مەملەكەتتىك ساياسي كەڭەس 14 - كەزەكتى كوميتەتىنىڭ 4 - ءماجىلىسى جابىلدى

جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 4 - ءماجىلىسى 3 - ايدىڭ 11 - كۇنى تۇستەن بۇرىن بەيجيڭدەگى حالىق سارايىندا جابىلدى. سۋرەتتە: شي جينپيڭ، لي شياڭ، جاۋ لىجي، ساي چي، ديڭ شۋەشياڭ، لي شي، حان جىڭ ءتوراعالار مىنبەسىنەن ورىن الدى.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 4 - ءماجىلىسى 3 - ايدىڭ 11 - كۇنى تۇستەن بۇرىن بەيجيڭدەگى حالىق سارايىندا جابىلدى. مەملەكەتتىك ساياسي كەڭەستىڭ ءتوراعاسى ۋاڭ حۋنيڭ جابىلۋ جينالىسىن باسقاردى ءارى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

شينحۋا اگەنتتىگى، 3 - ايدىڭ 11 - كۇنى، بەيجيڭ. جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 4 - ءماجىلىسى ءتۇرلى كەڭەستىك تارتىپتەرىن تابىسپەن ورىنداپ، 3 - ايدىڭ 11 - كۇنى تۇستەن بۇرىن حالىق سارايىندا جابىلدى. ءماجىلىس حالىق ساياسي كەڭەسىنە قاتىناسقان ورىندار مەن بارشا ساياسي كەڭەس مۇشەلەرىن شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءبىر جاعادان باس، ءبىر جەڭنەن قول شىعارىپ، ەرلىكپەن العا باسىپ، جۇڭگوشا سوتسياليزم جولىمەن بۇلجىماي ءجۇرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە تىڭ دا اناعۇرلىم زور ۇلەس قوسۋعا ۇندەدى.

ءماجىلىستى مەملەكەتتىك ساياسي كەڭەستىڭ ءتوراعاسى ۋاڭ حۋنيڭ باسقاردى. مەملەكەتتىك ساياسي كەڭەس ءتوراعالارىنىڭ ورىنباسارلارى شى تايفىڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ءتوراعالار مىنبەسىنىڭ الدىڭعى قاتارىنان ورىن الدى.

شي جينپيڭ، لي شياڭ، جاۋ لىجي، ساي چي، ديڭ شۋەشياڭ، لي شي، حان جىڭ ءتوراعالار مىنبەسىنەن ورىن الدى.

تۇستەن بۇرىن ساعات توعىزدا جابىلۋ جينالىسى باستالدى. ۋاڭ حۋنيڭ جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 4 - ماجىلىسىنە قاتىناسۋعا ءتيىستى مۇشە 2125 ادام، ناقتى قاتىناسقانى 2059 ادام، بۇل بەلگىلەمەدەگى ادام سانىنا ۇيلەسەدى دەپ جاريالادى.

ءماجىلىس ساياسي كەڭەس 14 - كەزەكتى مەملەكەتتىك كوميتەتى 4 - ءماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قارارىن، ساياسي كەڭەس 14 - كەزەكتى مەملەكەتتىك كوميتەتى 4 - ءماجىلىسىنىڭ ساياسي كەڭەس 14 - كەزەكتى كوميتەتىنىڭ 3 - ماجىلىسىنەن بەرگى ۇسىنىس جوبا قىزمەتى جاعدايىنان بايانداما جونىندەگى قارارىن، ساياسي كەڭەس 14 - كەزەكتى مەملەكەتتىك كوميتەتى ۇسىنىس جوبا كوميتەتىنىڭ ساياسي كەڭەس 14 - كەزەكتى كوميتەتى 4 - ءماجىلىسىنىڭ ۇسىنىس جوبالاردى قاراپ تەكسەرۋ جاعدايى جونىندەگى بايانداماسىن، ساياسي كەڭەس 14 - كەزەكتى مەملەكەتتىك كوميتەتى 4 - ءماجىلىسىنىڭ ساياسي قارارىن ماقۇلدادى.

ۋاڭ حۋنيڭ سوزىندە بىلاي دەدى: مەملەكەتتىك ساياسي كەڭەس 14 - كەزەكتى كوميتەتىنىڭ 4 - ءماجىلىسى تۋدى بيىك ۇستاعان، زەيىن - زەردەنى، كۇش - قۋاتتى شوعىرلاندىرعان، شىندىققا جۇگىنىپ، ەكپىندەي ىلگەرىلەگەن، ستيلى پاك، سالتى دۇرىس ءماجىلىس بولىپ، بارشا ساياسي كەڭەس مۇشەلەرىنىڭ مەملەكەت ءۇشىن مىندەت اتقارىپ، حالىق ءۇشىن جاۋاپكەرشىلىگىن ادا ەتۋىن جاندى ايگىلەپ، سوتسياليستىك كەڭەستىك دەموكراتيانىڭ وزگەشە ابزالدىعى مەن ومىرشەڭدىك كۇشىن تولىق ايگىلەدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ءماجىلىستىڭ اشىلۋ جانە جابىلۋ جيىندارىنا قاتىناسىپ، ساياسي كەڭەس مۇشەلەرىنە امانداستى ءارى بىرلەسكەن گرۋپپالاردىڭ تالقىسىنا قاتىناسىپ، ساياسي كەڭەس مۇشەلەرىمەن مەملەكەت ءىسىن بىرگە اقىلداستى. ساياسي كەڭەستىڭ بارلىق مۇشەسى ۇكىمەت قىزمەتىنەن بايانداما، ”15 - بەسجىلدىق“ جوبا باعدارلاماسىنىڭ جوباسى مەن باسقا باياندامالاردى مۇقيات تالقىلاپ، ساياسي كەڭەس تۇراقتى كوميتەتىنىڭ قىزمەت بايانداماسى مەن ۇسىنىس جوبا قىزمەتىنىڭ جاعدايى جونىندەگى بايانداما سياقتى قۇجاتتاردى مۇقيات قاراپ، سۇبەلى تابىستارعا قول جەتكىزدى. بارلىق ساياسي كەڭەس مۇشەسى وتكەن ءبىر جىلداعى جانە ”14 - بەسجىلدىق“ مەزگىلىندەگى اسا وزگەشە ءارى ايرىقشا دامۋ بارىسىن، سونداي - اق وڭاي - وسپاق قول جەتپەگەن، ەرەكشە باعالى دامۋ جەتىستىكتەرىن تولىق تانىپ، جاڭا ءداۋىردىڭ جاڭا جورىعىندا جۇڭگو ۇلگىسىندەگى وسىزامانداندىرۋدى ىلگەرىلەتۋ، ەكونوميكانىڭ تەز قارقىنمەن دامۋى جانە قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتىڭ تىڭ داستانىن ۇزدىكسىز جازۋعا اناعۇرلىم زور ۇلەس قوسۋعا بەل بايلادى.

ۋاڭ حۋنيڭ مىنالاردى ءبىلدىردى: 2026 - جىل _ ”15 - بەسجىلدىقتىڭ“ باستاما جىلى، جۇڭگو كوممۋنيستىك پارتياسى ءجۇز ميلليونداعان حالىقتى باستاپ جۇڭگو ۇلگىسىندەگى وسىزامانداندىرۋدىڭ جاڭا جورىعىندا كوكىرەك تولى سەنىممەن العا باسىپ بارادى. حالىق ساياسي كەڭەسى ءوزىنىڭ سيپاتى مەن ورنى جانە مىندەتى مەن بورىشىن تياناق ەتىپ، جۇڭگو كوممۋنيستىك پارتياسىنىڭ باسشىلىعىنا تاباندى بولىپ، نازاريامەن قارۋلانۋدى كۇشەيتىپ، حالىق ساياسي كەڭەسىنىڭ ساياسي ۇيىمدىق رولىن اناعۇرلىم ويداعىداي ساۋلەلەندىرىپ، حالىق ساياسي كەڭەسىنىڭ ۇكىمەت ىسىنە اقىل - كەڭەس بەرۋ رولىن اناعۇرلىم ويداعىداي ساۋلەلەندىرىپ، حالىق ساياسي كەڭەسىنىڭ زەيىن - زەردەنى، كۇش - قۋاتتى شوعىرلاندىرۋ رولىن اناعۇرلىم ويداعىداي ساۋلەلەندىرىپ، ”15 - بەسجىلدىق“ جوبادا جاقسى باستاما اشۋ، جاقسى قادام باسۋ ءۇشىن جۇرت تىلەگىن كەڭىنەن ۇيىستىرۋى، ورتاق تانىم ۇيىستىرۋى، اقىل - پاراسات ۇيىستىرۋى، كۇش - قۋات ۇيىستىرۋى كەرەك. ”15 - بەسجىلدىق“ جوبانىڭ اتقارىلۋىنا قىزمەت وتەۋ مەن دەم بەرۋدى مىندەت اتقارۋدىڭ نەگىزگى جەلىسى ەتىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ قىزمەتتەرىنە ءسىڭىرىپ، نازاردى ەكونوميكالىق، قوعامدىق دامۋداعى كەلەلى ماسەلەلەرگە شوعىرلاندىرىپ، كورەگەندىك زەرتتەۋ مەن ستراتەگيالىق وي جۇگىرتۋدى تەرەڭدەتىپ، جاعدايدىڭ وزگەرىسىن تەكسەرۋگە، ماسەلەنىڭ ءتۇيىنىن تانۋعا، جارامدى شارا قاراستىرۋعا قۇلشىنۋ كەرەك. حالىق ساياسي كەڭەسىنىڭ حالىق ءۇشىن قىزمەت ىستەۋىنە تاباندى بولىپ، حالىققا پايدالى سوزدەردى كوبىرەك سويلەپ، حالىققا ءتيىمدى ىستەردى كوبىرەك ىستەپ، وسىزامانداندىرۋ قۇرىلىسىنىڭ جەتىستىكتەرى ارقىلى جالپى حالىقتى باقىتقا كەنەلتۋدى ىلگەرىلەتىپ، ەل ءىشى - سىرتىنداعى جۇڭحۋا ۇلاندارى جاڭا جورىقتا ەكپىندەي ىلگەرىلەيتىن، جاڭا داۋىرگە ۇلەس قوساتىن قۇدىرەتتى وڭ ەنەرگيانى كەڭىنەن توپتاۋ كەرەك.

ۋاڭ حۋنيڭ مىنالاردى ءبىلدىردى: شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءبىر جاعادان باس، ءبىر جەڭنەن قول شىعارىپ، ەرلىكپەن العا باسىپ، سوتسياليستىك وسىزاماندانعان قۇدىرەتتى ەل قۇرۋدى جاپپاي ىلگەرىلەتۋ جولىندا قاجىماي - تالماي كۇرەس جۇرگىزەيىك.

ۋاڭ ي، يىن لي، ليۋ گوجۇڭ، لي گانجيە، لي شۋلەي، لي حۇڭجۇڭ، حى ليفىڭ، چىن ۋىنچيڭ، چىن جينيڭ، چىن مين - ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، جاڭ شىڭمين، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭجياڭسۇن، شوكىرات زاكىر، ۋ جىڭلۇڭ، چىن ي - چين، جاڭ جۇن، يىڭ يۇڭ قاتارلى باسشى جولداستار دا جابىلۋ جينالىسىنا قاتىناستى.

جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار جابىلۋ جينالىسىنا سىرتتاي قاتىناستى. شەتەلدەردىڭ جۇڭگودا تۇراتىن ەلشىلەرى، شەتەلدەگى حۋاشياۋلار قاتارلىلار ۇسىنىس بويىنشا جابىلۋ جينالىسىنا قاتىناستى.

ءماجىلىس ايبىندى مەملەكەت انىمەن جابىلدى.