حالىقارادا مۇناي باعاسى جالعاستى زور مولشەردە قىمباتتادى

ورتا شىعىس رايونىنداعى قاقتىعىستىڭ جالعاسۋى مەن مۇناي بازارىنداعى قامداۋدىڭ كەدەرگىگە ۇشىراۋىنان الاڭداۋدىڭ سەبەبىنەن، حالىقارادا مۇناي باعاسى 3 - ايدىڭ 6 – كۇنى جالعاستى زور مولشەردە قىمباتتادى، نيۋ – يورك بازارىنداعى مەرزىمدەمەلى تاۋار تۇرىندەگى شيكىزاتتىق مۇناي باعاسىنىڭ قىمباتتاۋ مولشەرى تۇستەن بۇرىنعى بازاردا ءبىر مەزەت %10 تەن اسىپ كەتكەن.

سول كۇنگى تۇستەن بۇرىنعى بازاردا، نيۋ – يورك تاۋار ساۋدا بازارى ورنىندا 4 – ايدا تاپسىرىلاتىن مەرزىمدەمەلى تاۋار تۇرىندەگى شيكىزاتتىق مۇنايدىڭ ءبىر باررەلىنىڭ باعاسى 89.62 ا ق ش دوللارىنا جوعارىلاپ، الدىڭعى قىزمەت كۇنىندەگى بازار جابىلعان كەزدەگى باعامەن سالىستىرعاندا قىمباتتاۋ مولشەرى %10.63 كە جەتكەن. لوندون برەنت بازارىنداعى 5 – ايدا تاپسىرىلاتىن مەرزىمدەمەلى تاۋار تۇرىندەگى شيكىزاتتىق مۇنايدىڭ ءبىر باررەلىنىڭ باعاسى 91.89 دوللارعا جەتكەن، الدىڭعى قىزمەت كۇنىندەگى بازار جابىلعان كەزدەگى باعامەن سالىستىرعاندا قىمباتتاۋ مولشەرى %7.59 بولعان.

بازار قۇرىلىمىنداعىلاردىڭ كورسەتۋىنشە، ورتا شىعىس رايونىنداعى قاقتىعىس دۇنيە جۇزىندەگى مۇنايمەن قامداۋ ءتارتىبىن اۋىر دارەجەدە بىلىقتىرعاندىقتان، بازاردا مۇنايمەن قامداۋ جاعىندا كۇنىنە 7 ميلليون بارەلدەن 11 ميلليون باررەلگە دەيىن كەمشىل بولۋ جاعدايى تۋىلۋى مۇمكىن. ا ق ش مۇناي تاسىمالدايتىن كەمەلەردى قورعاۋ شارالارىن اتقارۋىمىز مۇمكىن دەپ جاريالاپ، ءۇندىستاننىڭ رەسەيدەن شيكىزاتتىق مۇناي ساتىپ الۋىنا ۋاقىتشا رۇقسات بەرگەنىمەن، قامداۋ جاعىنداعى سوققىنىڭ سەبەبىنەن وسى اپتادا مۇناي باعاسىنىڭ قىمباتتاۋى %20 تەن اسقان.

كاتاردىڭ ەنەرگيا ىستەرىنە جاۋاپتى مەملەكەت ىستەرى ءۋازىرى سايد كاابي 3 - ايدىڭ 6 – كۇنى اقپارات قۇرالدارىنىڭ سۇحباتىن قابىلداعان كەزدە مىنانى بىلدىرگەن: ەگەر مۇناي تاسىمالدايتىن كەمەلەر ورمۋز بۇعازىنان وتە الماسا، شىعاناق رايونىنداعى شيكىزاتتىق مۇنايدى ەكسپورت ەتەتىن ەلدەر بىرنەشە كۇننەن كەيىن ءوندىرىستى توقتاتادى، شيكىزاتتىق مۇنايدىڭ ءار باررەلىنىڭ باعاسى الداعى بىرنەشە اپتا ىشىندە 150 ا ق ش دوللارىنا جەتۋى مۇمكىن.

كەلۋ قاينارى: حالىق تورابى