ساقشى جاق حابارلاندىرۋ شىعاردى: ”ينتەرنەت ارقىلى ساتىپ العان بەيسايدان ۋلانۋ وقيعاسىنا“ قاتىستى ەرلى – زايىپتىلار قۇقاي كورسەتىپ، تارتىپ الۋ قىلمىسىن وتكىزگەن

2 – ايدىڭ 3 – كۇنى، جۋىردا ينتەرنەتتە جۇرت نازارىن اۋدارعان ”ەرلى – زايىپتىلاردىڭ ينتەرنەت ارقىلى ساتىپ العان بەيسايدان ۋلانۋى وقيعاسىنا“ قاراتا، جىجياڭ ولكەسى تيانتاي اۋداندىق قوعام حاۋىپسىزدىگى مەكەمەسى حابارلاندىرۋ شىعاردى، مازمۇنى مىناداي:

جۋىردا ينتەرنەتتە جۇرت نازارىن اۋدارعان ”ەرلى – زايىپتىلاردىڭ ينتەرنەت ارقىلى ساتىپ العان بەيسايدان ۋلانۋى“ وقيعاسىنا قاراتا، تيانتاي اۋداندىق قوعام حاۋىپسىزدىگى مەكەمەسىنىڭ ارناۋلى دەلو گرۋپپاسى تەگىن تەكتەۋ، ءىس تۋىلعان جەرگە بارىپ تەكسەرۋ جۇرگىزۋ، ساراپتاۋ، جاعداي ۇعىسۋ قاتارلى قىزمەتتەردى ورىستەتكەن.

قازىر ەرلى – زايىپتى چىن XX پەن ياڭ X ەكەۋى قۇقاي كورسەتىپ، تارتىپ الۋ قىلمىس كۇمانىنا شاتىلىپ، تيانتاي اۋداندىق قوعام حاۋىپسىزدىگى مەكەمەسى ولارعا زاڭ بويىنشا ماجبۇرلەۋ شارالارىن اتقارعان، دەلو قازىر ىشكەرىلەي تەكسەرىلۋدە.

بارشا توراپتاستاردىڭ وسەك – اياڭ شىعارماۋىن، وسەك – اياڭ تاراتپاۋىن، وسەك – اياڭعا سەنبەۋىن، پاك ينتەرنەت ورتاسىن بىرگە جاراتۋعا قۇلشىنۋىن ءۇمىت ەتەمىز.

كەلۋ قاينارى: حالىق تورابى