جاستار مەن ورەندەردىڭ پسيحيكالىق اقاۋسىزدىعىن قۇلشىنا قورعايىق (تياناقتاندىرۋدىڭ قايتىمدى اڭىسى . ۋاكىلدەردىڭ ۇسىنىسىن جوعارى ساپامەن شەشۋ)

قىسقى دەمالىس كەزىندە مەملەكەتتىك حالىق قۇرىلتايىنىڭ ۋاكىلى، گۋاڭشي چۇڭزو قالالىق جوعارى دارەجەلى ورتا مەكتەبى باستىعىنىڭ ورىنباسارى حۋاڭ حۋاچۇن تاعى ءبىر رەت سەميالاردى ارالاۋ ساپارىنا اتتاندى − ”بالانىڭ جۋىقتان بەرگى كوڭىل كۇيى قانداي؟“ ”ۇيدە سەندەرمەن اڭگىمەلەسۋگە پەيىلدى مە؟“ اتا - انالارمەن اڭگىمەلەسكەندە، ول ۇنەمى وقۋشىلاردىڭ پسيحيكالىق اقاۋسىزدىعىنا ەرەكشە كوڭىل بولەدى. وقۋ - اعارتۋدىڭ ءبىرىنشى شەبىنە كوپ جىلدان بەرى تەرەڭ تامىر تارتقان حۋاڭ حۋاچۇن بىلاي دەپ قارادى: ”پسيحيكالىق اقاۋسىزدىق تاربيەسى مەكتەپ اۋلاسىنداعى ۇدايىلانعان، تۇزىمدەندىرىلگەن ءبىر بۋىنعا اينالۋى كەرەك“.

وتكەن جىلعى مەملەكەتتىك ەكى ماجىلىستە حۋاڭ حۋاچۇن ەمدەۋ مەن وقىتۋدىڭ توعىسۋىن جەدەلدەتۋ، جاستار مەن ورەندەردىڭ پسيحيكالىق اقاۋسىزدىعىنىڭ دامۋىن جەبەۋ جونىندەگى ۇسىنىستى تاپسىردى: رۋحاني پسيحيكالىق اقاۋسىزدىقتى تەكسەرۋ، باقىلاۋ سيفرلى تەكشەسىن قۇرۋ ارقىلى، وقۋشىلارعا پسيحيكالىق اقاۋسىزدىق ارحيۆىن ورناتۋ كەرەك. سونىمەن بىرگە، رۋحاني اۋرۋلار ماماندارىن، پسيحولوگيالىق ەمدەۋ ماماندارىن مەكتەپتىڭ پسيحولوگيا وقىتۋشىلارىن تاربيەلەۋگە ۇيىمداستىرىپ، دياگنوز قويۋدىڭ ”جاسىل ارناسىن“ اشىپ، وقۋشىلاردىڭ كاسىپتىك ەمدەۋ قىزمەت وتەۋىنە يە بولۋىن قامتاماسىز ەتۋ كەرەك.

ۇسىنىستار تياناقتاندى، شارالار ءونىمدى بولدى. ”جاستار مەن ورەندەردىڭ پسيحيكالىق اقاۋسىزدىق تاربيەسىنە قىزمەت وتەۋ جۇيەسىن اقاۋسىزداندىرۋعا“ قاتىستى ۇسىنىستار ءتۇيىندى قۋزاۋ ۇسىنىسى بولىپ بەلگىلەندى. 2025 - جىلعى 6 - ايدا وقۋ - اعارتۋ مينيسترلىگى وقۋشىلاردىڭ پسيحيكالىق اقاۋسىزدىق قىزمەتىن كۇشەيتۋ ارناۋلى اڭگىمە ءماجىلىسىن اشىپ، حۋاڭ حۋاچۇن قاتارلى مەملەكەتتىك حالىق قۇرىلتايىنىڭ ۋاكىلدەرىن قاتىناسۋعا ۇسىنىس ەتتى. ماجىلىستە ءارقايسى جاقتار ”كوپ جاق سەلبەسۋ، بىرگە يگەرىپ، بىرگە باسقارۋ“ ورتاق تانىمىن قالىپتاستىردى.

وسى نەگىزدە «پسيحيكالىق اقاۋسىزدىق قىزمەتىن ونان ارى كۇشەيتۋدىڭ 10 تارماقتى شاراسى» 2025 - جىلدىڭ سوڭعى جارىمىندا رەسمي جاريالاندى. ”بۇل قۇجات 10 شەشۋشى تۇرعىدان جاستار مەن ورەندەردىڭ پسيحيكالىق اقاۋسىزدىعىنان ساقتانۋ جۇيەسىن ورناتىپ، وقۋدا مازاسىزدانۋ، ۇيقى جەتكىلىكتى بولماۋ، دەنە شىنىقتىرۋ سياقتى كورنەكتى ماسەلەلەر جونىندە باعىتتامالى ورنالاستىرۋ جاسادى“. حۋاڭ حۋاچۇن بىلاي دەدى: ”مەنىڭ ۇسىنىسىما ناقتى جاۋاپ قايتاردى“.

حۋاڭ حۋاچۇننىڭ نازارى ءالى دە جالعاسۋدا، ”بيىل مەن جاستار مەن ورەندەردىڭ پسيحيكالىق اقاۋسىزدىعىنا جالعاستى نازار اۋدارامىن، پسيحيكالىق اقاۋسىزدىقتى تەكسەرۋدى ورتا، باستاۋىش مەكتەپ وقۋشىلارىنىڭ داعدىلى دەنساۋلىق تەكسەرۋ كولەمىنە ەنگىزىپ، ەرتە بايقاۋدى، ەرتە ارالاسۋدى ۇسىنىس ەتەمىن“ دەدى ول.

كەلۋ قاينارى: حالىق تورابى