نەگىزدىك زەرتتەۋدىڭ ستراتەگيالىق، كورەگەندىك، جۇيەلىلەنگەن ورنالاسۋىن كۇشەيتىپ، قالىڭ عىلمي زەرتتەۋ قىزمەتكەرلەرىنىڭ عىلىمنىڭ بيىك شىڭىنا باتىلدىقپەن شىعىپ، اناعۇرلىم كوپ ءتول جاسامپازدىق جەتىستىكتەر جاراتۋىنا قولداۋ كورسەتۋ كەرەك

شينحۋا اگەنتتىگى، 2 - ايدىڭ 12 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا مەملەكەتتىك جاراتىلىستىق عىلىم قورى كوميتەتىنىڭ قىزمەتى جونىندە ماڭىزدى نۇسقاۋ بەرىپ بىلاي دەپ اتاپ كورسەتتى: مەملەكەتتىك جاراتىلىستىق عىلىم قورى كوميتەتى قۇرىلعان 40 جىلدان بەرى نەگىزدىك زەرتتەۋدى ىلگەرىلەتۋ، جاڭالىق جاراتاتىن دارىندىلاردى جەتىلدىرۋ سياقتى جاقتاردا بەلسەندى رول اتقاردى.

شي جينپيڭ مىنالاردى باسا دارىپتەدى: جاڭا جورىقتا سىزدەردىڭ جاڭا ءداۋىر جۇڭگو ۇلگىسىندەگى سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، جاڭا كەزەكتى عىلىم - تەحنيكا توڭكەرىسى مەن كاسىپ وزگەرىسىنىڭ تاريحي ورايىن مىقتى يگەرىپ، ”ءتورتتى بەتكە الۋ“ ستراتەگيالىق بەتالىسىنا تاباندى بولىپ، نەگىزدىك زەرتتەۋدىڭ ستراتەگيالىق، كورەگەندىك، جۇيەلىلەنگەن ورنالاستىرۋىن كۇشەيتىپ، عىلىم قورى رەفورماسىن تەرەڭدەتىپ، قارجىلاي كومەك بەرۋ جۇيەسىن اناعۇرلىم كەمەلدەندىرىپ، قارجىلاي كومەك بەرۋ ونىمدىلىگىن جوعارىلاتۋلارىڭىزدى، تاماشا عىلمي زەرتتەۋ ەكولوگياسىن قالىپتاستىرۋدى ىلگەرىلەتىپ، حالىقارالىق سەلبەستىك ءورىسىن كەڭەيتىپ، قالىڭ عىلمي زەرتتەۋ قىزمەتكەرلەرىنىڭ عىلىمنىڭ بيىك شىڭىنا باتىلدىقپەن شىعىپ، اناعۇرلىم كوپ ءتول جاسامپازدىق جەتىستىكتەر جاراتۋىنا قولداۋ كورسەتىپ، جوعارى دەڭگەيدەگى عىلىم - تەحنيكانىڭ ءوز كۇشىنە سۇيەنىپ ءوزىن الۋەتتەندىرۋىن ىلگەرىلەتۋگە، عىلىم - تەحنيكادا قۇدىرەتتى ەل قۇرۋعا اناعۇرلىم زور ۇلەس قوسۋلارىڭىزدى ءۇمىت ەتەمىن.

مەملەكەتتىك جاراتىلىستىق عىلىم قورى كوميتەتى 1986 - جىلى 2 - ايدا قۇرىلعان، 40 جىلدىق دامۋ ارقىلى مەملەكەتتىڭ قالىڭ عىلمي زەرتتەۋ قىزمەتكەرلەرىنىڭ نەگىزدىك زەرتتەۋ جۇرگىزۋىنە قارجىلاي كومەك بەرۋدەگى ماڭىزدى ارناسىنا اينالدى.

كەلۋ قاينارى: حالىق تورابى