14 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى بەيجيڭدە اشىلدى

3 - ايدىڭ 5 - كۇنى 14 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى بەيجيڭدەگى حالىق سارايىندا اشىلدى. پارتيا مەن مەملەكەت باسشىلارىنان شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ماجىلىسكە قاتىناستى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

3 - ايدىڭ 5 - كۇنى تۇستەن بۇرىن 14 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى بەيجيڭدەگى حالىق سارايىندا اشىلدى. مەملەكەتتىك كەڭەستىڭ زۇڭليى لي چياڭ ۇكىمەت قىزمەتىنەن بايانداما جاسادى.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

3 - ايدىڭ 5 - كۇنى تۇستەن بۇرىن 14 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى بەيجيڭدەگى حالىق سارايىندا اشىلدى. جاۋ لىجي اشىلۋ ءماجىلىسىن باسقاردى.

سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

شينحۋا اگەنتتىگى، 3 - ايدىڭ 5 - كۇنى، بەيجيڭ. 14 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى 3 - ايدىڭ 5 - كۇنى تۇستەن بۇرىن بەيجيڭدەگى حالىق سارايىندا اشىلدى.

مەملەكەتتىك حالىق قۇرىلتايىنىڭ ۋاكىلدەرى حالىقتىڭ ماڭىزدى تاپسىرماسىن ارقالاپ ماجىلىسكە قاتىناسىپ، نەگىزگى زاڭ مەن زاڭداردا بەرىلگەن قاسيەتتى قىزمەت جاۋاپكەرشىلىكتەرىن وتەيدى.

حالىق سارايىنىڭ ۇلكەن زالى ايبىندى دا دۋماندى مەرەيگە شومدى، ءتوراعالار مىنبەسىندەگى شىمىلدىقتىڭ ءدال ورتاسىنداعى مەملەكەت گەربى نارت قىزىل تۋلاردىڭ ايشىقتاۋىمەن شۇعىلا شاشىپ تۇر.

ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى جاۋ لىجي ءماجىلىستى باسقاردى. ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭجياڭسۇن، شوكىرات زاكىر، ليۋ چي ءتوراعالار مىنبەسىنىڭ اتقارۋشى ءتوراعالار ورنىنا جايعاستى.

شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ جانە ءماجىلىس ءتوراعالار القاسىنىڭ مۇشەلەرى ءتوراعالار مىنبەسىنەن ورىن الدى.

14 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە قاتىناسۋعا ءتيىستى ۋاكىل 2878 ادام.

3 - ايدىڭ 5 - كۇنى تۇستەن بۇرىنعى ماجىلىسكە 2765 ۋاكىل قاتىناستى، 113 ۋاكىل قاتىناسا المادى، قاتىناسقان ۋاكىل سانى زاڭدا بەلگىلەنگەن ادام سانىنا ۇيلەسەدى.

تۇستەن بۇرىن ساعات 9 دا جاۋ لىجي جۇڭحۋا حالىق رەسپۋبليكاسى 14 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ اشىلعاندىعىن جاريالادى. ءماجىلىس الاڭىنداعى بارلىق ادام ورىندارىنان تۇرىپ، مەملەكەت ءانىن اسقاقتاتا شىرقادى.

ءماجىلىستىڭ كەڭەس ءتارتىبى بويىنشا مەملەكەتتىك كەڭەستىڭ زۇڭليى لي چياڭ مەملەكەتتىك كەڭەس اتىنان ماجىلىسكە ۇكىمەت قىزمەتىنەن بايانداما جاسادى. بايانداما جالپى ءتورت بولىمنەن قۇرالعان: ءبىرىنشى، 2025 - جىلعى قىزمەتتەرگە شولۋ؛ ەكىنشى، ”15 - بەسجىلدىق“ مەزگىلىندەگى باستى نىسانالار مەن كەلەلى مىندەتتەر؛ ءۇشىنشى، 2026 - جىلعى ەكونوميكالىق، قوعامدىق دامۋدىڭ جالپى تۇلعالىق تالابى مەن ساياساتتىق بەتالىسى؛ ءتورتىنشى، 2026 - جىلعى ۇكىمەت قىزمەتىندەگى مىندەتتەر.

لي چياڭ باياندامادا بىلاي دەپ اتاپ كورسەتتى: 2025 - جىل وزگەشە ءبىر جىل بولدى. ەل ءىشى - سىرتى جاعدايىنداعى تەرەڭ دە كۇردەلى وزگەرىس الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ، باستاپ، قيىنشىلىققا قارسى اتتانىپ، قايراتتانا شايقاسىپ، جاڭا دامۋ ۇستانىمىن بۇلجىماي دايەكتىلەندىرىپ، جوعارى ساپالى دامۋدى ىلگەرىلەتىپ، ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاپ، تۇتاس جىلداعى ەكونوميكالىق، قوعامدىق دامۋدىڭ باستى نىسانا - مىندەتتەرىن ءساتتى ورىندادى، ”14 - بەسجىلدىق“ ءساتتى اياقتادى، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستالدى.

لي چياڭ باياندامادا بىلاي دەپ اتاپ كورسەتتى: ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەت جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارى بويىنشا، ءبىر جىلدان بەرى، باستىسى، مىناداي قىزمەتتەر ىستەدىك: ءبىرىنشى، اناعۇرلىم بەلسەندى، ۇتىمدى ماكرولىق ساياساتتاردى اتقارىپ، ەكونوميكالىق اينالىمدى كۇش سالا ورنىقتىردىق؛ ەكىنشى، دامۋعا جاڭالىق اشۋ ارقىلى دەم بەرۋگە تاباندى بولىپ، وسىزاماندانعان كاسىپ سالاسى جۇيەسىن ورناتتىق؛ ءۇشىنشى، رەفورما جاساپ، ەسىك اشۋدى ونان ارى تەرەڭدەتىپ، حالىق شارۋاشىلىعىنىڭ اينالىمىن ىركىلىسسىزدەندىردىك؛ ءتورتىنشى، جاڭاشا قالا - قالاشىقتاندىرۋ مەن اۋىل - قىستاقتى جاپپاي گۇلدەندىرۋدى ءبىر تۇتاس جوسپارلاپ ىلگەرىلەتىپ، قالا مەن اۋىلدىڭ وڭىرلىك سايكەستى دامۋىن جەبەدىك؛ بەسىنشى، حالىق تۇرمىسىن قامتاماسىزداندىرۋدى شىن مانىندە ويداعىداي يگەرىپ، قوعامدىق ىستەردى بەلسەنە دامىتتىق؛ التىنشى، كورىكتى جۇڭگو قۇرىلىسىن جەدەلدەتىپ، جاسىل، تومەن كومىرتەكتى دامۋدى ىلگەرىلەتتىك؛ جەتىنشى، ۇكىمەت قۇرىلىسىن ۇزدىكسىز كۇشەيتىپ، قوعامدىق باسقارۋدا جاڭالىق اشتىق جانە ونى كەمەلدەندىردىك.

لي چياڭ باياندامادا بىلاي دەپ اتاپ كورسەتتى: وتكەن 5 جىلدا پارتيا مەن مەملەكەت ىستەرىندە تىڭ دا كەلەلى تابىستارعا قول جەتتى، ەكىنشى 100 جىلدىق كۇرەس نىساناسىنىڭ جاڭا جورىعىندا تاماشا باستاما جۇزەگە استى. ”14 - بەسجىلدىق“ جوبا «باعدارلاماسىندا» بەلگىلەنگەن 20 نەگىزگى كورسەتكىش، 17 جاقتاعى كەلەلى ستراتەگيالىق مىندەت، 102 كەلەلى ينجەنەريا نىسانى جەڭىسپەن ورىندالدى.

لي چياڭ باياندامادا بىلاي دەپ اتاپ كورسەتتى: «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 15 - بەسجىلدىق پلانىن جاساۋ جونىندەگى ۇسىنىسىنا» ساي، مەملەكەتتىك كەڭەس «جۇڭحۋا حالىق رەسپۋبليكاسىنىڭ حالىق شارۋاشىلىعى مەن قوعامدىق دامۋدىڭ 15 - بەسجىلدىق پلانى باعدارلاماسىن (جوبا)» جاساپ، ءماجىلىستىڭ تەكسەرۋىنە ۇسىندى. پارتيا ورتالىق كوميتەتىنىڭ «ۇسىنىسىندا» ايقىندالعان باستى نىسانالار دايەكتى تياناقتاندىرىلىپ، «باعدارلامادا (جوبا)» 20 ءتۇرلى نەگىزگى كورسەتكىش ەگجەي - تەگجەيلى ورتاعا قويىلدى؛ ”15 - بەسجىلدىق“ دامۋدىڭ كەلەلى ستراتەگيالىق مىندەتى سالالار بويىنشا بايىمدالىپ، مىناداي ءتورت جاق كورنەكتىلەندىرىلدى: ءبىرىنشى، جوعارى ساپالى دامۋدى ىلگەرىلەتۋ كورنەكتىلەندىرىلدى، ەكىنشى، ىشكى اينالىمدى كۇشەيتۋ كورنەكتىلەندىرىلدى، ءۇشىنشى، جالپى حالىقتىڭ بىرگە بايۋىن ىلگەرىلەتۋ كورنەكتىلەندىرىلدى؛ ءتورتىنشى، دامۋ مەن حاۋىپسىزدىكتى ءبىر تۇتاس جوسپارلاۋ كورنەكتىلەندىرىلدى؛ ”15 - بەسجىلدىق“ نىسانا - مىندەتتەردىڭ تياناقتانۋىن ىلگەرىلەتۋ وزەك ەتىلىپ، ستراتەگيالىق، جەتەكتەۋ جانە ۇلاسپالىلىق سيپاتتار ءبىر تۇتاس ويلاستىرىلىپ، «باعدارلامادا (جوبا)» 6 جاقتاعى 109 كەلەلى ينجەنەريا العا قويىلدى.

لي چياڭ باياندامادا مىنالاردى ورتاعا قويدى: بيىلعى دامۋدىڭ باستى مەجەلى نىسانالارى مىنالار: ەكونوميكانى %5 - %4.5 ارتتىرۋ، ءىس جۇزىندىك قىزمەت بارىسىندا ءتىپتى دە جاقسى ناتيجەگە قول جەتكىزۋگە كۇش سالۋ؛ قالا - قالاشىقتا انىقتالعان جۇمىسسىزدىق شاماسىن %5.5 اينالاسىندا مەڭگەرۋ، قالا - قالاشىقتا 12 ميلليوننان استام ادامدى تىڭنان جۇمىستاندىرۋ؛ تۇرعىنداردىڭ تۇتىنۋ باعاسىنىڭ قىمباتتاۋ شاماسىن %2 اينالاسىندا مەڭگەرۋ؛ تۇرعىندار كىرىسىنىڭ ارتۋى مەن ەكونوميكانىڭ ارتۋى تەڭ بولۋ؛ حالىقارالىق كىرىس -شىعىس نەگىزىنەن تەپە - تەڭ بولۋ؛ استىق ءونىمىن ءبىر تريلليون 400 ميلليارد جىڭ اينالاسىنا جەتكىزۋ، ىشكى ءوندىرىستىڭ جالپى قۇنىنداعى كومىرتەگى قوس توتىعىنىڭ بىرلىكتىك شىعارىلۋىن %3.8 اينالاسىندا تومەندەتۋ.

لي چياڭ باياندامادا مىنالاردى ورتاعا قويدى: پارتيا ورتالىق كوميتەتى بيىلعى قىزمەتتەر جونىندە جان - جاقتى ورنالاستىرۋ جاسادى، ءبىز ىشكەرىلەي دايەكتىلەندىرىپ، تياناقتاندىرىپ، ءتۇرلى قىزمەتتەردى تىڭعىلىقتى ويداعىداي ىستەۋىمىز كەرەك: قۋاتتى ەل ءىشى بازارىن كۇش سالا قۇرۋ؛ جاڭا قوزعاۋشى قۋاتتى جەدەل جەتىلدىرۋ؛ جوعارى دەڭگەيدەگى عىلىم - تەحنيكادا ءوز كۇشىنە سۇيەنۋدى جەدەلدەتۋ؛ ءتۇيىندى سالالارداعى رەفورمانى ۇزدىكسىز تەرەڭدەتۋ؛ سىرتقا ەسىك اشۋدى ونان ارى كەڭەيتۋ؛ اۋىل - قىستاقتى جاپپاي گۇلدەندىرۋدى تىڭعىلىقتى ىلگەرىلەتۋ؛ جاڭاشا قالا - قالاشىقتاندىرۋ مەن وڭىرلەردىڭ سايكەستى دامۋىن ىلگەرىلەتۋ؛ حالىق تۇرمىسىن اناعۇرلىم زور تەبىنمەن قامتاماسىز ەتۋ جانە جاقسارتۋ؛ جاپپاي جاسىل تيپكە بۇرىلىس جاساۋدى جەدەل ىلگەرىلەتۋ؛ ءتۇيىندى سالالارداعى حاۋىپ - قاتەردەن ساقتانۋ - جويۋ جانە حاۋىپسىزدىك قابىلەتى قۇرىلىسىن كۇشەيتۋ.

باياندامادا لي چياڭ تاعى ۇكىمەتتىڭ وزىندىك قۇرىلىسى، ۇلت، ءدىن جانە حۋاچياۋلار قىزمەتى، مەملەكەت قورعانىسى مەن ارميانى وسىزامانداندىرۋ قۇرىلىسى، شياڭگاڭ، اۋمىننىڭ دامۋى جانە ەكى جاعالاۋ قاتىناسى، سونداي - اق ەلىمىزدىڭ ديپلوماتيالىق ساياساتى سياقتىلاردى كۇشەيتۋ جونىندە دە بايىمداۋ جاسادى.

ءماجىلىستىڭ كەڭەس ءتارتىبى بويىنشا ءماجىلىس حالىق شارۋاشىلىعى مەن الەۋمەتتىك دامۋدىڭ 15 - بەسجىلدىق پلان باعدارلاماسىنىڭ جوباسىن، مەملەكەتتىك كەڭەستىڭ 2025 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2026 - جىلعى حالىق شارۋاشىلىعى مەن قوعامدىق دامۋدىڭ جوسپار جوباسى جونىندەگى بايانداماسىن، سونداي - اق 2026 - جىلعى حالىق شارۋاشىلىعىنىڭ، قوعامدىق دامۋدىڭ جوسپار جوباسىن، ورتالىق پەن جەرگىلىكتى ورىنداردىڭ 2025 - جىلعى مەجە ەسەبىنىڭ اتقارىلۋ جاعدايى جانە 2026 - جىلعى مەجە ەسەپ جوباسى جونىندەگى بايانداماسىن، سونداي - اق ورتالىق پەن جەرگىلىكتى ورىنداردىڭ 2026 - جىلعى مەجە ەسەپ جوباسىن قاراپ تەكسەردى.

مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى لي حۇڭجۇڭ ەكولوگيالىق ورتا زاڭناماسى جوباسى جونىندە تۇسىنىك، ۇلتتار ىنتىماعى العاباسارلىعىن جەبەۋ زاڭى جوباسى جونىندە تۇسىنىك، مەملەكەتتىڭ دامۋ پلانى زاڭى جوباسى جونىندە تۇسىنىك جاسادى.

ەكولوگيالىق ورتا زاڭناماسى جوباسى جونىندەگى تۇسىنىكتە مىنالار اتاپ كورسەتىلدى: ەكولوگيالىق ورتا زاڭناماسى پارتيا 18 - قۇرىلتايىنان بەرگى ەكولوگيالىق وركەنيەت قۇرىلىسى نازارياسى، ءتۇزىمى، امالياتى جەتىستىكتەرىن زاڭنامالاندىرۋ تاسىلىمەن تۇراقتاندىرىلدى، ەكولوگيالىق ورتا زاڭ - ءتۇزىم جۇيەسىن كەمەلدەندىرۋدە كەلەلى دە تەرەڭ مانگە يە. ەكولوگيالىق ورتا زاڭناماسىن قۇراستىرۋدىڭ جەتەكشى يدەياسى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەت جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس ىلگەرىلەتۋدى جانە ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدى تىعىز ارقاۋ ەتىپ، نازاردى اناعۇرلىم كەمەلدەنگەن جۇڭگوشا سوتسياليستىك زاڭمەن جونگە سالۋ جۇيەسىن قۇرۋعا، اناعۇرلىم جوعارى دەڭگەيدەگى سوتسياليستىك زاڭمەن جونگە سالىناتىن مەملەكەت قۇرۋعا شوعىرلاندىرىپ، امالياتتىق تاجىريبەلەردى قورىتىندىلاپ، ءداۋىردىڭ تالابىنا ۇيلەسىپ، جوعارى ساپالى دامۋ مەن جوعارى دەڭگەيلى قورعاۋدى تەڭ قادامدا ىلگەرىلەتىپ، ەلىمىزدە قازىر اتقارىلىپ وتىرعان لاستانۋدان ساقتانۋ جانە ونى جونگە سالۋ، ەكولوگيانى قورعاۋ، جاسىل، تومەن كومىرتەكتى دامۋ سياقتى جاقتارداعى ەكولوگيالىق ورتا زاڭ - تۇزىمدەرى مەن ەرەجەلەرىن، ولشەمدەرىن جان - جاقتى، جۇيەلى قۇراستىرىپ، وڭدەپ، شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، شي جينپيڭ ەكولوگيالىق وركەنيەت يدەياسىن جەتەكشى ەتىپ، جۇڭگوشا ەرەكشەلىككە يە، داۋىرلىك ەرەكشەلىكتى ايگىلەيتىن، حالىقتىڭ تىلەگىن بەينەلەيتىن، جۇيەلى دە سايكەستى ەكولوگيالىق ورتا زاڭناماسىن قالىپتاستىرىپ، جاپپاي سوتسياليستىك وسىزاماندانعان قۇدىرەتتى ەل قۇرۋدى، ەكىنشى 100 جىلدىق كۇرەس نىساناسىن جۇزەگە اسىرۋدى، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدى ەكولوگيالىق ورتا جاعىنداعى كەمەلدى زاڭمەن باسقارۋمەن قامتاماسىز ەتۋ. تۇسىنىككە نەگىزدەلگەندە، جوبا 5 ءبولىم، 1242 تارماقتان قۇرالعان، ءاربىر ءبولىم رەتى بويىنشا مىناداي: لاستانۋدان ساقتانۋ - جونگە سالۋ، ەكولوگيانى قورعاۋ، جاسىل، تومەن كومىرتەكتى دامۋ، زاڭدىق جاۋاپكەرشىلىك جانە قوسىمشا ەرەجە.

ۇلتتار ىنتىماعى العاباسارلىعىن جەبەۋ زاڭى جوباسى جونىندەگى تۇسىنىكتە مىنالار اتاپ كورسەتىلدى: پارتيا ورتالىق كوميتەتىنىڭ شەشىمدەرى، ورنالاستىرۋلارى دايەكتىلەندىرىلىپ، تياناقتاندىرىلىپ، جاڭا داۋىردەگى پارتيانىڭ ۇلت قىزمەتىنىڭ تاريحي ورنى تياناق ەتىلىپ، نەگىزگى زاڭداعى بەلگىلەمەلەر، پرينسيپتەر جانە رۋحتار جاپپاي دايەكتىلەندىرىلىپ، ۇلتتار ىنتىماعى العاباسارلىعىن جەبەۋ زاڭى جاسالىپ، جۇڭحۋا ۇلتى ورتاق تۇلعا تانىمىن بەرىك ورناتىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋ ءۇشىن زاڭمەن جونگە سالۋ نەگىزى بەكەمدەلدى، بۇل ۇلتتار ىنتىماعى العاباسارلىعى ىستەرىن جاپپاي ىلگەرىلەتىپ، بۇكىل ەلدەگى ءار ۇلت حالقىنىڭ جۇڭگو ۇلگىسىندەگى وسىزاماندانۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن جاپپاي ىلگەرىلەتۋ ءۇشىن ىنتىماقتاسا كۇرەس جۇرگىزۋىن ىلگەرىلەتۋدە كەلەلى ماڭىز الادى.

زاڭ شىعارۋدا شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ زاڭمەن جونگە سالۋ يدەياسىن، شي جينپيڭ مادەنيەت يدەياسىن، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەت جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيا 18 - قۇرىلتايىنان بەرى ۇلت قىزمەتىندە قول جەتكەن تاريحي جەتىستىكتەر مەن تابىستى تاجىريبەلەردى مۇقيات قورىتىندىلاپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، ۇلتتار ىنتىماعى العاباسارلىعى ىستەرىنىڭ جوعارى ساپالى دامۋىن ىلگەرىلەتۋ كەرەك. جوبادا ”العى ءسوز+7 تاراۋ“ ۇلگىسى قولدانىلعان، جالپى 64 تارماق بار.

مەملەكەتتىڭ دامۋ پلانى زاڭى جوباسى جونىندەگى تۇسىنىكتە مىنالار اتاپ كورسەتىلدى: ۇزاق ۋاقىتتان بەرگى مەملەكەتتىڭ دامۋ پلانى قىزمەتىندەگى تابىستى تاجىريبەلەردى مۇقيات قورىتىندىلاپ، مەملەكەتتىڭ دامۋ پلانى زاڭىن جاساپ، مەملەكەتتىڭ دامۋ پلانى قىزمەتىندە تاباندى بولۋعا ءتيىستى جەتەكشى يدەيا مەن پرينسيپتىك كوزقاراستى ايقىنداپ، مەملەكەتتىڭ دامۋ پلانىن جاساۋ، تەكسەرۋ جانە بەكىتۋ، اتقارۋ جانە ونى باقىلاۋ سياقتى ناقتى تارتىپتەر جونىندە جان - جاقتى، جۇيەلى بەلگىلەمەلەر جاساۋ زاڭمەن باسقارۋ ارناسىندا مەملەكەتتىڭ دامۋ پلانىن عىلمي جاساۋدى جانە ءونىمدى اتقارۋدى پارمەندى تۇزىمدىك كەپىلمەن قامدايدى. زاڭ شىعارۋدا شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەت جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، حالىقتى وزەك ەتۋگە تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ۇزاق ۋاقىتتان بەرگى، اسىرەسە، جاڭا داۋىردەن بەرگى مەملەكەتتىڭ دامۋ جوباسى قىزمەتىندەگى تابىستى تاجىريبەلەردى قورىتىندىلاپ، نەگىزگى زاڭدى نەگىز ەتىپ، كوپ جىلدان بەرگى ءونىمدى ادىستەردى زاڭ - ءتۇزىم ولشەمى ەتىپ تۇراقتاندىرىپ، مەملەكەتتىڭ دامۋ پلانى قىزمەتىنىڭ زاڭمەن جونگە سالۋ دەڭگەيىن كۇش سالا جوعارىلاتىپ، مەملەكەتتىڭ دامۋ جوباسىنىڭ ستراتەگيالىق جەتەكشىلىك رولىن اناعۇرلىم ويداعىداي ساۋلەلەندىرىپ، مەملەكەت ءتۇزىمىنىڭ ابزالدىعى مەن جونگە سالۋ ونىمدىلىگىن اناعۇرلىم ويداعىداي ساۋلەلەندىرۋ كەرەك. جوبا 6 تاراۋعا بولىنگەن، جالپى 38 تارماقتان تۇرادى.

ۋاڭ ي، يىن لي، شى تايفىڭ، ليۋ گوجۇڭ، لي گانجيە، لي شۋلەي، حى ليفىڭ، جاڭ گوچيڭ، چىن ۋىنچيڭ، چىن جينيڭ، چىن مين - ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، جاڭ شىڭمين، ۋ جىڭلۇڭ، چىن ي - چين، جاڭ جۇن، يىڭ يۇڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن قاتارلىلار دا ءتوراعالار مىنبەسىنەن ورىن الدى.

شياڭگاڭ ەرەكشە اكىمشىلىك رايونىنىڭ اكىمى لي جياچاۋ، اۋمىن ەرەكشە اكىمشىلىك رايونىنىڭ اكىمى سىن حاۋحۇي ماجىلىسكە سىرتتاي قاتىناستى ءارى ءتوراعالار مىنبەسىنەن ورىن الدى.

ساياسي كەڭەس مەملەكەتتىك 14 - كەزەكتى كوميتەتىنىڭ 4 - ماجىلىسىنە قاتىناسقان ساياسي كەڭەس مۇشەلەرى ماجىلىسكە سىرتتاي قاتىناستى.

ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ جانە قارۋلى ساقشى بولىمدەرىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە سىرتتاي تىڭدادى.

شەتەلدەردىڭ جۇڭگودا تۇراتىن ەلشىلەرى ءماجىلىستى سىرتتاي تىڭدادى.

كەلۋ قاينارى: حالىق تورابى