ەكونوميكالىق ءىرى ولكەلەر جاڭا جاعدايدى زەرتتەۋ، جاڭا ماسەلەلەردى شەشۋ جاعىندا كۇش سالىپ، تاجىريبە ازىرلەۋى كەرەك

3 - ايدىڭ 5 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءوزى تۇرعان 14 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە قاتىناسقان جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناستى.

سۋرەتتى شينحۋا اگەنتتىگىنىڭ ءتىلشىسى يان بوگۋ تۇسىرگەن

«حالىق گازەتى»، 3 - ايدىڭ 5 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 5 - كۇنى تۇستەن كەيىن ءوزى تۇرعان مەملەكەتتىك 14 - كەزەكتى حالىق قۇرىلتايىنىڭ 4 - ماجىلىسىنە قاتىناسقان جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى: ”15 - بەسجىلدىق“ ەكونوميكالىق، قوعامدىق دامۋدىڭ نىسانالىق مىندەتتەرىن ورىنداۋ ءۇشىن ءتىپتى دە كۇردەلى ورتاعا توتەپ بەرىپ، ءتىپتى دە كوپ تەرەڭ قاتپارلى قايشىلىقتاردى شەشۋگە تۋرا كەلەدى. جياڭسۋ سياقتى ەكونوميكالىق ءىرى ولكەلەر رەفورما جاساپ، ەسىك اشۋدىڭ الدىڭعى لەگىندە تۇر، جاڭا جاعدايلاردى زەرتتەۋ، جاڭا ماسەلەلەردى شەشۋ جاعىنا كۇش سالىپ، تاجىريبە ازىرلەۋى كەرەك.

جياڭسۋ ۋاكىلدەر ۇيىرمەسىنىڭ باياندامانى قاراۋى دۋماندى، مەرەيلى بولدى. شى جىجۇن، جاڭ شياۋحۇڭ، شى لەي، ياڭ حىڭجۇن، گاۋ دىرۇڭ، جاڭ يۇيفىڭ قاتارلى 6 ۋاكىل جاڭاشا ونەركاسىپتەندىرۋدى ىلگەرىلەتۋ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسۋىن جەبەۋ، شەشۋشى، وزەكتى تەحنيكالاردان قامال الۋدى كۇشەيتۋ، جاراسىمدى، كورىكتى اۋىل - قىستاق قۇرۋ، ەگىمشىلىكتەگى قيىن ماسەلەلەردى شەشۋ، دەنە تاربيە رۋحىن ساۋلەلەندىرۋ سياقتىلار جونىندە جەكە - جەكە لەبىز ءبىلدىردى.

كوپشىلىكتىڭ ءسوزىن تىڭداعان سوڭ، شي جينپيڭ ءسوز سويلەپ، ۇكىمەت قىزمەتىنەن باياندامانى قۇپتايتىندىعىن ءبىلدىردى ءارى جياڭسۋدىڭ ءىس جۇزىندىگىمەن بىرلەستىرىپ، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدى ويداعىداي يگەرۋ جونىندە ايقىن تالاپتار قويدى.

شي جينپيڭ بىلاي دەپ اتاپ كورسەتتى: جاڭاشا وندىرگىش كۇشتەردى دامىتۋ جوعارى ساپالى دامۋدى ىلگەرىلەتۋدە، ەكونوميكالىق باسەكەلىك قۋاتتى كۇشەيتۋدە توتەنشە ماڭىزدى، جياڭسۋدىڭ بۇل جاعىندا نەگىزى ءبىرشاما جاقسى، الدىڭعى لەكتە جۇرۋگە قۇلشىنۋى كەرەك. وقۋ - اعارتۋ، عىلىم - تەحنيكا دارىندىلارىنىڭ دامۋىن ءبىر تۇتاس ىلگەرىلەتىپ، العاشقى جاڭالىق اشۋ مەن شەشۋشى، وزەكتى تەحنيكالاردان قامال الۋدى كۇشەيتىپ، عىلىم - تەحنيكانىڭ بيىك تۇرعىسىن يەلەۋ جاعىندا تىڭ قامال الۋعا كۇش سالىپ، جاڭالىق اشۋ تىزبەگىنىڭ، كاسىپ سالاسى تىزبەگىنىڭ، قارجى تىزبەگىنىڭ، دارىندىلار تىزبەگىنىڭ تەرەڭدەي توعىسۋىن جەبەۋ، عىلىم - تەحنيكا جەتىستىكتەرىن جوعارى ونىممەن كادەگە جاراتۋدى، قولدانۋدى ىلگەرىلەتۋ جاعىندا جاڭا جولدار قاراستىرىپ، ءداستۇرلى كاسىپ سالاسىن ساپالىلاندىرۋ، دەڭگەيىن جوعارىلاتۋ، جاڭادان گۇلدەنگەن كاسىپ سالاسىن جەتىلدىرۋ، زورايتۋ، بولاشاقتاعى كاسىپ سالاسىن الدىن الا ورنالاستىرۋ جاعىندا جاڭا جاعداي اشىپ، رەفورمانى ونان ارى تەرەڭدەتۋ، جاڭاشا وندىرگىش كۇشتەردىڭ دامۋىنا تۇساۋ بولاتىن تۇزىلىستىك، مەحانيزمدىك كەدەرگىلەردى الاستاۋ جاعىندا تىڭ تابىستارعا قول جەتكىزۋ كەرەك.

شي جينپيڭ بىلاي دەپ باسا دارىپتەدى: ەكونوميكالىق ءىرى ولكەلەردىڭ دامۋ نەگىزى ورنىقتى، سىرتقى سوققىعا توتەپ بەرۋ قۋاتى كۇشتى بولعاندا عانا، بۇكىل ەلدىڭ ەكونوميكالىق جالپى جاعدايىنىڭ ورنىقتىلىعىنا تىرەك بولا الادى. جياڭسۋ ەكونوميكانىڭ سەرپىمدىلىگىن كۇشەيتۋگە ۇزدىكسىز كۇش سالۋى كەرەك. ىشكى ونەردى ويداعىداي جەتىلدىرىپ، ءوزىن كۇشەيتىپ، بۇكىل ەل بويىنشا بىرلىككە كەلگەن ءىرى بازارمەن جاپپاي توعىسىپ، ەل ىشىندەگى ۇلكەن اينالىمدى ىركىلىسسىزدەندىرۋگە دەم بەرۋ كەرەك. جوعارى دەڭگەيدە سىرتقا ەسىك اشۋدى كەڭەيتىپ، دۇنيە جۇزىلىك بازاردى كەڭىنەن اشىپ، حالىقارالىق اينالىمدى اناعۇرلىم ويداعىداي ۇلاستىرۋ كەرەك.

تومەنگى شەكتە ويلاۋ ارقىلى ءتۇرلى حاۋىپ - قاتەردەن ساقتانۋ كەرەك.

شي جينپيڭ بىلاي دەپ اتاپ كورسەتتى: جۇڭگو ۇلگىسىندەگى وسىزامانداندىرۋ − بۇكىل حالىق بىرگە باييتىن وسىزامانداندىرۋ. جياڭسۋ جاڭا جاعدايداعى حالىق بۇقاراسىنىڭ تاماشا تۇرمىسقا دەگەن تىڭ تىلەگى مەن حالىق تۇرمىسى قىزمەتىنىڭ جاڭا ەرەكشەلىگىن دۇرىس يگەرىپ، جوعارى ساپالى، تولىق جۇمىستانۋدى قالاي جۇزەگە اسىرۋ، قالا - اۋىل تۇرعىندارىنىڭ كىرىسىن قالاي ارتتىرۋ، نەگىزگى الەۋمەتتىك قىزمەت وتەۋ مەن قوعامدىق قامتاماسىزداندىرۋ دەڭگەيىن قالاي اناعۇرلىم جوعارىلاتۋ سياقتى تاقىرىپتارعا بەلسەندى، ىرىقتى تۇردە جاۋاپ بەرىپ، جالپى حالىقتىڭ بىرگە اۋقاتتانۋىن ىلگەرىلەتۋدىڭ ءونىمدى جولىن قاراستىرۋى كەرەك.

شي جينپيڭ بىلاي دەپ باسا دارىپتەدى: پارتيانى باسقارۋ، پارتيانى جونگە سالۋ ءونىمدى بولعان سايىن، ەكونوميكالىق، قوعامدىق دامۋدى قامتاماسىز ەتۋ سونشالىق پارمەندى بولادى. دۇرىس ساياسي ناتيجە كوزقاراسىن ورناتۋ جانە ونى امالياتتا ايگىلەۋ تاربيەسىن مۇقيات ۇيىمداستىرىپ جانە ورىستەتىپ، قالىڭ پارتيالى كادرلاردى ”جالپى ءۇشىن پارتيا قۇرۋ، حالىققا باقىت جاراتۋ، عىلمي شەشىم جاساۋ، شىنايى يگەرىپ، ناقتى ىستەۋ“ جالپى تالابىن تياناقتاندىرىپ، امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجە جاراتۋعا باستاۋ كەرەك. پارتيالىلىق، پارتيا ستيلى، پارتيا ءتارتىبىن بىرگە يگەرۋگە، ستيلدى دۇرىستاپ، ءتارتىپتى قاتايتۋعا تاباندى بولىپ، پارتيانى جاپپاي قاتاڭ جونگە سالۋدىڭ ءىس جۇزىندىك تابىستارى ارقىلى حالىقتىڭ سەنىمىنە يە بولىپ، ىستەرىمىزدىڭ دامۋىن ىلگەرىلەتۋدىڭ قۇدىرەتتى كۇشىن ۇيىستىرۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي قاتىناستى.

كەلۋ قاينارى: حالىق تورابى