وڭتۇستىك شايقاس رايونى، جۇڭگو تەڭىز ساقشىلارى جاۋاپ قايتاردى

جۇڭگو حالىق ازاتتىق ارمياسى وڭتۇستىك شايقاس رايونى جۇڭگونىڭ حۋاڭيان ارالى قاراستىلىعىنداعى تەڭىز ايدىنى مەن اۋە كەڭىستىگىندە جانە ماڭىنداعى وڭىردە شايقاسقا دايىندالۋ سيپاتىنداعى شارلاۋدى ۇيىمداستىردى

3 - ايدىڭ 29 – كۇنى، جۇڭگو حالىق ازاتتىق ارمياسى وڭتۇستىك شايقاس رايونى تەڭىز – اۋە اسكەري كۇشتەرىن ۇيىمداستىرىپ، جۇڭگونىڭ حۋاڭيان ارالىنىڭ قاراستىلىعىنداعى تەڭىز ايدىنىندا، اۋە كەڭىستىگىندە جانە ماڭىنداعى تەڭىز ايدىنى مەن اۋە كەڭىستىگىندە شايقاسقا دايىندالۋ سيپاتىنداعى شارلاۋدى ورىستەتكەن. حۋاڭيان ارالى — ەجەلدەن بەرى جۇڭگونىڭ تەرريتورياسى. 3 – ايدان بەرى، شايقاس رايونىنداعى قوسىنداردىڭ تەڭىز – اۋە اسكەري كۇشتەرى حۋاڭيان ارالىنا قاراستى تەڭىز ايدىنى مەن ماڭىنداعى تەڭىز ايدىنىندا، اۋە كەڭىستىگىندە شارلاۋ – كۇزەتۋ، ەسكەرتۋ قىزمەتىن ۇزدىكسىز كۇشەيتىپ، زاڭ – تۇزىمگە ساي وكشەلەي باقىلاۋ، ەسكەرتۋ بەرىپ قۋالاۋ قاتارلى شارالاردى اتقارىپ، ۇقىققا سۇعاناقتىق جاساۋ، ارانداتۋ قاتارلى ءتۇرلى ارەكەتتەرگە پارمەندى دە ءونىمدى جاۋاپ قايتارىپ، مەملەكەتتىڭ يەلىك ۇقىعى مەن حاۋىپسىزدىگىن باتىل قورعادى، نانحاي تەڭىزىنىڭ بەيبىتشىلىگى مەن ورنىقتىلىعىن قورعادى.

جۇڭگو تەڭىز ساقشىلارى جۇڭگونىڭ حۋاڭيان ارالىنا قاراستى تەڭىز ايدىنى مەن ماڭىنداعى وڭىردە زاڭدى اتقارۋ سيپاتتى شارلاۋ جۇرگىزدى

3 - ايدىڭ 29 – كۇنى، جۇڭگو تەڭىز ساقشىلارى جۇڭگونىڭ حۋاڭيان ارالىنا قاراستى تەڭىز ايدىنى مەن ماڭىنداعى وڭىردە زاڭ اتقارۋ سيپاتتى شارلاۋ جۇرگىزدى. 3 – ايدان بەرى، جۇڭگو تەڭىز ساقشىلارى حۋاڭيان ارالىنا قاراستى تەڭىز ايدىنى مەن ماڭىنداعى وڭىردە زاڭ اتقارۋ سيپاتتى شارلاۋ جۇرگىزۋدى ۇزدىكسىز كۇشەيتىپ، زاڭسىز تۇردە ۇقىققا سۇعاناقتىق جاساعان كەمەلەردى زاڭ – تۇزىمگە ساي ءبىرجاقتى ەتىپ، قاتىستى تەڭىز الابىن باسقارۋ – تەجەۋدى ونان ارى كۇشەيتىپ، مەملەكەتتىڭ تەرريتوريالىق يەلىك ۇقىعى مەن تەڭىز – مۇحيتتاعى ۇقىق – مۇددەسىن باتىل قورعادى.

كەلۋ قاينارى: حالىق تورابى