وقۋ – اعارتۋ مينيسترلىگى: ورتا مەكتەپ ەمتيحانىنىڭ ساڭلاعى، ايگىلى مەكتەپكە ءوتۋ مولشەرى، جوعارىلاپ وقۋ مولشەرى جونىندە ۇگىت جۇرگىزۋگە قاتاڭ تيىم سالىنادى

شينحۋا اگەنتتىگىنىڭ 3 – ايدىڭ 27 – كۇنى بەيجيڭنەن بەرگەن حابارى. ءتىلشىنىڭ 3 – ايدىڭ 27 – كۇنى وقۋ – اعارتۋ مينيسترلىگىنەن ۇعىسۋىنشا، «نەگىزدىك وقۋ – اعارتۋدى ارناعا ءتۇسىرىپ باسقارۋ، بەكەمدەۋ جىلى قيمىلىن ورىستەتۋ جونىندەگى ۇقتىرۋدى» تاياۋدا باسىپ تاراتىپ، 20 ءتۇرلى ۇنامسىز تىزىمدىكتى ورتاعا قويعان، مۇندا جوعارىلاپ وقۋ شاماسى نەمەسە ەمتيحان ناتيجەسى ارقىلى مەكتەپتەردى باعالاۋعا، رەتكە تۇرعىزۋعا، وقىتۋشىلاردى قاتارعا تۇرعىزىپ، سيلاۋ – جازالاۋعا، ورتا مەكتەپ ەمتيحانىنىڭ ساڭلاعى، ايگىلى مەكتەپكە ءوتۋ مولشەرى، جوعارىلاپ وقۋ مولشەرىن ۇگىتتەۋگە، مەكتەپ اۋلاسىنا ”جوعارى مەكتەپ وقۋشى قاينارى بازاسى“ دەگەن ماڭدايشالىقتى نەمەسە باسقا دا شىرعالاۋ سيپاتتى جوعارىلاپ وقۋ ۇراندارىن ىلۋگە قاتاڭ تيىم سالدى.

ۇقتىرۋدا مىنالار ورتاعا قويىلدى: جەر – جەر، مەكتەپتەر مىندەتتى وقۋ – اعارتۋدىڭ اشىق وقۋشى قابىلداۋىن تەرەڭدەتىپ، كلاسقا تەپە – تەڭ ءبولۋدى ىلگەرىلەتىپ، ادەتتەگى ورتا مەكتەپتەرگە قاراستى جەردە وقۋشى قابىلداۋدى تياناقتاندىرىپ، شارتقا ۇيلەسەتىن بىرگە جۇرگەن پەرزەنتتەرىنىڭ بارعان جەرىندە تەڭ تۇرعىدا ءبىلىم الۋىن قامتاماسىزداندىرىپ، وقۋ – اعارتۋدىڭ ادىلدىگىنە قايشى وقۋشى قابىلداۋ ساياساتى مەن ءادىسىن تۇزەتەدى، اداقتايدى؛ ”–كورنەۋ - كومەس ساباق كەستەسى“، مەرەكە، دەمالىس كۇندەرى بەلگىلەمەگە قايشى ساباق تولىقتاۋ، الدىن الا وقۋ باستاۋ، دەمالىستى كەشەۋىلدەتۋ قاتارلى ارەكەتتەردى ۇزدىكسىز جونگە سالىپ، ەمتيحاننىڭ جيىلىگىن قاتاڭ تىزگىندەپ، وقىتۋ قوسىمشا ماتەريالدارىن مەكتەپ اۋلاسىنا ەنگىزۋدى باسقارۋدى ارناعا ءتۇسىرىپ، وقۋشىلاردىڭ وقۋ اۋىرتپالىعىنىڭ ەرەكشە اۋىر بولۋىن جەڭىلدەتەدى.

جەر - جەردە جارىققا شىققان بەلگىلەمەگە قايشى مەكتەپ اشۋداعى جاڭا جاعداي، جاڭا ماسەلەلەرگە قاراتا، ۇقتىرۋدا ۇنامسىز تىزىمدىك جاعىندا بالالار باقشاسىنىڭ باستاۋىش مەكتەپ ساتىسىنداعى ساباق مازمۇنىن الدىن الا ۇيرەتۋىنە قاتاڭ تيىم سالىنادى؛ وقىتۋشىلاردىڭ اقىلى ساباق تولىقتاۋىنا نەمەسە تىكەلەي تارتىلىمدا تارتۋ ۇسىنۋ، ءبىلىم اقىسىن تولەۋ قاتارلى جولدارمەن اتا – انالاردان ءتۇسىن وزگەرتىپ اقشا الۋىنا قاتاڭ تيىم سالىنادى؛ ورتا، باستاۋىش مەكتەپ وقۋشىلارىن دەنە، اقىل - وي جاقتارىنان جەتىلۋ زاڭدىلىعىنا قايشى، جاس ەرەكشەلىگىنە ۇيلەسپەيتىن ساۋدالىق قيمىلدارعا، جارىس تۇرىندەگى قيمىلدارعا قاتىناسۋعا ۇيىمداستىرۋعا نەمەسە وقۋشىلاردىڭ ەرىكتى قىزمەت وتەۋ ەستەلىگىندە كوز بوياۋشىلىق ىستەۋ، ساۋدالاۋ ۋاقىتى ۇزاق بولۋ قاتارلى ارەكەتتەرگە قاتىناسۋعا قاتاڭ تيىم سالىنادى.

بۇدان سىرت، ۇقتىرۋدا تاعى مىنالار تالاپ ەتىلدى: جەر - جەر، مەكتەپتەر مەكتەپ اۋلاسىنىڭ حاۋىپسىزدىك حاۋىپ - قاتەرىنەن ساقتانۋ جانە شۇعىل جاعدايعا توتەپ بەرۋ، ءبىر جاقتى ەتۋ مەحانيزمىن كەمەلدەندىرىپ، مەكتەپ اۋلاسى مەن توڭىرەگىندەگى حاۋىپسىزدىك حاۋىپ - قاتەرلەرىنىڭ كومەسكى قاتەرىن مەرزىم بويىنشا ءبىر - بىرلەپ تەكسەرىپ، دەر كەزىندە رەتتەپ - تۇزەتىپ، تياناقتاندىرىپ، قوعامدىق ىستەردى مەكتەپ اۋلاسىنا كىرگىزۋدەگى ”اق تىزىمدىك” ءتۇزىمىن ىشكەرىلەي تياناقتاندىرىپ، مەكتەپ اۋلاسىنا كىرۋ قيمىلدارىن ارناعا ءتۇسىرىپ، وقىتۋشىلاردىڭ وقۋ - اعارتۋعا جاتپايتىن وقىتۋ اۋىرتپالىعىن شىنايى جەڭىلدەتۋ كەرەك.

كەلۋ قاينارى: حالىق تورابى