مەملەكەتتىك حالىق قۇرىلتايى ۋاكىلى ۋاڭ جىن ەمدەلۋدى مەملەكەت بويىنشا ءبىرتۇتاس تىزىمگە الۋ جۇيەسىن قۇرۋ، حالىق جۇرتشىلىعىنىڭ ەمدەلۋدەگى شىعىنىن ازايتۋ جونىندە ۇسىنىس بەردى

مەملەكەتتىك حالىق قۇرىلتايى ۋاكىلى، نانحۋا داشۋەسى دارىگەرلىك شۋەيۋانىنىڭ باستىعى ۋاڭ جىن 3 - ايدىڭ 11 – كۇنى جۇڭگو اقپارات تورابىنىڭ ءتىلشىسىنىڭ سۇحباتىن قابىلداعان كەزدە مىنانى ءبىلدىردى: مەملەكەت حالىق تۇرمىسىنىڭ باي – باقىتتى بولۋىنا وسكەلەڭ ءمان بەرىپ، حالىق جۇرتشىلىعىنىڭ ”ەمدەلۋىنىڭ قيىن بولۋى“ ماسەلەسىن شەشىم ەتۋگە كۇش سالۋدا. ەمدەۋ سالاسىندا ”ساندى مالىمەتتەر ارالى“ قۇبىلىسى ورىن تەۋىپ، حالىق جۇرتشىلىعىنىڭ ەمدەلۋدەگى شىعىنىنىڭ سالىستىرمالى تۇردە جوعارى بولۋىنا جولىقتىرۋدا، مۇنىڭ سەبەبى ءتۇرلى رايوندار، ءتۇرلى ەمحانالار اراسىندا ينفورماتسيالىق ساندى مالىمەتتەردى ءونىمدى ورتاقتاسۋدى ىسكە اسىرۋ قيىنعا سوعۋدا، ءبىرتۇتاس ساندى مالىمەتتەر تىرەگى كەمشىل، ءدارى – دارمەكتى قولدانۋ، قاجەتتى ماتەريالداردى پايدالانۋ جانە جالپى دياگنوز قويۋ - ەمدەۋ ورەسى جونىندە عىلىمي، جان – جاقتى ساراپتاۋ جۇرگىزۋ قيىنعا سوعۋدا.

سوندىقتان، ول مەملەكەت تۇرعىسىنان جەتەكشىلىك ەتۋ ارقىلى ەمدەلۋدى مەملەكەت بويىنشا ءبىرتۇتاس تىزىمگە الۋ جۇيەسىن قۇرۋ، دياگنوز قويۋ - ەمدەۋدىڭ تۇتاس بارىسىنداعى ينفورماتسيالاردىڭ تەگىن تەكتەۋ، ولاردى باقىلاۋ – باسقارۋ مۇمكىندىگىن ىسكە اسىرۋ، وسى نەگىزىندە AI قولدانۋ، ءىرى ساندى مالىمەتتەرگە تالداۋ جاساۋ قاتارلى تاسىلدەردەن پايدالانىپ، ءدارى – دارمەك جانە قاجەتتى ماتەريالدار، سونداي – اق، ەمحانانىڭ دياگنوز قويۋ – ەمدەۋ قۋاتى جونىندە ساراپتاۋ جۇرگىزۋ، حالىق جۇرتشىلىعىنىڭ ەمدەلۋدەگى شىعىنىن ازايتۋ، حالىق جۇرتشىلىعىنىڭ ءومىرى مەن سالاماتتىعىنا ءونىمدى كەپىلدىك ەتۋ جونىندە ۇسىنىس بەرگەن.

كەلۋ قاينارى: حالىق تورابى