شينجياڭ ۇيعۇر اۆتونوميالى رايونى 2026 – جىلى قوعامنان اشىق تۇردە ەمتيحان ارقىلى ۇكىمەت قىزمەتكەرى قاتارىنا ادام قابىلداۋ قىزمەتىن باستادى 

شينجياڭ گازەتىنىڭ حابارى. ءتىلشىنىڭ شينجياڭ ۇيعۇر اۆتونوميالى رايوندىق ۇكىمەت قىزمەتكەرلەرىن باسقارۋ تاراۋلارىنان ۇعىسۋىنشا، 2026 – جىلى شينجياڭ ۇيعۇر اۆتونوميالى رايونى قوعامنان اشىق تۇردە ەمتيحان ارقىلى 3937 ادامدى ۇكىمەت قىزمەتكەرى قاتارىنا جانە ۇكىمەت قىزمەتكەرى زاڭى بويىنشا باسقارىلاتىن قىزمەتكەرلەر قاتارىنا قابىلدايدى. ەمتيحانعا تىزىمدەلۋ 2 – ايدىڭ 6 – كۇنىنەن باستالىپ، 2 – ايدىڭ 11 – كۇنى اياقتايدى؛ 3 – ايدىڭ 14 – كۇنىنەن باستاپ جازباشا ەمتيحان الىنادى، سوڭىنان ىلگەرىندى – كەيىندى قىزمەت ورنىن رەتتەۋ، تولىمدىلىعىن تەكسەرۋ، بەتپە – بەت ەمتيحان، دەنساۋلىق تەكسەرۋ، باقىلاۋ، اشىق جاريالاۋ، قىزمەتكە قابىلداۋ قىزمەتتەرى ورىستەتىلەدى. قىزمەتكەر قابىلداۋ ۇقتىرۋى مەن قىزمەت ورىندارىنىڭ ناقتى جاعدايى 2 – ايدىڭ 4 – كۇنى شينجياڭ كۇنلۇن تورابىندا (http://www.xjkunlun.cn)، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ تورابىندا (http://rst.xinjiang.gov.cn)، شينجياڭ كادرلار قىزمەتى جانە ەمتيحان تورابىندا (https://www.xjrsks.com.cn) جاريالانادى، ەمتيحان بەرۋشىلەردىڭ نازار اۋدارۋىن ءارى توراپقا تىركەلىپ، جاعدايدى سۇراستىرۋىن ءۇمىت ەتەمىز.

كەلۋ قاينارى: حالىق تورابى