شينجياڭ حى جياۋلۇڭ جولداسقا اۆتونوميالى رايوننىڭ تاڭداۋلى كوممۋنيستى اتاعىن تولىقتاپ بەردى

شينجياڭ گازەتىنىڭ ءتىلشىسى جياڭ يۇنلۇڭ 2 – ايدىڭ 9 – كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى جۋىردا حى جياۋلۇڭ جولداسقا ”شينجياڭ ۇيعۇر اۆتونوميالى رايونىنىڭ تاڭداۋلى كوممۋنيستى“ اتاعىن تولىقتاپ بەرۋ تۋرالى شەشىم قابىلدادى. حى جياۋلۇڭ كوزى تىرىسىندە اۆتونوميالى رايوندىق اۋىل شارۋاشىلىعى ونىمدەرى ماركا قۇرىلىسى جانە ءوندىرۋ مەن ساتۋ جاعىندا قىزمەت وتەۋ ورتالىعىنىڭ (اۆتونوميالى رايوندىق اۋىل شارۋاشىلىعى سالاسىندا شەتەلمەن سەلبەستىك جاساۋ ورتالىعىنىڭ) مەڭگەرۋشىسى بولعان، اۆتونوميالى رايون بويىنشا وزات قىزمەتكەر، ەلىمىز بويىنشا 8 - ناۋرىز قىزىل تۋشىسى قاتارلى داڭقتى اتاقتارعا يە بولعان. 1 – ايدىڭ 11 – كۇنى حى جياۋلۇڭ بۇراتالا قالاسىندا اۋىل شارۋاشىلىق ونىمدەرىن ەلەكتروندىق ساۋدا ارقىلى ساتۋ قيمىلىنا بايلانىستى الدىن – الا كەسكىن ءتۇسىرۋ بارىسىندا ويدا جوقتا اتتان جىعىلىپ، كۇش سالا قۇتقارۋ ءونىم بەرمەي، 1 – ايدىڭ 14 – كۇنى باقىتقا قارسى قازا بولدى.

حى جياۋلۇڭ جولداس پارتياعا ادال، ۇستانىمى بەرىك، كاسىپكە شىنايى ىقىلاستى، حالىققا تەرەڭ سۇيىسپەنشىلىك ورناتقان، بۇقارالىق لۋشياندى بەلسەندى تۇردە امالياتتا ايگىلەگەن، شينجياڭنىڭ جارشىسى بولىپ، حالىقتى باقىتقا كەنەلتىپ، شينجياڭنىڭ كەڭ – بايتاق دالاسىندا كوممۋنيستەردىڭ ”حالىق ءۇشىن قىزمەتتە ناتيجە جاراتۋ، تىڭعىلىقتى ىستەۋ ارقىلى ناتيجە جاراتۋ“ سىندى داۋىرلىك جاۋابىن جازدى، اۋىل – قىستاقتى جاپپاي گۇلدەندىرۋدى ىلگەرىلەتۋ، مادەنيەت پەن ساياحاتتى توعىستىرۋدى جەبەۋ، ۇلتتار ىنتىماعىن كۇشەيتۋ جاعىندا كورنەكتى ۇلەس قوستى.

كەلۋ قاينارى: حالىق تورابى