جۇڭگو كوممۋنيستىك پارتياسى ورتالىق كوميتەتى مەن باس شۋجي شي جينپيڭ جۇڭگو گومينداڭ پارتياسىنىڭ ءتوراعاسى جىڭ ليۋىننىڭ ۇيىرمە باستاپ ساپارلاي كەلۋىن قارسى الاتىندىقتارىن ءبىلدىردى ءارى ۇسىنىس ەتتى

«حالىق گازەتى»، 3 - ايدىڭ 30 - كۇنى، بەيجيڭ (ءتىلشى جاڭ شو). جۇڭگو كوممۋنيستىك پارتياسى ورتالىق كوميتەتىنىڭ تايۋان قىزمەتى كەڭسەسى 3 - ايدىڭ 30 - كۇنى مىنالاردى ءبىلدىردى: جۇڭگو گومينداڭ پارتياسىنىڭ ءتوراعاسى جىڭ ليۋىن مىندەتكە وتىرعاننان بەرى ۇلى قۇرلىققا ساپارلاي كەلۋدى ءۇمىت ەتۋ تىلەگىن تالاي رەت ءبىلدىردى. گومينداڭ مەن كوممۋنيستىك پارتيانىڭ قارىم - قاتىناسى مەن ەكى جاعالاۋ قارىم - قاتىناسىنىڭ بەيبىت دامۋىن ىلگەرىلەتۋ ءۇشىن، جۇڭگو كوممۋنيستىك پارتياسى ورتالىق كوميتەتى مەن باس شۋجي شي جينپيڭ ءتوراعا جىڭ ليۋىندى جۇڭگو گومينداڭ پارتياسىنىڭ ساپار ۇيىرمەسىن باستاپ 4 - ايدىڭ 7 - كۇنىنەن 12 - كۇنىنە دەيىن جياڭسۋ، شاڭحاي، بەيجيڭگە كەلىپ ەكسكۋرسيالاۋعا، ساپاردا بولۋىن قارسى الاتىندىقتارىن ءبىلدىردى ءارى ۇسىنىس ەتتى.

جۇڭگو كوممۋنيستىك پارتياسى ورتالىق كوميتەتى تايۋان ىستەرى كەڭسەسى مىنانى ءبىلدىردى، گومينداڭ جاقپەن ءتوراعا جىڭ ليۋىننىڭ ساپارلاي كەلۋ ىستەرى جونىندە پىكىرلەسىپ، ۇيلەسىمدى ورنالاستىرۋ جاسايمىز.

«حالىق گازەتى»، 3 - ايدىڭ 30 - كۇنى، تايبەي (ءتىلشى ۋ ياميڭ). جۇڭگو گومينداڭ پارتياسى ءتوراعاسىنىڭ كەڭسەسى 3 - ايدىڭ 30 - كۇنى مىنالاردى ءبىلدىردى: جۇڭگو كوممۋنيستىك پارتياسى ورتالىق كوميتەتى مەن باس شۋجي شي جينپيڭ ءتوراعا جىڭ ليۋىندى ۇيىرمە باستاپ ۇلى قۇرلىققا ساپارلاي بارۋعا ۇسىنىس ەتتى، ءتوراعا جىڭ ليۋىن بۇعان العىس ايتتى ءارى ۇسىنىستى قۋانا قابىلدادى. ەكى پارتيانىڭ بىرگە قۇلشىنىپ، ەكى جاعالاۋ قارىم - قاتىناسىنىڭ بەيبىت دامۋىن ىلگەرىلەتىپ، ەكى جاعالاۋدىڭ اۋىس - كۇيىس سەلبەستىگىن جەبەپ، تايۋان بۇعازىنىڭ تىنىشتىعى ءۇشىن جوبا جاساپ، حالىق تۇرمىسىنا باقىت جاراتۋىن ءۇمىت ەتەمىز.

كەلۋ قاينارى: حالىق تورابى