”بالاسىن ادام الىپساتارى الداپ اكەتە جازداعان“ مازمۇنداعى جالعان كەسكىندى تۇسىرگەن بلوگ يەسى اكىمشىلىك جاقتان جازالاندى

جۇڭگو اقپارات تورابىنىڭ 2 – ايدىڭ 5 – كۇنى بەرگەن حابارى. قوعام حاۋىپسىزدىگى مينيسترلىگى ينتەرنەت حاۋىپسىزدىگى مەكەمەسىنىڭ ۋيشين تەكشەسىنىڭ حابارلاۋىنشا، جۋىردا سىچۋان ولكەسى لۋجوۋ قالاسىندا ءبىر بلوگ يەسى كەسكىن جاريالاپ، ”بالاسى ساۋدا سارايىنىڭ ماڭىنداعى جولدا ويناپ جۇرگەندە، ادام الىپساتارلارىنىڭ الداپ الىپ كەتە جازداعانىن“ ايتقان. كەسكىندە بالا ءوزى ۇشىراعان حاۋىپتى جاعدايدى سۋرەتتەگەندە: ”قارا ماسكى تاعىپ، قارا باس كيىم كيگەن، بۇكىلدەي قارا كيىم كيىنگەن“ ورتا جاستاعى ادام ”قولىن سوزىپ مەنى قۇشاقتاي الماقشى بولدى“، — دەگەن، بۇل كەسكىن كوپتەگەن توراپتاستاردىڭ نازارىن اۋدارىپ، جەرگىلىكتى ورىنداعى تۇرعىنداردى الاڭداتقان.

ساقشى جاق دەرەۋ وسى ءىس جونىندە تەكسەرۋ جۇرگىزگەن. تەكسەرۋگە قاراعاندا، كەسكىندەگى بالا وقۋدان تاراعان سوڭ ساباقتاسىمەن بىرگە وتباسىنداعىلاردىڭ اۆتوموبيلىنە وتىرىپ مەكتەپتەن كەتكەن، كەسكىندە ايتىلعانداي ”الداپ اكەتۋ“ جاعدايى نەمەسە قاتىستى كۇماندى ادامدار بايقالماعان.

كەسكىندى جاريالاعان ۋاڭ X تەن سۇراستىرۋ بارىسىندا، ول كەسكىندەگى مازمۇننىڭ جالعان ەكەنىن ايتقان.

قازىر قاراستى ورىنداعى قوعام حاۋىپسىزدىگى ورگاندارى زاڭ بويىنشا ونى اكىمشىلىك جاقتان جازالاعان.

كەلۋ قاينارى: حالىق تورابى