جۇڭگو، بيرما، تايلاند ءۇش مەملەكەت بيرمانىڭ مياۋۋادي وڭىرىندەگى قۇمار ويناۋ جانە الدامكوستىك ىستەۋ وشاعىن بىرلەسىپ الاستاۋ ارەكەتىندە كەزەڭدىك ناتيجەلەرگە قول جەتكىزدى 

حالىق گازەتىنىڭ ءتىلشىسى جاڭ تيانپەي 2 – ايدىڭ 9 – كۇنى بەيجيڭنەن حابارلايدى. قوعام حاۋىپسىزدىگى مينيسترلىگىنىڭ ءبىرتۇتاس ورنالاستىرۋى بويىنشا، شاندۇڭ، گۋاڭشي قوعام حاۋىپسىزدىگى ورگاندارى جۋىردا ساقشى كۇشىن ۇيىمداستىرىپ، جۇڭگو، بيرما، تايلاند ءۇش مەملەكەت بيرمانىڭ مياۋۋادي وڭىرىندەگى قۇمار ويناۋ جانە الدامكوستىك ىستەۋ وشاعىن بىرلەسىپ الاستاۋ ارەكەتىندە تۇتقىندالعان 1500 دەن استام قىلمىس كۇماندىسىن ەلىمىزگە ايداپ اكەلدى. قازىرگە دەيىن، مياۋۋادي KK رايونىنداعى 630 دان استام قاتىستى قۇرىلىس تۇگەلدەي شاعىلعان، قاتىستى تەلەكوم مەن ينتەرنەتتەن پايدالانىپ الدامكوستىك ىستەۋ قىلمىسىنا شاتىلعان قىلمىس كۇماندىلارىنىڭ بارلىعى ەلىمىزگە ايداپ اكەلىنگەن، بىرلەسىپ الاستاۋ ارەكەتىندە كەزەڭدىك ناتيجەلەرگە قول جەتكىزىلگەن.

قوعام حاۋىپسىزدىگى مينيسترلىگىنىڭ قاتىستى جاۋاپتىسى بىلاي دەدى: قوعام حاۋىپسىزدىگى ورگاندارى حالىقارالىق زاڭ اتقارۋ جاعىنداعى سەلبەستىكتى ۇزدىكسىز تەرەڭدەتىپ، بىرلەسىپ سوققى بەرۋ – الاستاۋ ارەكەتتەرىن ونان ارى ىلگەرىلەتىپ، قىلمىس اپاندارىن باتىل تالقانداپ، قىلمىس كۇماندىلارىن كۇش سالا تۇتقىنداپ، سوققى بەرۋ – جونگە سالۋ ناتيجەلەرىن ۇزدىكسىز بەكەمدەيدى ءارى كەڭەيتەدى.

كەلۋ قاينارى: حالىق تورابى