دۇرىس ناتيجە كوزقاراسىن ورناتايىق جانە امالياتتا ايگىلەيىك

شينحۋا اگەنتتىگى، 3 - ايدىڭ 31 - كۇنى، بەيجيڭ. 4 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 7 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «دۇرىس ناتيجە كوزقاراسىن ورناتايىق جانە امالياتتا ايگىلەيىك» اتتى ماڭىزدى ماقالاسى جاريالانادى. بۇل _ باس شۋجي شي جينپيڭنىڭ 2012 - جىلى 12 - ايدان 2026 - جىلى 2 - ايعا دەيىنگى قاتىستى ماڭىزدى بايىمداۋلارىنىڭ قىسقارتىلعانى.

ماقالادا مىنالار باسا دارىپتەلدى: ناتيجە كوزقاراسى ماسەلەسى ءتۇبىرلى ماسەلە، ول جالپى ءۇشىن پارتيا قۇرۋعا، حالىق ءۇشىن بيلىك جۇرگىزۋگە سايادى. تاماشا ناتيجە ارقىلى پارتيا مەن مەملەكەت ىستەرىنىڭ دامۋىن ۇزدىكسىز ىلگەرىلەتىپ، حالىققا باقىت جاراتقاندا عانا، پارتيانىڭ نەگىزگى ماقساتىن ويداعىداي امالياتتا ايگىلەۋگە، پارتيانىڭ تاريحي بورىشىن ويداعىداي ورىنداۋعا بولادى. ءىس جۇزىندىكتى شىعار ءتۇيىن ەتۋگە، ءىستى زاڭدىلىق بويىنشا ىستەۋگە تاباندى بولىپ، عىلمي شەشىم جاساۋ جانە ناقتى ىستەۋ، قاجىرلىلىقپەن ىستەۋ ارقىلى اماليات پەن تاريحتىڭ سىنىنان وتە الاتىن، حالىققا شىنايى باقىت جاراتاتىن، بۇقارا جاپپاي مويىندايتىن ناتيجە جاراتۋ كەرەك.

ماقالادا مىنالار اتاپ كورسەتىلدى: دۇرىس ناتيجە كوزقاراسىن ورناتۋدا جانە امالياتتا ايگىلەۋدە شەشۋشى رول اتقاراتىنى پارتيالىلىق. پارتيالىلىقتىڭ كۇشتى - السىزدىگىن ولشەيتىن ءتۇبىرلى ولشەم جالپىلىق، جەكەلىك دەگەن ەكى ءسوز. پارتيالىلىعى كۇشتى بولىپ، جەكە باسىنىڭ قامىن ويلاۋدان ارىلعاندا عانا، ناتيجە كوزقاراسىندا اعاتتىق تۋىلماۋىنا كەپىلدىك ەتۋگە بولادى. ءار دارەجەلى باسشى كادرلار پارتيانىڭ بورىشى مەن مىندەتىن جۇزەگە اسىرۋدى شىعار ءتۇيىن ەتىپ، دۇرىس ناتيجە كوزقاراسىن ورناتىپ جانە امالياتتا ايگىلەپ، ءوزىنىڭ يدەياسى مەن ارەكەتىنىڭ كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىنان الشاقتاعان - الشاقتاماعاندىعىنا، بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى ماقساتىنا قايشى كەلگەن - كەلمەگەندىگىنە، پارتيانىڭ لۋشيان، باعىت - ساياساتتارى مەن پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىنان الشاقتاعان - الشاقتاماعاندىعىنا، مەملەكەت جاعدايى مەن ءوز رايونىنىڭ، ءوز تاراۋىنىڭ ءىس جۇزىندىگىنەن قول ۇزگەن - ۇزبەگەندىگىنە قاراپ، ەڭبەك ماعان جازىلماسا دا بولادى، ەڭبەك سىڭىرۋدە مەن بولماسام بولمايدى دەيتىن رۋحاني دەڭگەيمەن جۇڭگو ۇلگىسىندەگى وسىزامانداندىرۋدى بار ىنتا - پەيىلىمەن ىلگەرىلەتۋى كەرەك.

ماقالادا مىنالار اتاپ كورسەتىلدى: كوممۋنيستەر، ءسوز جوق، حالىقتى باقىتقا كەنەلتۋدىڭ ەڭ ۇلكەن ناتيجە ەكەندىگىن ەستە بەرىك ساقتاۋى كەرەك. ءىس ىستەپ، ناتيجە جاراتۋداعى ماقسات جەكە ادامنىڭ تابىسى مەن ساتسىزدىگى ەمەس، قايتا حالىققا باقىت جاراتۋ. قىزمەتتى جوسپارلاپ ىلگەرىلەتۋدە، ءسوز جوق، بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى ماقساتىنا، حالىقتى وزەك ەتكەن دامۋ يدەياسىنا، حالىق ءۇشىن دامۋعا، دامۋدا حالىققا سۇيەنۋگە، دامۋ جەتىستىكتەرىنەن حالىقتى ورتاق يگىلىكتەندىرۋگە تاباندى بولىپ، يگى ىستەردى، ناقتى ىستەردى بۇقارانىڭ جۇرەگىنە ۇيالاتۋ كەرەك. حالىق ءۇشىن ناتيجە شىعارۋعا، ناقتى ىستەۋ ارقىلى ناتيجە شىعارۋعا تاباندى بولۋ كەرەك، ناتيجەگە تالپىنۋ جاعىندا وڭاي ولجا تابۋعا، كوز بوياۋشىلىق ىستەۋگە، كورسوقىرلىق ىستەۋگە بولمايدى، جاڭا ءمانساپتىلاردىڭ كونە ەسەپتى ەلەمەۋىن جانە ”وبراز ينجەنەرياسىن“، ”ناتيجە ينجەنەرياسىن“ تيۋ كەرەك.

ماقالادا مىنالار باسا دارىپتەلدى: جوعارى ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى، جوعارى ساپالى دامۋعا تاباندى بولۋ باسشى كادرلاردىڭ ناتيجە كوزقاراسىنىڭ ماڭىزدى مازمۇنىنا اينالۋى كەرەك. جاڭا دامۋ ۇستانىمىن تولىق، دۇرىس، جاپپاي دايەكتىلەندىرۋ، جوعارى ساپالى دامۋدى كۇش سالا ىلگەرىلەتۋ سىندى تالاپتى ءبىر دارەجە ءبىر دارەجە بويىنشا تياناقتاندىرۋ كەرەك، دۇرىس ناتيجە كوزقاراسى بولماسا، ءىستىڭ ءونىمى بولمايدى. ورنىقتىلىق پەن ىلگەرىلەۋدىڭ، ورناتۋ مەن كۇشىنەن قالدىرۋدىڭ، جالعاندىق پەن شىنايىلىقتىڭ، ولشەم مەن نەگىزدىڭ، جاقىن مەن الىستىڭ قاتىناسىن ويداعىداي ءبىر جاقتى ەتىپ، تومەنگى شەكتە ويلاۋعا تاباندى بولىپ، حاۋىپ - قاتەر تانىمىن كۇشەيتىپ، جاڭا دامۋ ۇستانىمىن ەكونوميكالىق، قوعامدىق دامۋدىڭ تۇتاس بارىسىنا سانالى تۇردە ءسىڭىرۋ كەرەك. جوعارى ساپالى دامۋدى ىلگەرىلەتۋدىڭ قىزمەت ناتيجەسىن تەكسەرۋ، باعالاۋ ءادىسىن كەمەلدەندىرىپ، قولباسشىلىق تاياقشاسىنىڭ رولىن ويداعىداي ساۋلەلەندىرىپ، ءار دارەجەلى باسشىلىق القالارىنىڭ دۇرىس قىزمەت ناتيجەسى كوزقاراسىن مۇقيات امالياتتا ايگىلەۋىن ىلگەرىلەتىپ، دۇرىس قىزمەت بەتالىسىن شىنايى قالىپتاستىرۋ كەرەك. پارىقتى باعالاۋ - باعا بەرۋ جۇيەسىن كەمەلدەندىرىپ، باعالاۋدىڭ باعىتتامالىلىعى مەن عىلميلىعىن جوعارىلاتىپ، ”سان - سيفر ارقىلى ءمانساپتى شىعۋ، ءمانساپتىدان سان - سيفر شىعۋ“ سىندى ءتيىمسىز اينالىستىڭ تۋىلۋىنان ساقتانۋ كەرەك.

ماقالادا مىنالار اتاپ كورسەتىلدى: بيىل ”15 - بەسجىلدىقتىڭ“ باستاما جىلى، جەرگىلىكتى ءار دارەجەلى باسشىلىق القالارى ىركەس - تىركەس كەزەك اۋىستىرادى، ۇيرەنۋ تاربيەسى ارقىلى ءار دارەجەلى باسشىلىق القالارى مەن باسشى كادرلاردىڭ دۇرىس ناتيجە كوزقاراسىن ورناتۋىن جانە امالياتتا ايگىلەۋىن ىلگەرىلەتۋ توتەنشە ماڭىزدى، وتە قاجەتتى. ۇيرەنۋ تاربيەسىن بيىلعى پارتيا قۇرىلىسىنىڭ ماڭىزدى مىندەتى ەتىپ، ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك. ءبىرىنشى، يدەيالىق تانىمدى مۇقيات، تىڭعىلىقتى جوعارىلاتۋ كەرەك. بۇكىل پارتياداعى جولداستار، اسىرەسە، ءار دارەجەلى باسشى كادرلار ناتيجە كوزقاراسىنىڭ پارتيا مەن مەملەكەت ىستەرىنىڭ دامۋىنداعى ماڭىزدىلىعىن نازاريالىق جانە امالياتتىق جاقتان جەتە تانۋى، اسىرەسە، ۇنامدى - ۇنامسىز جاقتارداعى تيپتەرمەن سالىستىرىپ، تاجىريبە - ساباقتاردى تەرەڭ قابىلداپ، پارتيالىلىق ساناسىن جوعارىلاتىپ، پارتيا مەن حالىققا وسكەلەڭ جاۋاپتى بولۋ پوزيتسياسىمەن دۇرىس ناتيجە كوزقاراسىن ورناتۋ جانە امالياتتا ايگىلەۋ يدەيالىق سانالىلىعى مەن ارەكەت سانالىلىعىن كۇشەيتۋى كەرەك. ەكىنشى، كورنەكتى ماسەلەلەردى مۇقيات، تىڭعىلىقتى رەتتەۋ - تۇزەتۋ كەرەك. ”جالپى ءۇشىن پارتيا قۇرۋ، حالىققا باقىت جاراتۋ، عىلمي شەشىم جاساۋ، شىنايى يگەرىپ، ناقتى ىستەۋ“ جالپى تالابىن دايەكتىلەندىرۋدى تىعىز ارقاۋ ەتىپ، ۇيرەنۋ، تەكسەرۋ، تۇزەتۋدى ءبىر تۇتاس ىلگەرىلەتىپ، ماسەلەنى تەكسەرىپ انىقتاپ، ءدال تاۋىپ، رەتتەۋ - تۇزەتۋدى دالمە - ءدال، ناقتى يگەرۋ كەرەك. ءۇشىنشى، ءتۇزىم مەن قاعيدانى مۇقيات، تىڭعىلىقتى ورناتۋ كەرەك. وسى رەتكى ۇيرەنۋ تاربيەسىندە تەكسەرىپ تۇزەتىلگەن ماسەلەلەردەن تۇزىمدەگى ولقىلىقتاردى، جەتەرسىزدىكتەردى، ءالسىز بۋىنداردى بايقاپ، ءتۇزىم قاعيداسىن شىن مانىندە تولىقتاپ، ورناتىپ، نەنى ىستەي الامىز، نەنى ىستەي المايمىز، كىم ءۇشىن ىستەيمىز، قالاي ىستەيمىز دەگەندى بارىنشا ايقىنداۋ، سونداي - اق جاۋاپقا تارتۋ ءادىسىن سايكەستى كەمەلدەندىرىپ، ءتۇزىمدى قاتايتىپ، جەتەكتەۋ، شابىتتاندىرۋ، ارناعا ءتۇسىرۋ، تەجەۋ رولىن تولىق ساۋلەلەندىرۋ كەرەك.

كەلۋ قاينارى: حالىق تورابى