شينجياڭنىڭ قوي – سيىر ەتىن شينجياڭنان شىعارۋ ”جەدەلدەتىلدى“

تيانشان تورى – شينجياڭ گازەتىنىڭ ءتىلشىسى جاۋ شييا حابارلايدى. 1 – ايدىڭ 30 – كۇنى، جيڭدۇڭ اۆياتسيا سەرىكتەستىگىنىڭ تۇڭعىش ەيرباس - A330 كەڭ تۇلعالى جۇك ۇشاعى ءۇرىمجى تيانشان حالىقارالىق اۋەجايىنا ءساتتى قوندى. ىلە – شالا شينجياڭنىڭ قوي – سيىر ەتى قاتارلى ەرەكشە ونىمدەرىن تيەپ، بەيجيڭ داشيڭ حالىقارالىق اۋەجايىنا ۇشتى. بۇل اتالعان كەڭ تۇلعالى جۇك ۇشاعىنىڭ ساۋدالىق اينالىمعا رەسمي قوسىلعانىنان دەرەك بەرەدى.

جوسپارعا ساي، الدا مەرەكەلىك بۇيىمداردىڭ ساتىلىمى كۇسەت بولاتىن مەزگىلدە، بۇل جۇك ۇشاعى ”شينجياڭ ءۇرىمجى – بەيجيڭ داشيڭ“ اراسىندا قوي – سيىر ەتىن تاسىمالدايتىن بۇكىلدەي جۇك تاسىمالىنا ارنالعان اۋە جەلىسىندە مىندەت اتقارادى ءارى جيڭدۇڭ زات اينالىمى سەرىكتەستىگىنىڭ بۇكىلدەي جۇك تاسىمالىنا ارنالعان ۇشاقتارىنىڭ شينجياڭنىڭ قوي – سيىر ەتىن تاسىمالداۋ مولشەرىن بىلتىرعى وسى مەزگىلدەگىمەن سالىستىرعاندا %300 ارتتىرۋدى جەبەپ، شينجياڭنىڭ ەرەكشەلىككە يە اۋىل شارۋاشىلىعى ونىمدەرىنىڭ شينجياڭنان سىرت جەرلەرگە شىعارىلۋىنا جوعارى ءونىمدى، قولايلى ”اۋەدەگى ۇشقىر جەلىنى“ دايىندايدى.

كەلۋ قاينارى: حالىق تورابى