ءماجىلىس مالىمدەمەشىسى: جۇڭگونىڭ ىشكى ىستەرىنە ءارقانداي سىرتقى كۇشتىڭ كيلىگۋىنە، استە، جول بەرىلمەيدى

14 - كەزەكتى مەملەكەتتىك حالىق قۇرىلتايى 4 – ءماجىلىسىنىڭ اقپار جاريالاۋ ءماجىلىسى 3 – ايدىڭ 4 – كۇنى حالىق قۇرىلتايى سارايىندا وتكىزىلدى، ٴماجىلىس مالىمدەمەشىسى لوۋ چينجيان ءماجىلىس كۇن ءتارتىبى مەن حالىق قۇرىلتايى قىزمەتىنە قاتىستى ماسەلەلەر جونىندە جۇڭگولىق – شەتەلدىك تىلشىلەردىڭ سۇراۋىنا جاۋاپ بەردى.

مالىمدەمەشى جۇڭگو – جاپونيا قارىم – قاتىناسى تۋرالى جاۋاپ قايتارعاندا بىلاي دەدى: توڭىرەكتەگى ەلدەر كوشىپ كەتپەيتىن كورشىلەر، ءىرى مەملەكەتتىڭ توڭىرەگىندەگى ەلدەرمەن قالاي قارىم – قاتىناس جاساۋىنان ءىرى مەملەكەتتىڭ دۇنيەگە كوزقاراسىن، ءتارتىپ كوزقاراسىن جانە قۇن كوزقاراسىن كورىپ الۋعا بولادى. جۇڭگو ديپلوماتيالىق جالپى اۋقىمدا توڭىرەگىندەگى ەلدەردى باستان – اياق باستى ورىنعا قويادى، ءوڭىردىڭ بەيبىتشىلىگى مەن ورنىقتىلىعىن، دامۋى مەن كوركەيىپ – گۇلدەنۋىن جەبەۋگە باستان – اياق كۇش سالادى.

مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ — بارلىق ديپلوماتيالىق قارىم – قاتىناستىڭ شىعار ءتۇيىنى جانە تابان تىرەر تياناعى. تايۋان ماسەلەسى جۇڭگونىڭ ىشكى ءىسى، جۇڭگونىڭ وزەكتى مۇددەسىنىڭ ىشىندەگى وزەكتى مۇددەسى. جاپونيا باسشىلارى تايۋانعا قاتىستى قاتە سوزدەر جاريالادى، جۇڭگو جاق بۇعان باتىل قارسى تۇرادى. جۇڭگو حالقى جۇڭگونىڭ ىشكى ىسىنە ءارقانداي سىرتقى كۇشتىڭ كيلىگۋىنە، استە، جول بەرمەيدى، مەملەكەتتىڭ يەلىك ۇقىعىن، بىرلىككە كەلۋىن، تەرريتوريا تۇتاستىعىن باتىل قورعايدى.

كەلۋ قاينارى: حالىق تورابى