جۇڭگو ۇلگىسىندەگى وسىزامانداندىرۋدىڭ جاڭا كارتيناسىن ءبىر نيەتپەن سالايىق (باسماقالا)

ىنتىماق ارقىلى كۇش - قۋاتتى ۇيىستىرىپ، دەموكراتيا ارقىلى اقىل - پاراسات شوعىرلاندىرىلدى، مەملەكەتتىك ساياسي كەڭەس 14 - كەزەكتى كوميتەتىنىڭ 4 - ءماجىلىسى ءتۇرلى كەڭەستىك تارتىپتەرىن تابىسپەن ورىنداپ، 3 - ايدىڭ 11 - كۇنى بەيجيڭدە جەڭىسپەن جابىلدى. ءبىز ءماجىلىستىڭ تابىستى بولعاندىعىن قىزۋ قۇتتىقتايمىز!

بۇل تۋدى بيىك ۇستاپ، زەيىن - زەردەنى، كۇش - قۋاتتى ۇيىستىرعان، شىندىققا جۇگىنىپ، ناقتى ءىس ىستەگەن، ىنتىماقتاسا ەكپىندەي ىلگەرىلەگەن ءماجىلىس بولدى. ءماجىلىس كەزىندە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى قۇرىلتايدىڭ اشىلۋ جانە جابىلۋ ماجىلىسىنە قاتىناسىپ، ماجىلىسكە قاتىناسقان مۇشەلەرگە امانداستى ءارى بىرلەسكەن گرۋپپالاردىڭ تالقىسىنا قاتىناسىپ، كەڭ كولەمدە پىكىر جانە ۇسىنىس تىڭدادى. قالىڭ ساياسي كەڭەس مۇشەلەرى وسكەلەڭ ساياسي جاۋاپكەرشىلىك سەزىمىمەن جانە تاريحي بورىشتىلىق سەزىمىمەن مەملەكەتتىك ساياسي كەڭەس تۇراقتى كوميتەتىنىڭ قىزمەت بايانداماسى مەن ۇسىنىس جوبا قىزمەتىنىڭ جاعدايى جونىندەگى باياندامانى تىڭداپ جانە قاراپ، مەملەكەتتىك 14 - كەزەكتى حالىق قۇرىلتايىنىڭ 4 - ماجىلىسىنە سىرتتاي قاتىناسىپ، ۇكىمەت قىزمەتىنەن باياندامانى جانە باسقا دا قاتىستى باياندامالاردى تىڭداپ جانە تالقىلاپ، ”15 - بەسجىلدىق“ جوبا باعدارلاماسىنىڭ جوباسىن تالقىلاپ، ۇكىمەت ىسىنە اقىل - كەڭەس بەرۋدە بىرىككەن كۇش توپتاپ، مىندەتىن اتقارىپ، جاۋاپكەرشىلىگىن ادا ەتىپ، ۇكىمەت ىسىنە اقىل - كەڭەس بەرۋدە سۇبەلى تابىستارعا قول جەتكىزدى. قۇرىلتايدىڭ تابىستى بولۋى ”15 - بەسجىلدىق“ جوبانىڭ جاقسى باستالۋىن، جاقسى قادام تاستاۋىن ىلگەرىلەتۋگە اقىل - پاراسات پەن كۇش - قۋات ارناپ، ەلىمىزدىڭ تۇتاس بارىسىندا حالىق دەموكراتياسىنىڭ جالىندى ومىرشەڭدىك كۇشى مەن حالىق ساياسي كەڭەسىنىڭ ساياسي ابزالدىعىن تولىق ايگىلەدى.

2026 - جىل جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى، ”15 - بەسجىلدىق“ جوبانىڭ باستالعان جىلى. قۇلاشىن كەڭ جايعان جورىققا قايىرىلا قاراساق، پارتيامىز حالىقتى ىنتىماقتاستىرىپ جانە باستاپ، كۇللى دۇنيەنى جالت قاراتقان دامۋ جەتىستىكتەرىن جاراتتى، اسىرەسە، ”14 - بەسجىلدىق“ جوبا تابىسپەن اياقتادى، ەلىمىزدىڭ ەكونوميكالىق قۋاتى، عىلىم - تەحنيكالىق قۋاتى، مەملەكەت قورعانىسى قۋاتى، جالپىلىق مەملەكەت قۋاتى تىڭ ساتىعا كوتەرىلىپ، پارتيانىڭ 20 - قۇرىلتايىندا بەلگىلەنگەن 2035 - جىلعا بارعاندا سوتسياليستىك وسىزامانداندىرۋ نىساناسىن نەگىزىنەن جۇزەگە اسىرۋعا بەرىك نەگىز قالادى. جۇڭحۋا ۇلتىنىڭ ۇلى گۇلدەنۋى ەشكىم دە بوگەي المايتىن تاريحي اۋقىم ەكەنىن اماليات تالاسسىز دالەلدەدى. سوتسياليستىك وسىزامانداندىرۋدى نەگىزىنەن جۇزەگە اسىرۋدىڭ نەگىزىن بەكەمدەپ، جاپپاي كۇش سالۋدىڭ شەشۋشى كەزەڭىنە قادام تاستاپ، ۇلى جوبانى تاماشا رەالدىققا اينالدىرۋ ءۇشىن، ستراتەگيالىق تۇراقتىلىقتى ساقتاپ، ءسوزسىز جەڭىسكە جەتۋ سەنىمىن كۇشەيتىپ، جويقىن كۇش توپتاپ، نىق قاداممەن العا باسۋىمىز كەرەك. قايراتتى ەرگە باق تۇرادى، تابىسقا جەتۋشى الدىمەن باستايدى. جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، جاڭا دامۋ جاعدايىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، اناعۇرلىم بەلسەندى، ۇتىمدى ماكرولىق ساياسات اتقارىپ، ەكونوميكانىڭ ساپاسىنىڭ ءونىمدى جوعارىلاۋى مەن مولشەرىنىڭ ۇيلەسىمدى ارتۋىن ىلگەرىلەتىپ، قوعامنىڭ جاراسىمدىلىعى مەن ورنىقتىلىعىن ساقتاعاندا، ءسوز جوق، ”15 - بەسجىلدىقتاعى“ تاماشا باستامانى جۇزەگە اسىرۋعا بولادى.

حالىق ساياسي كەڭەسى − جۇڭگو كوممۋنيستىك پارتياسىنىڭ ماركسيزم - لەنينيزمنىڭ بىرلىكساپ نازارياسىن، ساياسي پارتيا نازارياسىن، دەموكراتيالىق ساياسي نازارياسىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋىنىڭ ۇلى جەتىستىگى، جۇڭگو كوممۋنيستىك پارتياسىنىڭ دەموكراتيالىق پارتيا - توپتارعا، پارتيادا، توپتا جوق قايراتكەرلەرگە، حالىقتىق ۇيىمدارعا جانە ءار ۇلت، ءار سالا قايراتكەرلەرىنە باسشىلىق ەتىپ، ساياسي ءتۇزىم جاعىندا جۇرگىزگەن ۇلى جاسامپازدىعى. بولاشاققا كوز جىبەرگەندە، حالىق ساياسي كەڭەسى شي جينپيڭ جاڭا ءداۋىر جۇڭگوشا سوتسياليزم يدەياسىمەن جۇرت تىلەگىن توعىستىرۋعا، رۋحتى سومداۋعا تاباندى بولىپ، پارتيانىڭ باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرى مەن ورنالاستىرۋلارىن جانە حالىق ساياسي كەڭەسى قىزمەتى جونىندەگى تالاپتارىن تياناقتاندىرۋ، ەل ءىشى - سىرتىنداعى جۇڭحۋا ۇلاندارىنىڭ اقىل - پاراساتى مەن كۇش - قۋاتىن ۇيىستىرۋ ساياسي جاۋاپكەرشىلىگىن شىنايى ارقالاپ، جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن اشۋعا تىڭ دا اناعۇرلىم زور ۇلەس قوسۋ كەرەك.

جالپى بارىستىق حالىق دەموكراتياسىن دامىتۋ جۇڭگو ۇلگىسىندەگى وسىزامانداندىرۋدىڭ ماندىك تالابى. جالپى بارىستىق حالىق دەموكراتياسىنىڭ ماڭىزدى قۇرامداس بولەگى رەتىندە، كەڭەستىك دەموكراتيا ەلىمىزدىڭ سوتسياليستىك دەموكراتيالىق ساياسيىنىڭ ەرەكشە فورماسى جانە وزگەشە ابزالدىعى، پارتيانىڭ بۇقارالىق لۋشيانىنىڭ ساياسي سالاداعى ماڭىزدى بەينەسى. ەكپىندەي ىلگەرىلەيتىن ”15 - بەسجىلدىقتا“، دەموكراتيانى ساۋلەلەندىرۋ مەن ىنتىماقتى نىعايتۋدىڭ ءوزارا توعىسۋىنا، ۇكىمەت ىسىنە اقىل - كەڭەس بەرۋ مەن ورتاق تانىمدى ۇيىستىرۋعا قوس باعىتتا كۇش سالۋعا تاباندى بولىپ، حالىق ساياسي كەڭەسىنىڭ سوتسياليستىك كەڭەستىك دەموكراتيانىڭ ماڭىزدى ارناسى جانە ارناۋلى كەڭەس قۇرىلىمى رەتىندەگى رولىن تولىق ساۋلەلەندىرىپ، ىشكەرىلەي كەڭەسۋ، ءوزارا ىقپالداسۋ، پىكىردى تولىق بەينەلەۋ، ورتاق تانىمدى كەڭ كولەمدە ۇيىستىرۋ دەڭگەيىن جوعارىلاتىپ، كەڭەسۋ بارىسىندا ءادىس - امال تاۋىپ، ورتاق تانىمعا كەلىپ، سۇيىسپەنشىلىك ورناتىپ، ىنتىماقتى بولساق، ەلىمىزدىڭ ساياسي ابزالدىعىن، ءتۇزىم ابزالدىعىن مەملەكەتتى جونگە سالۋ ونىمدىلىگى مەن دامۋ ابزالدىعىنا اناعۇرلىم ويداعىداي اينالدىرىپ، جۇڭگو ۇلگىسىندەگى وسىزامانداندىرۋدىڭ جالپى جاعدايىنا ساياتىن ستراتەگيالىق مىندەتتەردە كەلەلى تابىستارعا قول جەتكىزۋدى ىلگەرىلەتۋگە بولادى.

كەزەكتە ەلىمىزدىڭ دامۋى ءدوپ كەلىپ وتىرعان تۇراقسىز، مەجەلەۋ قيىن فاكتورلار كوبەيىپ، بەلگىلەنگەن نىسانانى جۇزەگە اسىرىپ، حاۋىپ - قاتەر مەن سىن - سايىستاردى جەڭىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ ءۇشىن جۇرت تىلەگىن كەڭىنەن ۇيىستىرۋدى، ورتاق تانىمدى، اقىل - پاراساتتى، كۇش - قۋاتتى ۇيىستىرۋدى قاجەت ەتەدى. حالىق ساياسي كەڭەسى پارتيا مەن مەملەكەتتىڭ وزەكتى مىندەتىن تىعىز ارقاۋ ەتىپ، دارىندىلار شوعىرلانعان، اقىل - پاراسات شوعىرلانعان ابزالدىقتى ساۋلەلەندىرىپ، نازاردى ”15 - بەسجىلدىق“ جوبا باعدارلاماسىنىڭ اتقارىلۋىنا شوعىرلاندىرىپ، ۇكىمەت ءىسىن ىشكەرىلەي كەڭەسىپ، بەلسەنە اقىل - كەڭەس بەرىپ، دەموكراتيالىق باقىلاۋ جۇرگىزىپ، وسىزاماندانعان كاسىپ جۇيەسىن قۇرۋ، جەرگىلىكتى جاعدايعا قاراي جاڭا ساپالى وندىرگىش كۇشتەردى دامىتۋ، سالاماتتى جۇڭگو قۇرۋ سياقتى كەلەلى تاقىرىپتاردى كوزدە ۇستاي وتىرىپ، ىشكەرىلەي تەكسەرۋ - زەرتتەۋ جۇرگىزىپ، ناقتى، جارامدى شارالار مەن ۇسىنىستاردى العا قويىپ، جوعارى ساپالى كەڭەسۋ، جوعارى دەڭگەيدە ۇسىنىس قويۋ ارقىلى عىلمي شەشىم جاساۋعا، ءونىمدى شارا قولدانۋعا اناعۇرلىم ويداعىداي قىزمەت ەتىپ، بىرلىكساپتىڭ جۇرت تىلەگىن ۇيىستىرۋ، كۇش - قۋاتتى شوعىرلاندىرۋ ساياسي رولىن ساۋلەلەندىرەتىن قىزمەت مەحانيزمىن كەمەلدەندىرىپ،

مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ەڭ ۇلكەن سەنترلەس شەڭبەرىن كۇش سالا ويداعىداي سىزۋىمىز كەرەك.

كوكتەم ساتىندە جورىققا اتتانىپ، ۇمىتكە قاراي قادام تاستادىق. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، ۇدەرە العا تارتىپ، ەرلىكپەن العا ىلگەرىلەپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتىپ، جۇڭگو ۇلگىسىندەگى وسىزامانداندىرۋدىڭ جاڭا كارتيناسىن ءبىر نيەتپەن سالايىق.