ەلىمىز بويىنشا تۇڭعىش رەت حالىقارالىق ساۋدا ىستەرىن جاراستىرۋ شۋەيۋانى قۇرىلدى 

3 - ايدىڭ 27 – كۇنى، حيلۇڭجياڭ ولكەلىك ءادىليا مەڭگەرمەسى حيلۇڭجياڭ ولكەلىك وقۋ – اعارتۋ مەڭگەرمەسىمەن، حاربين ساۋدا داشۋەسىمەن جانە حيلۇڭجياڭ ولكەلىك جاراستىرۋ بىرلەستىگىمەن بىرگە قۇرعان بۇكىل ەلىمىز بويىنشا تۇڭعىش رەتكى حالىقارالىق ساۋدا ىستەرىن جاراستىرۋ شۋەيۋانى رەسمي قۇرىلدى.

شەتەلگە ەسىكتى اشىق ۇستاۋدىڭ ىشكەرىلەي ورىستەتىلۋىنە بايلانىستى، حالىقارالىق ساۋدا سالاسىنداعى تالاس - تارتىستى شەشۋدىڭ قاجەتتىلىگى كۇن سايىن كوكەيتەستى بولا ءتۇستى. اتالعان شۋەيۋاندى قۇرۋداعى ماقسات — شەتەلگە قاتىستى ساۋدا ىستەرىن جاراستىرۋ جاعىنداعى دارىندىلاردىڭ كەمشىل بولۋى سىندى ولقىلىقتى تولىقتاۋ، سولتۇستىككە قاراي ەسىكتى اشىق ۇستاۋدىڭ جاڭا بەلەسىن قۇرۋ جاعىندا قىزمەت وتەۋ. شۋەيۋان ”جۇڭگولىق – شەتەلدىك قوس جەتەكشى ورنالاستىرۋ، دارەجەگە ءبولىپ جەتىلدىرۋ“ فورماسىن جاڭالىق اشا ورنالاستىرىپ، ءداستۇرلى زاڭ عىلىمى مەن ساۋدا عىلىمى اراسىنداعى ءپان شەكتەمەسىن بۇزىپ، زاڭ عىلىمىمەن تەحنولوگيا، ەكونوميكا اراسىنداعى ايقاسپالى زەرتتەۋدى تەرەڭدەتەدى، تولىق كۋرس – ماگيسترانتۋرا – دوكتورانتۋرا دەڭگەيىندەگى وقىتۋ توعىستىرىلعان، قوس ديپلومدىق وقىتۋ تۇزىمىمەن بىرلەستىرىپ تاربيەلەۋ جاڭا مەحانيزمى جاعىندا ىزدەنىس جاسايدى.

شۋەيۋان نەگىزىنەن ماعلۇماتتىق وقۋ – اعارتۋ، شەتەلگە قاتىستى ساۋدالىق ىستەردى جاراستىرۋ جاعىنداعى دارىندىلاردى جەتىلدىرۋ جانە حالىقارالىق ساۋدالىق ىستەردى جاراستىرۋ جاعىندا عىلىمي زەرتتەۋ جۇرگىزۋ قىزمەتىن ورىستەتەدى، 9 – ايدان باستاپ ماعلۇماتتىق وقۋ – اعارتۋ بويىنشا وقۋشى قابىلداۋ قىزمەتىنە كىرىسەدى. وقۋشىلار وقۋ بىتىرگەننەن كەيىن ساۋدالىق ىستەردى جاراستىرۋ ۇيىمدارى، تورەلىك ايتۋ قۇرىلىمدارى قاتارلى زاڭدىق قىزمەت وتەۋ ورىندارىنا بارىپ، شەتەل ازاماتتارىنا قاتىستى ساۋدا ىستەرىندەگى تالاس - تارتىستاردى شەشىم ەتۋ قىزمەتىمەن شۇعىلدانادى.

(باس ستانسيا ءتىلشىسى جاڭ يشيڭ)

كەلۋ قاينارى: حالىق تورابى