سيفرلى ەكونوميكا مەن ناقتى ەكونوميكانىڭ توعىسۋىن بەلسەنە ىلگەرىلەتتى

«حالىق گازەتى»، 3 - ايدىڭ 29 - كۇنى، نانچاڭ (تىلشىلەر ياڭ ي، جوۋ حۋان). ءتىلشىنىڭ جياڭشي ولكەلىك ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىنشا، قازىرگە دەيىن جياڭشي ولكەسىنىڭ كولەمدەنگەن ونەركاسىپ كاسىپورىندارىنىڭ %70 تەن استامى سيفرلاندىرىپ وزگەرىس ەنگىزۋدى اتقارعان. سيفرلاندىرۋ، زەردەلىلەندىرۋ ارقىلى بۇكىل ولكەنىڭ 2025 - جىلعى جاساۋ كاسىبى دامۋىنىڭ جالپىلىق ساپا، ونىمدىلىك كورسەتكىشى تۇڭعىش رەت بۇكىل ەل بويىنشا الدىڭعى 10 ورىنعا ءوتتى.

ءداستۇرلى كاسىپ سالاسى سيفرلى ەكونوميكانىڭ قارىشتاپ دامۋ ورايىن قالاي يگەرەدى؟

”ءداستۇرلى كاسىپ سالاسىن جاڭالاۋدى، دارەجەسىن جوعارىلاتۋدى جەدەلدەتۋ“، ”سيفرلى ەكونوميكا مەن ناقتى ەكونوميكانىڭ توعىسۋىن بەلسەنە ىلگەرىلەتۋ“، باس شۋجي شي جينپيڭنىڭ ىقىلاستى تاپسىرماسى جياڭشيدىڭ كاسىپ سالاسىنىڭ تيبىن وزگەرتىپ، دارەجەسىن جوعارىلاتۋىنا ايقىن بەتالىس كورسەتتى. سوڭعى جىلداردان بەرى جياڭشي قاتىستى مەحانيزمدەردى بەلسەنە ورناتىپ، كاسىپورىنداردىڭ بۇرىلىس جاساعىسى كەلمەۋى، بۇرىلىس جاساۋعا باتىلدىق ەتە الماۋى، بۇرىلىس جاساي الماۋى سياقتى ماسەلەلەردى ءونىمدى شەشىپ، كاسىپورىنداردىڭ زەردەلىلەنۋگە بۇرىلىس جاساۋىن ىلگەرىلەتتى.

باستابىندا جياڭشي شينجيا - ي جاڭا ماتەريال شەكتى سەرىكتەستىگىنىڭ باس جوراسى لي جياڭچۇن زەردەلىلەنۋگە بۇرىلىس جاساۋ ورايىنا نازار اۋدارمادى. كەيىن كەلە ەكى ءىس ونى قاتتى اسەرلەندىردى: زەردەلىلەندىرۋ ۇلگى كاسىپورنى جياڭشي دۇڭفاڭ جۇيلۇڭ حيميا ونەركاسىپ شەكتى سەرىكتەستىگىنە بارىپ ەكسكۋرسيالاپ، وسى كاسىپورىننىڭ 2023 - جىلى تيبىن وزگەرتكەننەن كەيىنگى ءونىم قۇنىنىڭ جىلىنا ورتا ەسەپپەن %20 ارتقاندىعىن؛ 2024 - جىلى تىزبەك يەسى كاسىپورنى جياڭشي لانشيڭشيڭ ۇشقىن ورگانيكالىق كرەمني شەكتى سەرىكتەستىگى سيفرلاندىرىلعان كاسىپ سالاسى تۇعىرىن قۇردى، 170 تەن استام جوعارى، تومەنگى اعارداعى كاسىپورىنداردىڭ ساندى مالىمەتىنەن دەر كەزىندە ورتاق يگىلىكتەندى، شينجيا - ي سەرىكتەستىگى مۇنىڭ ىشىندە ەمەس ەدى.

كوزقاراس وزگەرىپ، ءورىس كەڭەيىپ، قاجىماي - تالماي قۇلشىنۋ ارقىلى شىنجيا - ي سەرىكتەستىگى 2025 - جىلى ءساتتى بۇرىلىس جاسادى. قازىر شينجيا - ي سەرىكتەستىگىنىڭ زەردەلى باسقارۋ - مەڭگەرۋ ورتالىعىنا بارساڭىز 18 اۆتوماتتاندىرىلعان مەڭگەرۋ جۇيەسى سەلبەسىپ جۇمىس جۇرگىزىپ جاتقانىن كورەسىز، ءتۇرلى ءوندىرىس ينفورماتسيالارىن ءبىر كورىپ - اق بىلۋگە بولادى. تيبىن وزگەرتۋدەن بۇرىنعىمەن سالىستىرساڭىز، سەرىكتەستىكتىڭ ءوندىرىس ونىمدىلىگى %25 جوعارىلاپ، ءونىمنىڭ تولىمدىلىق مولشەرى %96.1 تەن %99.6 كە جوعارىلادى.

سيفرلاندىرۋ، زەردەلىلەندىرۋ ارقىلى دامۋداعى قيىن ماسەلەلەردى شەشكەندەردەن جياڭشي جيڭدۇڭ ساۋدا - ونەركاسىپ شەكتى سەرىكتەستىگى دە بار.

تيبىن وزگەرتۋدەن بۇرىن، سەحقا كىرىسىمەن - اق سەرىكتەستىكتىڭ باس ديرەكتورى تاۋ شياۋلياڭنىڭ اشۋى كەلەتىن، 182 بوياۋ ماشيناسى 20 جىلعا جۋىق ىستەتىلگەن، اي سايىن تەكسەرىپ جوندەۋ كەرەك، ”جاڭا جابدىق اۋىستىرسا، وزىندىك قۇنى 60 ميلليون يۋان بولادى، سەرىكتەستىكتىڭ جىلدىق ءونىم قۇنى 150 ميلليون يۋان عانا، بۇل وڭاي - وسپاق ءىس ەمەس!“

وسى تەكتەس ورتا، شاعىن كاسىپورىنداردىڭ تيبىن وزگەرتۋ قارجىسى جەتكىلىكسىز،تەحنولوگياسى ءالسىز، الاڭداۋشىلىق ءبىرشاما كوپ بولۋ سياقتى قيىن تۇيىندەرگە مەڭزەس، جياڭشي ولكەسى ولكە دارەجەلى 26 سيفرلاندىرىپ تيبىن وزگەرتۋدى جەبەۋ ورتالىعىن قۇرىپ، كاسىپ سالاسى تىزبەگىنىڭ سيپاتىن بىلەتىن ءبىر توپ كاسىپتىك قىزمەت وتەۋشى ساۋداگەرلەردى تاربيەلەپ، ءتۇيىندى كاسىپ سالالارىن جاپپاي قامتۋدى نەگىزىنەن جۇزەگە اسىردى. قازىر ءبىر مىڭ 370 قىزمەت وتەۋشى ساۋداگەر 3 مىڭ 400 دەن استام ”شاعىن، تەز، جەڭىل، ءدال“ شەشۋ جوباسى مەن ونىمدەرىن جاريالادى.

ەڭ سوڭىندا قىزمەت وتەۋشى ساۋداگەر جيڭدۇڭ ساۋدا - ونەركاسىپ شەكتى سەرىكتەستىگىنە جوبا ازىرلەدى _ ۇلكەن قۇرىلىس جۇرگىزبەي، زەردەلى مودەل، G5 باسقارۋ تۇعىرىن ورناتىپ، بۇرىنعى جابدىقتاردىڭ دارەجەسىن جوعارىلاتتى. قازىر جۇمىسشىلار تەك كنوپكانى جەڭىل عانا باسىپ، بارلىق گۇل باسۋ - بوياۋ جۇمىس ءتارتىبىن جۇيە مەڭگەرەدى. ”جالپى قوسىلعان قارجى 6 ميلليون يۋاننان استى، اينالىم وزىندىك قۇنى %30 ۇنەمدەلدى، ال جىلدىق ءونىم قۇنى 200 ميلليون يۋاننان استى“ دەدى تاۋ شياۋلياڭ بۇعان ءدان ريزا بولىپ.

ۇلگى كورسەتىپ جەتەكشىلىك ەتىپ، بۇرىلىس جاساعىسى كەلمەۋ نىسايىن وزگەرتتى؛ تۇرگە ءبولىپ دياگنوز قويىپ، بۇرىلىس جاساۋعا باتىلدىق ەتە الماۋ كەدەرگىلەرىن الاستادى؛ كاسىپورىنعا قاراي شارا قولدانىپ، بۇرىلىس جاساي الماۋ قيىنشىلىقتارىن شەشتى. جياڭشي ولكەسى مەملەكەت دارەجەلى 7 ”سيفرلى جول باستاۋشى“ كاسىپورىندارىندى، 300 ولكە دارەجەلى”سيفرلى زاۆودتاى“ جەتىلدىرىپ، ”ۇلگى كورسەتۋ، ۇلگى ۇيرەنۋ“ قيمىلىنىڭ قامتۋ كولەمى 10 مىڭ رەتتەن استى. سيفرلانعان، زەردەلىلەنگەن تيپكە بۇرىلىس جاساۋ نەگىزىن بەكەمدەدى، جياڭشي ولكەسى 13 كاسىپتە ”كاسىپ سالاسى ۇلكەن ميىن“ قۇردى ءارى سيفرلانعان ”ەمدەۋ ورنىن“ سايكەستىرىپ، جيىنى 4 مىڭ 700 دەن استام كاسىپورىنعا قىزمەت وتەدى.

ءونىمدى بازار مەن تىندىرىمدى ۇكىمەتتى ۇشتاستىرۋعا تاباندى بولعان جياڭشي ولكەسى كاسىپورىندارعا قاراي ساياسات بەلگىلەپ، كاسىپورىندارعا قاراي شارا قولدانىپ، ءتىپتى دە كوپ ءداستۇرلى كاسىپورىنداردىڭ جاڭا، كونە قوزعاۋشى كۇشتەردىڭ الماسۋى ارقىلى دامۋ كومەسكى كۇشىن جانداندىرۋىن ىلگەرىلەتتى. 2025 - جىلى جياڭشي ولكەسى سيفرلاندىرىپ جاڭالاعاننان كەيىنگى كولەمدەنگەن ونەركاسىپ كاسىپورىندارىنىڭ ءونىمىنىڭ ناشار بولۋ شاماسى ورتا ەسەپپەن %16.5، اينالىم وزىندىك قۇنى %16.1، 10 مىڭ يۋاندىق ءونىم قۇنىنىڭ جالپىلىق ەنەرگيا جۇمسالىمى %18.1، سيفرلاندىرىپ تۇرلەندىرۋدىڭ وزگەرتىلگەن كاسىپورىن ونەركاسىبىنىڭ ارتۋىنا قوسقان ۇلەسى %22.9 بولدى.

”’15 - بەسجىلدىق‘ جوسپار باعدارلاماسىندا ’سيفرلاندىرۋ، زەردەلىلەندىرۋ، تيبىن وزگەرتۋدى جەبەۋ تورابىن قۇرىپ، ورتا، شاعىن كاسىپورىنداردىڭ سيفرلاندىرۋ، اقىل - پاراسات جاعىنان قىزمەت وتەۋ جۇيەسىن كەمەلدەندىرۋ‘ ورتاعا قويىلدى“. جياڭشي ولكەلىك ونەركاسىپ جانە ينفورماتسيالاندىرۋ مەڭگەرمەسىنىڭ باستىعى يىڭ جيۇڭ بىلاي دەپ تانىستىردى: بيىل جياڭشي ولكەسى سيفرلاندىرۋ، زەردەلىلەندىرۋ، جاڭالاۋ اياق الىسىن جەدەلدەتىپ، ءتۇيىندى كاسىپ سالالارى شوعىرىندا كولەمدەنگەن كاسىپورىنداردى جاپپاي قامتۋعا كۇش سالادى. بۇدان سىرت، ونەركاسىپ ينتەرنەتىندە جاڭالىق اشۋ ينجەنەرياسىن اتقارىپ، سيفرلى ەكونوميكانىڭ وزەكتى كاسىپ سالاسىنىڭ ارتقان قۇنىنىڭ وڭىرلىك ءوندىرىس جالپى ءونىم قۇنىنداعى سالىستىرماسىن %9.5 اينالاسىنا جەتكىزۋگە كۇش سالامىز.

”جاساۋ كاسىبىن سيفرلاندىرىپ، زەردەلىلەندىرىپ تۇرلەندىرۋ _ وسىزاماندانعان كاسىپ سالاسى جۇيەسىن ورناتۋدىڭ ماڭىزدى كىرىسۋ ءتۇيىنى. ءبىز باس شۋجي شي جينپيڭ نۇسقاعان بەتالىستى بويلاپ، تىزبەك پەن شوعىر بىرگە بىرگە بۇرىلىس جاساۋعا تاباندى بولىپ، سان - سيفر ارقىلى قۋات ۇستەۋدى كۇشەيتىپ، زەردەلى جاساۋ جابدىقتارى مەن جۇمساق بولشەكتەرىن كۇش سالا جالپىلاستىرىپ جانە قولدانىپ، كاسىپورىنداردىڭ جەكە تۇيىندەردى جاڭالاۋدان جالپى بارىستاعى شارىقتاۋعا ءوتۋىن ىلگەرىلەتىپ، كاسىپ سالاسىنىڭ زەردەلىلەنۋ، جاسىلدانۋ، توعىسا دامۋ دەڭگەيىن ۇزدىكسىز جوعارىلاتامىز“ دەدى جياڭشي ولكەلىك پارتكومنىڭ شۋجيى يىن حۇڭ.

كەلۋ قاينارى: حالىق تورابى