وقۋ – اعارتۋ مينيسترلىگى: وقۋشىلاردى وقىتۋ قوسىمشا ماتەريالدارىن، وقۋ قۇرالدارىن جانە مەكتەپ كيىمىن ساتىپ الۋعا ماجبۇرلەۋگە قاتاڭ تيىم سالىنادى

3 – ايدىڭ 27 – كۇنى، وقۋ – اعارتۋ مينيسترلىگىنەن ۇعىسۋعا قاراعاندا، «نەگىزدىك وقۋ – اعارتۋدى ارناعا ءتۇسىرىپ باسقارۋ، بەكەمدەۋ جىلى قيمىلىن ورىستەتۋ جونىندەگى ۇقتىرۋ» تاياۋدا باسىپ تاراتىلىپ، 20 ءتۇرلى ۇنامسىز تىزىمدىك ورتاعا قويىلعان، تىزىمدىك مىنالاردى انىق بەلگىلەدى:

وقۋلىقتى بەلگىلەمەگە قايشى تاڭداپ ىستەتۋگە، وقىتۋ قوسىمشا ماتەريالدارىن بەلگىلەمەگە قايشى تۇردە الۋعا نەمەسە وقۋشىلاردى ءارقانداي فورمامەن بەلگىلەنگەن ارنا ارقىلى كىتاپ، ەلەكتروندىق ءونىم، وقىتۋ قوسىمشا ماتەريالدارى، جازۋ قۇرالدارى قاتارلىلاردى ساتىپ الۋعا ماجبۇرلەۋگە، شىرعالاۋعا قاتاڭ تيىم سالىنادى.

مەكتەپ كيىمىن تاڭداپ ساتىپ الۋعا قاتىستى بەلگىلەمەلەرگە قايشىلىق جاساپ، مەكتەپ كيىمىن ءماجبۇري ساتىپ الۋعا، مەكتەپ كيىمىن ساتىپ الۋدان پايدالانىپ پايدا تابۋعا، بۇقارانىڭ مۇددەسىنە زيان جەتكىزۋگە قاتاڭ تيىم سالىنادى.

مەكتەپتەردىڭ اقى الۋدى باسقارۋ بەلگىلەمەسىنە قايشىلىق جاساپ، اقى الۋ تۇرلەرىن ءوز بەتىمەن كوبەيتۋىنە، اقى الۋ ولشەمىن جوعارىلاتۋىنا، اقى الۋ كولەمىن كەڭەيتۋىنە، وقۋشىلارعا تاراتىلعان ءتۇرلى قارجىلاردى ۇستاپ قالۋىنا، يەمدەنىپ الۋىنا، باسقاعا جۇمساۋىنا قاتاڭ تيىم سالىنادى.

كەلۋ قاينارى: حالىق تورابى