شي جينپيڭ تەلەگرامما جولداپ ساسوۋدىڭ كونگونىڭ (براززاۆيل) زۇڭتۇڭى بولىپ ءۇرتىس تاعايىندالعاندىعىن قۇتتىقتادى

شينحۋا اگەنتتىگى، 3 - ايدىڭ 30 - كۇنى، بەيجيڭ. 3 - ايدىڭ 30 - كۇنى مەملەكەت ءتوراعاسى شي جينپيڭ دني ساسوۋ - نگسوعا تەلەگرامما جولداپ، ونىڭ كونگو رەسپۋبليكاسىنىڭ زۇڭتۇڭى بولىپ ءۇرتىس تاعايىندالعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن كونگونىڭ ءداستۇرلى دوستىعى تەرەڭ. تاياۋ جىلداردان بەرى ەكى ەلدىڭ ساياسي سەنىمدىلىگى ۇزدىكسىز بەكەمدەلىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى باتىل قولداپ، ءار سالاداعى سەلبەستىكتە سۇبەلى تابىستارعا قول جەتكىزدى. ەكى ەل جۇڭگو - افريكا سەلبەستىك تالقى مىنبەرىنىڭ ورتاق ءتوراعا ەلى مىندەتىن قول ۇستاسا اتقارىپ، جۇڭگو - افريكا قارىم - قاتىناسىنىڭ دامۋى مەن وڭتۇستىك - وڭتۇستىك سەلبەستىگىن جەبەۋدە جەتەكشىلىك رول اتقاردى. مەن جۇڭگو - كونگو قارىم - قاتىناسىنىڭ دامۋىنا ايرىقشا ءمان بەرەمىن، ساسوۋ زۇڭتۇڭمەن بىرگە قۇلشىنىپ، جۇڭگو مەن كونگونىڭ جوعارى دەڭگەيلى تاعدىرلاس ورتاق تۇلعاسىنىڭ مازمۇنىن ۇزدىكسىز بايىتىپ، جاڭا داۋىردەگى جۇڭگو - افريكا تاعدىرلاس ورتاق تۇلعاسىن قۇرۋعا اناعۇرلىم زور ۇلەس قوسۋدى قالايمىن.

كەلۋ قاينارى: حالىق تورابى