نيگەريادا ەكى قىستاق قارۋلى شابۋىلعا ۇشىراپ، 100 دەن استام ادام قازا بولدى

شينحۋا اگەنتتىگىنىڭ 2 – ايدىڭ 4 - كۇنى كامپالادان بەرگەن حابارى. نيگەريا قىزىل كرەست قوعامى حابارشىسىنىڭ 2 – ايدىڭ 4 - كۇنى تىلشىگە راستاۋىنشا، نيگەريانىڭ ورتا بولەگىندەگى كۋارا وبلىسى كاياما جەرگىلىكتى ۇكىمەتىنە قاراستى ەكى قىستاق 2 – ايدىڭ 3 - كۇنى كەشتە قارۋلى ادامداردىڭ شابۋىلىنا ۇشىراعان، حابار جولدانعانعا دەيىن قازا بولعان ادام سانى 100 دەن اسقان.

بۇل حابارشى بىلاي دەدى: قىستاقتاعى كوپتەگەن ۇيلەردى قارۋلى ادامدار ورتەپ جىبەردى. قازىر نيگەريا حاۋىپسىزدىك قۇرىلىمى جەرگىلىكتى ورىندى باسقارۋعا الدى، ىزدەۋ ـ قۇتقارۋ ارەكەتى ءالى دە جۇرگىزىلۋدە.

كۋارا وبلىستىق ۇكىمەت 2 – ايدىڭ 4 – كۇنى الەۋمەتتىك جەلىدە مالىمدەمە جاريالاپ، شابۋىل وقيعاسىن جازعىردى، ءبىراق ناقتى جارالانعان، قازا بولعان ادام سانىن ايتپادى.

جەرگىلىكتى اقپارات قۇرالدارىنىڭ حابارىنا قاراعاندا، بۇل قارۋلى ادامدار كورشىلەس نيگەر وبلىسىنىڭ قىستاقتارىنان كەلگەن.

كەلۋ قاينارى: حالىق تورابى