جۇڭگو كوممۋنيستىك پارتياسى ورتالىق ءتارتىپ تەكسەرۋ كوميتەتى ورگانى، جۇڭگو كوممۋنيستىك پارتياسى ورتالىق كوميتەتىنىڭ ۇيىمداستىرۋ ءبولىمى، مەملەكەتتىك باقىلاۋ - تەكسەرۋ كوميتەتى بىرلەسىپ «ۇقتىرۋ» باسىپ تاراتتى

«حالىق گازەتى» 2 - ايدىڭ 12 - كۇنى، بەيجيڭ. بيىلدان باستاپ ولكە، قالا، اۋدان، اۋىل باسشىلىق القالارى ىركەس - تىركەس كەزەك اۋىستىرىلادى. پارتيا ورتالىق كوميتەتىنىڭ كەزەك اۋىستىرۋ ءتارتىبىن قاتايتۋ تۋراسىنداعى تالابىن دايەكتى تياناقتاندىرىپ، كەزەك اۋىستىرۋ قىزمەتىنىڭ ءساتتى قانات جايدىرىلۋىنا كەپىلدىك ەتۋ، ستيلى پاك، سالتى دۇرىس كەزەك اۋىستىرۋ ورتاسىن جاراتۋ ءۇشىن، تاياۋدا جۇڭگو كوممۋنيستىك پارتياسى ورتالىق ءتارتىپ تەكسەرۋ كوميتەتى ورگانى، جۇڭگو كوممۋنيستىك پارتياسى ورتالىق كوميتەتىنىڭ ۇيىمداستىرۋ ءبولىمى، مەملەكەتتىك باقىلاۋ كوميتەتى بىرلەسىپ «كەزەك اۋىستىرۋ ءتارتىبىن قاتايتىپ، كەزەك اۋىستىرۋ سالتىن باقىلاۋدى كۇشەيتۋ جونىندەگى ۇقتىرۋدى» باسىپ تاراتىپ، جەر - جەردەن كەزەك اۋىستىرۋ قىزمەتىندە مۇقيات دايەكتى تياناقتاندىرۋدى تالاپ ەتتى.

«ۇقتىرۋدا» مىنالار اتاپ كورسەتىلدى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ جونگە سالۋعا تاباندى بولىپ، ستيلدى دۇرىستاپ، ءتارتىپتى قاتايتىپ، جەمقورلىققا قارسى تۇردى، قالىڭ پارتيالى كادرلاردىڭ ءتارتىپ، قاعيدا تانىمى ۇزدىكسىز كۇشەيىپ، ادام تاڭداۋ، ادام ىستەتۋ جاعدايى مەن سالتى تۇبىرىنەن وڭالىپ، كەزەك اۋىستىرۋ سالتىن قاتايتۋعا بەرىك نەگىز قالادى. سونىمەن بىرگە، مىنانى دا سەرگەكتىكپەن تانىپ جەتۋىمىز كەرەك: ادام تاڭداۋ، ادام ىستەتۋ بارىسىنداعى شىرىكتەسۋ قۇبىلىسى مەن بۇرىس ستيل ءالى تيىلماي، كەيبىر ماسەلەلەردە قايتا باس كوتەرۋ قاتەرى ءومىر ءسۇرىپ وتىر، كەيبىر ماسەلەلەردە جاڭا كەزەڭدىك ەرەكشەلىك جارىققا شىعىپ، كەزەك اۋىستىرۋعا كەدەرگىلىك جاساۋ، ءبۇلدىرۋ كومەسكى قاتەرى ءالى تولىق جويىلعان جوق، بۇعان وسكەلەڭ ءمان بەرۋ كەرەك.

«ۇقتىرۋدا» كەزەك اۋىستىرۋدا ”ونعا قاتاڭ تيىم سالۋ“ سىندى ءتارتىپ بەلگىلەمەسى ايقىندالدى، ياعني، توپتاسىپ الىپ قارا باسىنىڭ قامىن كۇيتتەۋگە، شاعىن توپ قۇرۋعا، ورايدان پايدالانىپ پايدا تابۋعا، ساياسي الدامكوستىكپەن شۇعىلدانۋعا، داۋىس جيناۋعا، پارا بەرىپ سايلاۋعا قاتاڭ تيىم سالىنادى، ءمانساپ ءۇشىن شاپقىلاۋعا، ءمانساپ سۇراۋعا، ءمانساپ ساتىپ الۋعا، ءمانساپ ساتۋعا قاتاڭ تيىم سالىنادى، بەلگىلەمەگە قايشى كەلىپ كيلىگۋگە، اراعا كىسى سالىپ سويىل سوعۋعا قاتاڭ ءتيىم سالىنادى، جەكە ادامنىڭ ايتقانى ەسەپ بولۋعا قاتاڭ تيىم سالىنادى، ”كوز بوياۋشىلىق ىستەپ ادام كورسەتۋگە“، ”كوز بوياۋشىلىق ىستەپ كادر وسىرۋگە“ قاتاڭ تيىم سالىنادى، كەزەك اۋىستىرۋعا كەدەرگىلىك جاساۋعا قاتاڭ تيىم سالىنادى. كەزەك اۋىستىرۋ ءتارتىبى بەلگىلەمەسىنە قايشىلىق جاساعانداردى تۇگەلدەي ەرەجە، ءتارتىپ، زاڭ بويىنشا قاتاڭ ءبىر جاقتى ەتىلەدى.

«ۇقتىرۋدا» مىنالار باسا دارىپتەلدى: يدەيالىق جەتەكشىلىكتى كۇشەيتىپ، تاربيەنى الدىمەن ەسكەرۋدى، ساقتاندىرۋدى الدىمەن ەسكەرۋدى، ساقتانۋدى الدىمەن جۇرگىزۋدى ورىنداۋ كەرەك. ۇيرەنۋ تاربيەسىن مۇقيات مىقتى يگەرىپ، شي جينپيڭنىڭ جاڭا ءداۋىر جۇڭگو ۇلگىسىندەگى سوتسياليزم يدەياسىمەن زەيىن - زەردەنى، رۋحتى سومداۋعا تاباندى بولىپ، پارتيا ىشىندەگى شوعىرلى تاربيەنىڭ جەتىستىكتەرىن بەكەمدەپ، تەرەڭدەتىپ، پارتيالى كادرلار مەن ۋاكىلدەر مەن مۇشەلەردى ”ەكىنى تۇراقتاندىرۋدىڭ“ شەشۋشى ءمانىن تەرەڭ تۇسىنۋگە، ”ءتورت تانىمدى“ كۇشەيتۋگە، ”ءتورت سەنىمدى“ بەكەمدەۋگە، ”ەكىنى قورعاۋدى“ ورىنداۋعا، دەموكراتيالىق ۇقىقتى دۇرىس جۇرگىزۋگە تاربيەلەۋ، جەتەكتەۋ كەرەك. سىرلاسۋ، اڭگىمەلەسۋدى ىشكەرىلەي ورىستەتىپ، پارتكوم شۋجيلارى مەن ءتارتىپ تەكسەرۋ، باقىلاۋ - تەكسەرۋ ورگاندارىنداعى، ۇيىمداستىرۋ تاراۋلارىنداعى نەگىزگى جاۋاپتى جولداستار ءتۇيىندى قىزمەت ورىندارىنداعى كادرلارمەن جانە قاتىستى قىزمەتكەرلەرمەن ارناۋلى تاقىرىپتا سىرلاسىپ، اڭگىمەلەسىپ، ولارعا كەزەك اۋىستىرۋ تارتىبىنە باستاماشىلدىقپەن بويسۇنۋدى ەسكەرتۋى كەرەك. ساقتاندىرۋ تاربيەسى تەبىنىن ارتتىرىپ، تارتىپكە، زاڭعا قايشىلىق جاساعان تيپتىك دەلولاردان ويداعىداي پايدالانىپ، ساقتاندىرۋ تاربيەسىن ورىستەتۋگە نازار اۋدارىپ، پارتيالى كادرلار مەن قاتىستى قىزمەتكەرلەردى تەرەڭ ساباق الۋعا، بىرەۋى ارقىلى وزگەسىن تۇسپالداۋعا، ساقتىق دابىلىن ۇزبەي قاعۋعا قۋزاۋ كەرەك.

«ۇقتىرۋدا» مىنالار باسا دارىپتەلدى: قاتاڭ باقىلاپ، تەكسەرىپ ءبىر جاقتى ەتىپ، بۇرىس ستيلدەردى جونگە سالۋدىڭ تەگەۋرىندى كۇيىن باستان - اياق ساقتاۋ كەرەك. ءتۇيىندى كورنەكتىلەندىرىپ، باقىلاۋ - تەكسەرۋدى كۇشەيتىپ، شارلاۋ، شارلاپ تەكسەرۋ، ادام تاڭداۋ، ادام ىستەتۋ جونىندەگى ارناۋلى تەكسەرۋ سياقتى جەتىستىكتەردەن ويداعىداي پايدالانىپ، الدىن الا تالداۋ جاساۋدى، تۇجىرىمداۋدى كۇشەيتۋگە باسا ءمان بەرىپ، حاۋىپ - قاتەردى جاپپاي ىشكەرىلەي تەكسەرۋ كەرەك. تارتىپكە قاساقانا قايشىلىق جاساعان، تاۋەكەلگە بەل بۋعان، تومەنگى شەككە سوقتىققان ءىشىنارا باس كوتەرۋ مەن نىسايلاردى دەر كەزىندە بايقاپ، دەر كەزىندە ءبىر جاقتى ەتۋ كەرەك. كوپ ءتۇرلى شارانى قاتار قولدانىپ، كەزەك اۋىستىرۋ سالتىن باقىلاۋدى كۇشەيتۋى، ءار دارەجەلى ۇيىمداستىرۋ تاراۋلارى ءتارتىپ تەكسەرۋ، باقىلاۋ - تەكسەرۋ ورگاندارىمەن بىرگە كەزەك اۋىستىرۋ سالتىن ارالاپ باقىلاۋ - تەكسەرۋ جۇرگىزۋى كەرەك. قۇرىلتاي سايلاۋى كەزىندە جوعارى دارەجەلى ورىندار قۋزاۋ - جەتەكشىلىك ەتۋ گرۋپپالارىن جىبەرىپ، كەزەك اۋىستىرۋ سايلاۋى مەن ءماجىلىس ستيلى، ءماجىلىس ءتارتىبى جونىندە ناق مايداندا قۋزاۋ - جەتەكشىلىك ەتۋ كەرەك. بۇقارانىڭ باقىلاۋ رولىن ءونىمدى ساۋلەلەندىرىپ، ”12380“، ”12388“ سياقتى اشكەرەلەۋ تەكشەلەرىنەن جانە ارىز - ارمان، توراپ سياقتى ارنالاردان ويداعىداي پايدالانىپ، كەزەك اۋىستىرۋ تارتىبىنە قايشى ماسەلەلەردى اڭىس ەتكەن اشكەرەلەۋدى دەر كەزىندە قابىلداپ، الدىمەن ءبىر جاقتى ەتۋ كەرەك. بەلگىلەمەگە، تارتىپكە، زاڭعا قايشى ماسەلەلەردى قاتاڭ تەكسەرىپ ءبىر جاقتى ەتىپ، نولدىك توزىمدىلىككە تاباندى بولىپ، كەزەك اۋىستىرۋ تارتىبىنە قايشىلىق جاساعان، كەزەك اۋىستىرۋ سالتىن بۇلدىرگەن ارەكەتتەردى قىلت ەتكەنىن قاعىپ، ەرەجە، ءتارتىپ، زاڭ بويىنشا قاتاڭ، تەز تەكسەرىپ ءبىر جاقتى ەتىپ، حابارلاندىرۋ شىعارىپ جاۋاپقا تارتۋدى قاتايتۋ كەرەك. جالا جاۋىپ، زيانكەستىك ىستەۋ، جات نيەتپەن اشكەرەلەۋ سياقتى ارەكەتتەرگە باتىل سوققى بەرىپ، جالعان اشكەرەلەۋگە ۇشىراعان نەمەسە ناشار ىقپال تۋدىرۋى مۇمكىن بولعاندارىن، شىنىندا ايقىنداۋ قاجەت بولسا، لايىقتى ءتاسىل قولدانىپ ايقىنداۋ كەرەك.

«ۇقتىرۋدا» مىنالار باسا دارىپتەلدى: پارتيانىڭ باسشىلىعىن كۇشەيتىپ، كەزەك اۋىستىرۋ سالتىن باقىلاۋ قىزمەتىنىڭ جاۋاپكەرشىلىگىن قاتايتۋ، ناقتىلاندىرۋ كەرەك. جەرگىلىكتى ورىندارداعى ءار دارەجەلى پارتكومدار ناقتى جاۋاپكەرشىلىگىن ادا ەتىپ، كەزەك اۋىستىرۋ سالتىن باقىلاۋدى ويداعىداي يگەرۋدى پارتيانى جاپپاي قاتاڭ جونگە سالۋدىڭ، ساياسي ەكولوگيانى تازارتۋدىڭ ماڭىزدى مازمۇنى ەتىپ، باسشىلىق پەن ءبىر تۇتاس جوسپارلاۋدى شىنايى كۇشەيتىپ، كەزەك اۋىستىرۋ قىزمەتىمەن بىرگە جوسپارلاپ، بىرگە ورنالاستىرىپ، بىرگە تياناقتاندىرىپ، ءبىر دارەجە ءبىر دارەجەنى يگەرەتىن، ساتىلار بويىنشا تياناقتاندىرۋدى يگەرەتىن قىزمەت مەحانيزمىن قالىپتاستىرۋدى ىلگەرىلەتۋ كەرەك. قاتىستى تاراۋلار ءوز جاۋاپكەرشىلىگىن ارقالاپ، تىعىز سەلبەسىپ، بىرىككەن كۇشتى كۇشەيتۋى كەرەك. كەزەك اۋىستىرۋ سالتىن باسشىلىق القا مەن باسشى كادرلاردىڭ پارتيانى باسقارۋ، پارتيانى جونگە سالۋ جاۋاپكەرشىلىگىن تياناقتاندىرۋىن باعالاۋدىڭ ماڭىزدى مازمۇنى ەتىپ، مىندەتىن اتقارۋدا دارمەنسىزدىك ىستەۋ سەبەبىنەن ءوز رايونىنىڭ كەزەك اۋىستىرۋ سالتى دۇرىس بولماي، ءتارتىبى بوساڭسىپ، بىتىراڭقى بولىپ، ناشار ىقپال تۋدىرسا، قاتىستى پارتيا ۇيىمدارى مەن قاتىستى قىزمەتكەرلەردىڭ جاۋاپكەرشىلىگىن قاتاڭ قۋزاستىرۋ كەرەك. كەزەك اۋىستىرۋ سايلاۋىندا قاعيدا، تارتىپكە قايشى كەلگەن بايقاۋعا ءتيىستى ماسەلەلەردى بايقاماۋ، بايقالعاندارىن مالىمدەمەۋ، ءبىر جاقتى ەتپەۋ سىندى نىسايلار بايقالسا، ناقتى جاۋاپكەرشىلىكتى، باقىلاۋ جاۋاپكەرشىلىگىن قۋزاستىرۋمەن بىرگە، ءبىر دارەجە جوعارى ورىننىڭ باسشىلىق جاۋاپكەرشىلىگىن، پارتيا ۇيىمىنىڭ جاۋاپكەرشىلىگىن دە قۋزاستىرۋ كەرەك.

كەلۋ قاينارى: حالىق تورابى