قوعام حاۋىپسىزدىگى ورگاندارى وڭتۇستىك افريكادان ءبىر ەكونوميكالىق قىلمىس كۇماندىسىن وتكىزىپ الدى

جۇڭگو اقپارات تورابىنىڭ 2 – ايدىڭ 2 – كۇنى بەرگەن حابارى. قوعام حاۋىپسىزدىگى مينيسترلىگى ۋيشين تەكشەسىنىڭ حابارلاۋىنشا، جۋىردا قاتىستى تاراۋلاردىڭ، جۇڭگونىڭ وڭتۇستىك افريكاداعى ەلشىلىگى مەن وڭتۇستىك افريكانىڭ قاتىستى زاڭ اتقارۋ تاراۋلارىنىڭ كۇش سالا سايكەسۋىندە، جۇڭگو قوعام حاۋىپسىزدىگى ورگاندارى زاڭسىز تيجارات جۇرگىزۋ قىلمىسىن وتكىزگەن قىلمىس كۇماندىسى چىن XX تى وڭتۇستىك افريكادان وتكىزىپ الىپ، ەلىمىزگە اكەلگەن. بۇل دەلو «جۇڭحۋا حالىق رەسپۋبليكاسى مەن وڭتۇستىك افريكا رەسپۋبليكاسى اراسىنداعى ءوزارا وتكىزىپ بەرۋ شارتى» كۇشكە يە بولعاننان بەرى ەلىمىز تۇڭعىش رەت دەلوعا قاتىستى ادامدى ءساتتى تۇردە وتكىزىپ العان دەلو سانالادى.

ۇعىسۋعا قاراعاندا، قىلمىس كۇماندىسى چىن XX زاڭسىز پايدا تابۋدى ماقسات ەتىپ، حالىق اقشاسى مەن وڭتۇستىك افريكانىڭ رانتىن اۋىستىرۋ ىسىمەن زاڭسىز شۇعىلدانعان، دەلوعا قاتىستى سوما 49 ميلليون يۋاننان اسقان. 2020 – جىلى 6 – ايدا، شاڭحاي قالاسى چۇڭميڭ رايوندىق حالىق پروكۋراتۋراسى زاڭسىز تيجارات جۇرگىزۋ قىلمىسى بويىنشا چىن XX تى زاڭ بويىنشا تۇتقىنداۋدى بەكىتكەن. 2025 – جىلى 7 – ايدا، وڭتۇستىك افريكا ساقشى جاعى چىن XX تى تۇتقىنداعان، ىلە – شالا جۇڭگو جاق وتكىزىپ بەرۋدى تالاپ ەتكەن؛ سول جىلى 12 – ايدا، وڭتۇستىك افريكا سوتى چىن XX تى جۇڭگوعا وتكىزىپ بەرۋدى ۇيعارعان.

قوعام حاۋىپسىزدىگى مينيسترلىگى ەكونوميكالىق قىلمىستاردى بارلاۋ مەڭگەرمەسىنىڭ قاتىستى جاۋاپتىسىنىڭ ايتۋىنشا، وسى رەتكى وتكىزىپ الۋ ءىسىنىڭ ءساتتى بولۋى جۇڭگو مەن وڭتۇستىك افريكا ەكى ەلدىڭ قىلمىستىق ىستەرگە بىرلەسىپ سوققى بەرۋ بەكىمىن ايگىلەپ، ەكى جاقتىڭ ءادىليا جانە زاڭ اتقارۋ سالالارىنداعى سەلبەستىگىن بەكەمدەۋدە، ىشكەرىلەي ورىستەتۋدە كەزەڭدىك مانگە يە.

كەلۋ قاينارى: حالىق تورابى