ورتالىق كوميتەت ساياسي بيۋروسىنىڭ مۇشەلەرى، شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس پارتيا باسشىلىق گرۋپپالارىنىڭ مۇشەلەرى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى
پارتيا باسشىلىق گرۋپپالارىنىڭ شۋجيلەرى پارتيا ورتالىق كوميتەتىنە جانە باس شۋجي شي جينپيڭگە قىزمەتتەرىنەن ەسەپ بەردى

شينحۋا اگەنتتىگى، 2 - ايدىڭ 26 - كۇنى، بەيجيڭ. پارتيا ورتالىق كوميتەتىنىڭ قاتىستى بەلگىلەمەسى بويىنشا، ورتالىق كوميتەت ساياسي بيۋروسىنىڭ مۇشەلەرى، شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس پارتيا باسشىلىق گرۋپپالارىنىڭ مۇشەلەرى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ شۋجيلەرى ءار جىلى پارتيا ورتالىق كوميتەتىنە جانە باس شۋجي شي جينپيڭگە قىزمەتتەرىنەن جازباشا ەسەپ بەرەدى. جۋىقتا قاتىستى جولداستار بەلگىلەمە بويىنشا پارتيا ورتالىق كوميتەتىنە جانە باس شۋجي شي جينپيڭگە 2025 - جىلعى قىزمەتتەرىنەن جازباشا ەسەپ بەردى. شي جينپيڭ قىزمەتتەن ەسەپ بەرۋ باياندامالارىن تەكسەرىپ وقىدى ءارى ماڭىزدى تالاپتاردى العا قويدى.

شي جينپيڭ بىلاي دەپ باسا دارىپتەدى: بيىل _ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى، ”15 - بەسجىلدىق“ جوبانىڭ باستالاتىن جىلى، جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كـوميتـەتىنىڭ ءار رەتكى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن مۇقيات تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتە باستان - اياق پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ساياسي جاۋاپكەرلىك سەزىم مەن تاريحي بورىشتىلىق سەزىمدى ارتتىرىپ، ءىس جۇزىندىك ارەكەت ارقىلى پارتيا ورتالىق كوميتەتىنىڭ شەشىم - ورنالاستىرۋلارىن ناقتاپ تياناقتاندىرۋ كەرەك. ءارقايسىسى ءوز قىزمەت جاۋاپكەرشىلىگى كولەمىندە ىرىقتىلىقپەن جاۋاپكەرلىك ارقالاپ، ىسكەرلىك كورسەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جوعارى ساپالى دامۋدى تىڭعىلىقتى ىلگەرىلەتىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، حالىق تۇرمىسىن ۇزدىكسىز قامتاماسىزداندىرىپ جانە جاقسارتىپ، قوعامنىڭ جاراسىمدىلىعىن، ورنىقتىلىعىن ساقتاپ، ”15 - بەسجىلدىقتا“ تاماشا باستاما اشۋدى جۇزەگە اسىرۋدى ىلگەرىلەتۋ كەرەك. ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ تياناقتاندىرىپ، باستان - اياق وي - سانانى سەرگەك ۇستاپ، ءمورالدى، ۇستامدى بولىپ، شىن سەنۋ، ناقتى ىستەۋ، جاۋاپكەرشىلىك ارقالاۋ، ءوزىن تارتىپكە سالۋ جاعىندا ونەگە كورسەتۋ، ۇلگى بولۋ كەرەك. باستاماشىلدىقپەن دۇرىس ناتيجە كوزقاراسىن ورناتىپ جانە امالياتتا ايگىلەپ، ءىس جۇزىندىكتى شىعار ءتۇيىن ەتۋدە، قاعيدا بويىنشا جۇمىس بىتىرۋدە تاباندى بولىپ، حالىق ءۇشىن ساياسي ناتيجە شىعارىپ، ناقتى ىستەۋ ارقىلى ساياسي ناتيجە شىعارۋ كەرەك. پارتيانى جاپپاي قاتاڭ باسقارۋ ساياسي جاۋاپكەرشىلىگىن مۇقيات اتقارىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويعا الماۋدى ءبىر تۇلعادا ىلگەرىلەتىپ، ستيلى پاك، سالتى دۇرىس ساياسي ەكولوگيا قالىپتاستىرۋدى ىلگەرىلەتۋ كەرەك.