قانداي زاتتاردى ۇشاققا الىپ شىعۋعا بولمايدى؟ جولاۋشىلارعا ارنالعان مىناداي شاعىن ەسكەرتپەنى ساقتاپ الىڭىز

كوكتەم مەرەكەسى مەزگىلىندەگى تاسىمال باستالدى، جۋىردا اۋەجايلاردا جولاۋشىلار مولشەرى ۇزدىكسىز ارتۋدا، ساپارعا شىعار الدىندا جۇكتەرىڭىزدى جيناعان كەزدە مىناعان نازار اۋدارىڭىز، وڭاي جاناتىن، وڭاي جارىلىس تۋدىراتىن زاتتار مەن پىشاق، شاقپاق قاتارلى زاتتاردى ۇشاققا الىپ شىعۋعا تيىم سالىنۋدان سىرت، تاعى قانداي زاتتاردى ۇشاققا الىپ شىعۋعا بولمايدى؟ ۇشاققا وتىراتىن جولاۋشىلارعا ارنالعان مىنا ەسكەرتپەنى ساقتاپ الىڭىز.

كوكتەم مەرەكەسى مەزگىلىندە ساپارلايتىنداردىڭ اراسىندا قارتتار مەن بالالار دا كوپ بولادى، بالالار وينايتىن تورسىلداق قاتارلى وڭاي جاناتىن، وڭاي جارىلىس تۋدىراتىن زاتتاردى ۇشاققا الىپ شىعۋعا تيىم سالىنادى، جۇكپەن بىرگە اماناتتاپ جونەلتۋگە دە بولمايدى. سونىمەن بىرگە، جولاۋشىلاردىڭ ەلىكتەمەلى قارۋلاردى دا وزىمەن بىرگە الىپ جۇرۋىنە نەمەسە اماناتتاپ جولداۋىنا بولمايدى، اتا – انالار ساپارعا شىعار الدىندا بالالاردىڭ وسىنداي بۇيىمدارىن ويداعىداي ءبىر جاقتى ەتۋى قاجەت.

مۇنان سىرت، كوكتەم مەرەكەسى مەزگىلىندە كوپتەگەن جولاۋشىلاردىڭ اراق الىپ جۇرەتىن ادەتى بار، سپيرت قۇرامى 24 گرادۋستان 70 گرادۋس ارالىعىنداعى اراقتاردىڭ ءار بوتەلكەسىنىڭ 500 ميلليمەتردەن اسىپ كەتۋىنە بولمايدى، جالپى مولشەرىنىڭ ەكى ليتردەن اسىپ كەتۋىنە بولمايدى، ونى اماناتتاپ جونەلتۋگە بولادى، جولاۋشىنىڭ وزىمەن بىرگە الىپ جۇرۋىنە بولمايدى. 70 گرادۋستان اساتىن اراقتى وزىمەن بىرگە الىپ جۇرۋگە دە، اماناتتاپ جولداۋعا دا بولمايدى.

كەلۋ قاينارى: حالىق تورابى