جەردى زاڭسىز يەلەپ الۋ، ورماندى، جايىلىمدى، ەكولوگيالىق ورتانى ءبۇلدىرۋ سىندى 8 ءتۇرلى تيپتىك ماسەلە جونىندە حابارلاندىرۋ شىعارىلدى 

ءتىلشىنىڭ 2 – ايدىڭ 4 – كۇنى جاراتىلىستىق بايلىق مينيسترلىگىنەن ۇعىسۋىنشا، جاراتىلىستىق بايلىق مينيسترلىگى مەن مەملەكەتتىك ورمان شارۋاشىلىعى جانە جايىلىم مەڭگەرمەسى 2025 – جىلى ءتورتىنشى توقساندا ءبىر ءبولىم جەرلەردە جەردى زاڭسىز يەمدەنىپ الۋ، ەگىستىك جەردى جانە ماڭگىلىك نەگىزدىك ەگىنجايدى ءبۇلدىرۋ، مەملەكەتتىڭ تەرريتوريالىق كەڭىستىك جوباسىنا قايشى قۇرىلىس جۇرگىزۋ، ورماندى، جايىلىمدى، ەكولوگيالىق ورتانى ءبۇلدىرۋ قاتارلى ماسەلەلەر ساقتالعانىن بايقاعان. ەسكەرتۋ بەرۋ، ءتالىم – تاربيە جۇرگىزۋ رولىن ساۋلەلەندىرۋ ءۇشىن، جاراتىلىستىق بايلىق مينيسترلىگى مەن مەملەكەتتىك ورمان شارۋاشىلىعى جانە جايىلىم مەڭگەرمەسى زاڭ – ەرەجەگە قايشى 8 رەتكى تيپتىك ماسەلە جونىندە حابارلاندىرۋ شىعارۋدى ۇيعارعان. ولار جەكە – جەكە:

1. تيانجين قالاسى شيچيڭ رايونىنىڭ زاڭسىز يەلەپ العان 58.7 مۋ ەگىستىك جەرگە ات ونەرىنە جاتتىقتىرۋ الاڭىن جاساۋ ءىسى تۋرالى باقىلاۋ – باسقارۋى ويداعىداي بولماعان

2. حىنان ولكەسى لوياڭ قالاسى مىڭجين رايونىنىڭ ماڭگىلىك نەگىزدىك ەگىنجايعا ارنالعان 32.04 مۋ جەردەن توپىراق الىپ كەرپىش جاساعانداردى باقىلاۋ – باسقارۋى ويداعىداي بولماعان

3. حۋبەي ولكەسى گۋاڭشۇي قالاسى حاۋديان قالاشىعى حۋاشان قىستاعىنداعى يۇي X قاتارلىلار 286.05 مۋ جەردەگى اعاشتى زاڭعا قايشى تۇردە كەسكەن

4. حۋنان ولكەسى سان – ان كەن كاسىبى شەكتى جاۋاپكەرشىلىك سەرىكتەستىگى 109.93 مۋ جەردەگى ورماندىق جەردى قالاعانىنشا يەلەپ العان

5. چۇڭچيڭ قالاسى ۋانجوۋ رايونى ماڭگىلىك نەگىزدىك ەگىنجايدان 216 مۋ جەردى بەلگىلەمەگە قايشى تۇردە يەلەپ الىپ، جاسىلداندىرۋ – اشەكەيلەۋ ماقساتىندا ءشوپ ەگۋ ءىسى تۋرالى ويداعىداي باقىلاۋ – باسقارۋ جۇرگىزبەگەن

6. گۇيجوۋ ولكەسى شيفىڭ اۋدانى شيفىڭ ەكونوميكالىق كوركەيتۋ رايونى حيميالىق ونەركاسىپ باقشا رايونى 587.85 مۋ ورماندىق جەردى ءوز بەتىمەن يەمدەنىپ العان

7. چيڭحاي ولكەسى حايشي وبلىسى ماڭيا قالاسىنىڭ ۋكۋاڭ تۇزدى كول شەكتى سەرىكتەستىگىنىڭ قالا – قالاشىقتى كوركەيتۋ شەكاراسىنىڭ سىرتىنان زاڭسىز تۇردە 119.6 مۋ جەردى يەلەپ الىپ، ول جەرگە قوناق ءۇي سالۋ ءىسىن باقىلاۋ – باسقارۋى ويداعىداي بولماعان

8. شينجياڭ ۇيعۇر اۆتونوميالى رايونى قۇمىل قالاسى حىشياڭ ونەركاسىپ – ساۋدا شەكتى جاۋاپكەرشىلىك سەرىكتەستىگى بەسقۇدىق اشىق كومىر كەنى باركول اۋدانىنداعى تابيعي جايىلىمدىق جەردەن 113.6 مۋ جەردى زاڭسىز يەمدەنىپ العان

جاراتىلىستىق بايلىق مينيسترلىگى، مەملەكەتتىك ورمان شارۋاشىلىعى جانە جايىلىم مەڭگەرمەسى مىنانى ءبىلدىردى: قاتىستى جەرگىلىكتى ۇكىمەت ورىندارى مەن قاتىستى تاراۋلار زاڭ – ەرەجەلەرگە ساي، شىندىقتى ءىس جۇزىنەن ىزدەي وتىرىپ جونگە سالۋ – رەتتەۋ، تەكسەرىپ ءبىر جاقتى ەتۋ قىزمەتىن ورىستەتۋى، قارا دۇرسىندىككە سالىنۋدان، ”ءبىر تاياقپەن ايداۋدان“ قاتاڭ ساقتانىپ، دەلو مىسالدارىن اينا ەتىپ، كۇندەلىكتى باسقارۋدى جۇيگە ءتۇسىرىپ، باسقارۋ ساياساتىن كەمەلدەندىرۋى كەرەك. جاراتىلىستىق بايلىق مينيسترلىگى مەن مەملەكەتتىك ورمان شارۋاشىلىعى جانە جايىلىم مەڭگەرمەسى الدا ماسەلەلەردى جونگە سالۋ – وزگەرتۋ جاعدايىنا ۇزدىكسىز وكشەلەي باقىلاۋ جۇرگىزەدى.

كەلۋ قاينارى: حالىق توربى