى بولۋعا تاباندى بولۋى، ۇلكەن ءارى كەمەلدى بولۋعا ۇرىنباۋى كەرەك.

ۋ جىڭلۇڭ تەكسەرۋ - زەرتتەۋدە بىرگە بولدى.

كەلۋ قاينارى: حالىق تورابى