دۇنيە جۇزىندەگى ەڭ ۇلكەن ءشولدى كەسىپ وتكەن تەمىر جول سالىنىپ بولدى

جەرگىلىكتى ۋاقىت بويىنشا 2 – ايدىڭ 1 – كۇنى، جۇڭگو تەمىر جول قۇرىلىسى توبى سالۋعا قاتىناسقان افريكاداعى اۋىر جۇك تيەپ ءشولدى كەسىپ وتۋگە بولاتىن تۇڭعىش تەمىر جول — الجيريا باتىس بولىك كەن شارۋاشىلىعى تەمىر جولىندا پويەز رەسمي قاتىنادى، بۇل پويەز جولدىڭ جالپى ۇزىندىعى 950 كيلومەتر، جۇڭگو جاق مۇنىڭ 575 كيلومەتر بولىگىن سالۋعا قاتىناسقان.

اتالعان تەمىر جول جەلىسى ساحارا ءشولىن كەسىپ وتەدى، جۇڭگولىق قۇرىلىسشىلار جەرگىلىكتى ورىنداعى حالىقپەن بىرگە جوعارى تەمپەراتۋرا مەن قۇمدى بوراننىڭ سالعان الەگىن جەڭىپ، كەن تاسىمالدايتىن وسى ءبىر ارنانى تۇتاستىرىپ، افريكانىڭ ەكونوميكاسىنىڭ ۇشقان قۇستاي دامۋىنا قانات ءبىتىردى.

ۇعىسۋعا قاراعاندا، اتالعان نىسان الجيرياداعى جۇڭگو كاسىپورىندارى قاتىناسقان ەڭ ءىرى نەگىزدىك قۇرىلعى ينجەنەرياسى. جۇڭگونىڭ قۇرىلىسشىلارى مەن جەرگىلىكتى حالىق تەك 24 اي ۋاقىت جۇمساپ، 575 كيلومەتر كەلەتىن تەمىر جولدى سالىپ شىعىپ، شولدە اۋىر جۇك تاسىمالداۋعا ارنالعان پويەز جولىن سالۋدا ”جۇڭگو قارقىنىن“ جاراتتى.

كەلۋ قاينارى: حالىق تورابى