جۇڭگوشا دەنساۋلىق ساقتاۋ جانە سالاماتتىقتى دامىتۋ جولىمەن بۇلجىماي ءجۇرىپ، ”15 - بەسجىلدىق“ جوبا كەزىندەگى سالاماتتى جۇڭگو قۇرىلىسىندا شەشۋشى ىلگەرىلەۋشىلىككە قول جەتكىزۋدى ىلگەرىلەتۋ كەرەك

3 - ايدىڭ 6 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەتتىك ساياسي كەڭەس 14 - كەزەكتى كوميتەتىنىڭ 4 - ماجىلىسىنە قاتىناسقان جۇڭگو شارۋا - جۇمىسشى دەموكراتيالىق پارتياسىنىڭ، 3 - قىركۇيەك ءىلمي قوعامىنىڭ، ەمدەۋ، ءدارى - دارمەك، دەنساۋلىق ساقتاۋ سالاسىنىڭ، قوعامدىق يگىلىك جانە قوعامدىق قامتاماسىزداندىرۋ سالاسىنىڭ مۇشەلەرىنە امانداسا باردى ءارى بىرىككەن گرۋپپا ماجىلىسىنە قاتىناسىپ، پىكىر جانە ۇسىنىستاردى تىڭدادى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي امانداسۋدا جانە تالقىدا بىرگە بولدى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 3 - ايدىڭ 6 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 6 - كۇنى تۇستەن كەيىن مەملەكەتتىك ساياسي كەڭەس 14 - كەزەكتى كوميتەتىنىڭ 4 - ماجىلىسىنە قاتىناسقان جۇڭگو شارۋا - جۇمىسشى دەموكراتيالىق پارتياسىنىڭ، 3 - قىركۇيەك ءىلمي قوعامىنىڭ، ەمدەۋ، ءدارى - دارمەك، دەنساۋلىق ساقتاۋ سالاسىنىڭ، قوعامدىق يگىلىك جانە قوعامدىق قامتاماسىزداندىرۋ سالاسىنىڭ مۇشەلەرىنە امانداسا باردى ءارى بىرىككەن گرۋپپا ماجىلىسىنە قاتىناسىپ، پىكىر جانە ۇسىنىستاردى تىڭدادى. ول مىنالاردى باسا دارىپتەدى: 2035 - جىلعا بارعاندا سالاماتتى جۇڭگو قۇرۋ − جۇڭگو كوممۋنيستىك پارتياسى ورتالىق كوميتەتى جاساعان ستراتەگيالىق شەشىم، ”15 - بەسجىلدىق“ جوبا − وسى نىسانانى جۇزەگە اسىرۋدىڭ شەشۋشى مەزگىلى، ءسوز جوق، ءبىر تۇتاس جوسپارلاپ، جەدەل ىلگەرىلەتىپ، شەشۋشى ىلگەرىلەۋشىلىككە قول جەتكىزۋگە قۇلشىنۋ كەرەك.

”8 - ناۋرىز“ حالىقارالىق ەڭبەكشى ايەلدەر مەرەكەسى قارساڭىندا، شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان مەملەكەتتىك ەكى ماجىلىسكە قاتىناسقان ايەل ۋاكىلدەرگە، ايەل مۇشەلەرگە، ايەل قىزمەتكەرلەرگە، بۇكىل ەلدەگى ءار ۇلت، ءار سالا ايەلدەرىنە، شياڭگاڭ ەرەكشە اكىمشىلىك رايونىنداعى، اۋمىن ەرەكشە اكىمشىلىك رايونىنداعى، تايۋان رايونىنداعى ايەل باۋىرلاستارعا جانە شەتەلدەگى ايەل چياۋباۋلارعا مەرەكەلىك سالەم جولدادى جانە ىزگى تىلەك ءبىلدىردى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي امانداسۋدا جانە تالقىدا بىرگە بولدى.

بىرىككەن گرۋپپا ماجىلىسىندە ۋاڭ لۋ، ما شيۋجىن، لۋ كى، جياڭ جياندۇڭ، باساڭجوما، ليۋ چيفاڭ قاتارلى 6 مۇشە جەكە - جەكە سالاماتتىقتى الدىمەن دامىتۋ ستراتەگياسىن اتقارۋ، نەگىزگى ساتىنىڭ ەمدەۋ قىزمەت وتەۋ دەڭگەيىن جوعارىلاتۋ، ماتەريال تەحنيكاسىنان قامال الۋدى كۇشەيتۋ، جاڭا ءدارى - دارمەك زەرتتەپ اشۋدى ىلگەرىلەتۋ، ءۇستىرت اۋرۋىنان ساقتانۋ جانە ونى ەمدەۋ، الەۋمەتتىك يگىلىك قايىر - ساحابات ىستەرىن دامىتۋ سياقتىلار جونىندە لەبىز ءبىلدىردى.

كوپشىلىكتىڭ ءسوزىن تىڭداعاننان كەيىن، شي جينپيڭ ماڭىزدى ءسوز سويلەدى. ول كوپشىلىكپەن بىرگە تالقى جۇرگىزىپ، پىكىر - ۇسىنىستاردى تىڭداعانىنا توتەنشە قۋانىشتى ەكەندىگىن ءبىلدىردى. ول جۇڭگو كوممۋنيستىك پارتياسى ورتالىق كوميتەتى اتىنان وسىندا وتىرعان مۇشەلەرگە ءارى جۇڭگو شارۋا - جۇمىسشى دەموكراتيالىق پارتياسىنىڭ، 3 - قىركۇيەك ءىلمي قوعامىنىڭ، ەمدەۋ، ءدارى - دارمەك، دەنساۋلىق ساقتاۋ سالاسىنىڭ، قوعامدىق يگىلىك جانە قوعامدىق قامتاماسىزداندىرۋ سالاسىنىڭ قايراتكەرلەرىنە، قالىڭ ساياسي كەڭەس مۇشەلەرىنە شىنايى سالەم جولدادى.

شي جينپيڭ مىنالاردى اتاپ كورسەتتى: وتكەن ءبىر جىلدا حالىق ساياسي كەڭەسى مىندەتىن مۇقيات اتقارىپ، جاۋاپكەرشىلىگىن ادا ەتىپ، ”15 - بەسجىلدىق“ جوبانى جاساۋ سياقتى جاقتاردى ارقاۋ ەتە وتىرىپ اقىل - كەڭەس بەرىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى. جۇڭگو شارۋا - جۇمىسشى دەموكراتيالىق پارتياسىنىڭ، 3 - قىركۇيەك ءىلمي قوعامىنىڭ ءار دارەجەلى ۇيىمدارى مەن بارشا مۇشەلەرى ۇكىمەت ىسىنە بەلسەنە قاتىناسىپ، كەڭەس بەرىپ، قوعامدىق قىزمەت وتەۋدى ورىستەتىپ، ءتۇرلى قىزمەتتەردە تىڭ تابىستارعا قول جەتكىزدى. ەمدەۋ، ءدارى - دارمەك، دەنساۋلىق ساقتاۋ سالاسىنداعى، قوعامدىق يگىلىك جانە قوعامدىق قامتاماسىزداندىرۋ سالاسىنداعى قايراتكەرلەر سالاماتتى جۇڭگو قۇرۋدىڭ، حالىقتىڭ قۇت - ىرىسىن ارتتىرۋدىڭ جاندى امالياتىنا سانالى تۇردە ات سالىسىپ، تىڭ ىسكەرلىك كورسەتتى.

شي جينپيڭ بىلاي دەپ باسا دارىپتەدى: ەلىمىز − سوتسياليستىك مەملەكەت، جان سانى كولەمى زور، قالا مەن اۋىلدىڭ وڭىرلىك پارقى ءالى دە ءبىرشاما زور وركەندەپ كەلە جاتقان ەل. سالاماتتى جۇڭگو قۇرۋدا، ءسوز جوق، ەلىمىزدىڭ مەملەكەت جاعدايىن شىعار ءتۇيىن ەتۋگە تاباندى بولىپ، جۇڭگوشا دەنساۋلىق ساقتاۋ جانە سالاماتتىقتى دامىتۋ جولىمەن بۇلجىماي ءجۇرىپ، جاڭا داۋىردەگى دەنساۋلىق ساقتاۋ جانە سالاماتتىق قىزمەت باعىتىن بۇلجىتپاي دايەكتىلەندىرۋ كەرەك. جاعدايدىڭ دامۋىنا، وزگەرۋىنە بايلانىستى، دەنساۋلىق ساقتاۋ جانە سالاماتتىق قىزمەتى كەيبىر ناقتى ساياساتتىق شارالاردى ساپالىلاندىرۋدى، كەمەلدەندىرۋدى قاجەت ەتەدى، الايدا، ءتۇبىرلى ماسەلەدە، ءسوز جوق، باستان - اياق سەرگەك بولىپ، ستراتەگيالىق تۇراقتىلىقتى ساقتاۋ كەرەك.

شي جينپيڭ بىلاي دەپ اتاپ كورسەتتى: سالاماتتى جۇڭگو قۇرۋ − جۇيەلى ينجەنەريا. حالىق بۇقاراسىنىڭ كۇن سايىن ارتىپ وتىرعان كوپ نەگىزدى دەنساۋلىق ساقتاۋ، سالاماتتىق قاجەتى الدىندا، ءسوز جوق، ءتۇيىندى كورنەكتىلەندىرىپ، تيىمدىلىك كولەمى كەڭ، بىرەۋى ارقىلى ءبارىن جۇمىلدىراتىن قىزمەتتى مىقتى يگەرىپ، الەۋمەتتىك دەنساۋلىق ساقتاۋ جۇيەسىن اقاۋسىزداندىرۋ، ساپالى، جوعارى ءونىمدى ەمدەۋ قىزمەت وتەۋ جۇيەسىن قۇرۋ، اقاۋسىز، وركەنيەتتى تۇرمىس ءتاسىلىن دارىپتەۋ سياقتى جاقتاردا كۇش پەن بايلىقتى شوعىرلاندىرىپ، ءونىمدى شارالار قولدانىپ ىلگەرىلەتىپ، ۇزدىكسىز تىڭ تابىستارعا قول جەتكىزۋ كەرەك.

شي جينپيڭ بىلاي دەپ باسا دارىپتەدى: پارتكوم ءبىر تۇتاس باسشىلىق ەتەتىن، پارتكوم مەن ۇكىمەت تەڭ يگەرىپ، بىرگە باسقاراتىن قىزمەت جاعدايىن اقاۋسىزداندىرىپ، سالاماتتىقتى جەبەۋ ساياسات - ءتۇزىم جۇيەسىن كەمەلدەندىرىپ، سالاماتتى جۇڭگو قۇرىلىسىن پارمەندى قامتاماسىز ەتۋ كەرەك. رەفورمانى ونان ارى تەرەڭدەتىپ، ەمدەۋ، ەمدەۋ قامسىزداندىرۋى، ءدارى - دارمەك ىستەرىن سايكەستى دامىتۋ جانە جونگە سالۋ مەحانيزمىن كەمەلدەندىرۋ كەرەك. عىلىم - تەحنيكادا جاڭالىق اشۋ جەتىستىكتەرىن كادەگە جاراتۋدى، قولدانۋدى ىلگەرىلەتىپ، جالپى حالىقتىڭ سالاماتتىعىن اقىل - پاراساتتىق جۇيەمەن ىستەۋ قۇرىلىسىن ىلگەرىلەتۋ كەرەك. دەنساۋلىق ساقتاۋ، سالاماتتىق سالاسىنداعى پارتيا قۇرىلىسى قىزمەتىن كۇشەيتىپ، بارشا ەمدەۋ قىزمەتكەرلەرىنىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرىپ، دارىندىلاردى تاربيەلەۋ تەبىنىن ارتتىرىپ، تاماشا شيپاگەرلىك ءمورال، شيپاگەرلىك ستيلدى ساۋلەلەندىرىپ، ستيلى پاك، سالتى دۇرىس كاسىپ ورتاسىن كۇش سالا قالىپتاستىرۋ كەرەك.

شي جينپيڭ بىلاي دەپ اتاپ كورسەتتى: سالاماتتى جۇڭگو قۇرۋ تۇتاس قوعامنىڭ بىرگە قۇلشىنۋىن قاجەت ەتەدى. حالىق ساياسي كەڭەسى ارناۋلى كەڭەس قۇرىلىمى بولۋ رولىن ساۋلەلەندىرىپ، نازاردى قاتىستى نازاريالىق جانە امالياتتىق ماسەلەلەرگە شوعىرلاندىرىپ، ىشكەرىلەي تەكسەرۋ - زەرتتەۋ جۇرگىزىپ، ناقتى، جارامدى شارالار مەن ۇسىنىستاردى العا قويۋى كەرەك. جۇڭگو شارۋا - جۇمىسشى دەموكراتيالىق پارتياسىنىڭ، 3 - قىركۇيەك ءىلمي قوعامىنىڭ، ەمدەۋ، ءدارى - دارمەك، دەنساۋلىق ساقتاۋ سالاسىنىڭ، قوعامدىق يگىلىك جانە قوعامدىق قامتاماسىزداندىرۋ سالاسىنىڭ قايراتكەرلەرى كاسىپتىك ابزالدىقتان ويداعىداي پايدالانىپ، اقىل - پاراساتى مەن كۇش - قۋاتىن بەلسەنە ارناۋى كەرەك.

شى تايفىڭ، حى ۋەي، ۋ ۋەيحۋا، شاۋ حۇڭ، ۋاڭ دۇڭفىڭ، ياڭ جىن قاتارلىلار بىرىككەن گرۋپپا ماجىلىسىنە قاتىناستى.

كەلۋ قاينارى: حالىق تورابى