وتاننىڭ بىرلىككە كەلۋى ۇلى ءىسى ىلگەرىلەتىلەدى! ازاتتىق ارميانىڭ ەڭ جاڭا مالىمدەمەسى 

3 – ايدىڭ 10 - كۇنى، 14 – كەزەكتى مەملەكەتتىك حالىق قۇرىلتايى 4 – ءماجىلىسىنىڭ ازاتتىق ارميا جانە قارۋلى ساقشى قوسىنى ۋاكىلدەر ۇيىرمەسىنىڭ اقپارات مالىمدەمەشىسى جاڭ شياۋگاڭ اقپارات قۇرالدارىنىڭ سۇحباتىن قابىلدادى.

ءتىلشى: ۇكىمەت قىزمەتىنەن باياندامادا ”تايۋان دەربەستىگىن“ قۋاتتايتىن بولشەكتەۋشى كۇشتەرگە باتىل سوققى بەرۋ، سىرتقى كۇشتىڭ كيلىگۋىنە قارسى تۇرۋ، ەكى جاعالاۋ قارىم – قاتىناسىنىڭ بەيبىت دامۋىن ىلگەرىلەتۋ، وتاننىڭ بىرلىككە كەلۋى ۇلى ءىسىن ىلگەرىلەتۋ ورتاعا قويىلعان. مالىمدەمەشى بۇل تۋرالى قانداي پىكىر بىلدىرەدى؟

جاڭ شياۋگاڭ مىنانى ءبىلدىردى: بىرلىككە كەلۋ دۇرىس جول ءارى زامان اۋقىمى، ”تايۋان دەربەستىگى“ كەرى تارتقان تۇيىق جول. دەموكراتيانى ىلگەرىلەتۋ پارتياسىنىڭ بيلىك باسىنداعىلارى ”شەتەلگە ارقا سۇيەپ، دەربەستەندىرۋگە “، ”قارۋلى جولمەن دەربەستەندىرۋگە“ ۇرىنىپ، تايۋاندى بىرتە – بىرتە سوعىس حاۋپىنە قاراي يتەرمەلەپ، تايۋان بۇعازىنىڭ قازىرعى جاعدايىنىڭ ەڭ ۇلكەن بۇلدىرۋشىسىنە، تايۋان بۇعازىنىڭ بەيبىتشىلىگى مەن ورنىقتىلىعىن بۇلدىرەتىن پالە قاينارىنا اينالدى. تايۋان جۇرتشىلىعىنىڭ ەڭ كوپ ءۇمىت ەتەتىنى الاڭسىز ءومىر كەشىپ، تىنىش تىرشىلىك ەتۋ، ”تايۋان دەربەستىگىن“ قۋاتتايتىن بولشەكتەۋشى كۇشتەردىڭ سوعىس ارباسىنا بايلانىپ، سوعىس قۇربانىنا اينالۋ ەمەس. ەكى جاعالاۋداعى باۋىرلاستار ”تايۋان دەربەستىگىنە“ قارسى تۇرىپ، سىرتقى كۇشتەردىڭ كيلىگۋىنە قارسى تۇرىپ، وتان بىرلىككە كەلگەن تاماشا بولاشاقتى بىرگە جاراتۋى، ۇلتتىڭ ۇلى گۇلدەنۋىنىڭ ۇلى داڭقىنان بىرگە يگىلىكتەنۋى قاجەت.

ءبىز بەيبىت جولمەن بىرلىككە كەلۋ سىندى كەلەشەككە جەتۋگە شىن پەيىلىمىزبەن، بارىنشا قۇلشىنۋدى تىلەيمىز، الايدا، قارۋلى كۇش قولدانبانۋدان بەزۋگە، استە، ۋادە بەرمەيمىز، بارلىق قاجەتتى شارالاردى قولدانۋ تالعامىن ساقتاپ قالامىز، بۇل ات توبەلىندەي ”تايۋان دەربەستىگىن“ قۋاتتايتىن بولشەكتەۋشى كۇشتەر مەن ولاردىڭ بولشەكتەۋشى ارەكەتتەرىنە جانە سىرتقى كۇشتەردىڭ كيلىگۋىنە باعىتتالادى، مۇنداعى ماقسات — مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋ. ازاتتىق ارميا جاتتىعۋ جاساۋ مەن سوعىسقا دايىندالۋدى تىڭعىلىقتى ورىستەتىپ، جەڭىپ شىعۋ قۋاتىن جالپى بەتتىك جوعارىلاتىپ، ”تايۋان دەربەستىگىن” قۋاتتايتىن بولشەكتەۋشى كۇشتەر مەن سىرتقى كۇشتەردىڭ كيلىگۋ ويىن باتىل تالقانداپ، تايۋان بۇعازى ءوڭىرىنىڭ بەيبىتشىلىگى مەن ورنىقتىلىعىن باتىل قورعايدى.

كەلۋ قاينارى: حالىق تورابى