20 - كەزەكتى استانانى جوبالاۋ - قۇرىلىستاندىرۋ كوميتەتىنىڭ جەتىنشى جالپى ءماجىلىسى بەيجيڭدە اشىلدى

شينحۋا اگەنتتىگى، 3 - ايدىڭ 31 - كۇنى، بەيجيڭ. 20 - كەزەكتى استانانى جوبالاۋ - قۇرىلىستاندىرۋ كوميتەتىنىڭ جەتىنشى جالپى ءماجىلىسى 3 - ايدىڭ 31 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، استانانى جوبالاۋ كوميتەتىنىڭ مەڭگەرۋشىسى ساي چي ماجىلىسكە قاتىناستى ءارى ءسوز سويلەدى.

ءماجىلىس مىنالاردى اتاپ كورسەتتى: بيىل _ ”15 - بەسجىلدىقتىڭ“ باستاما جىلى، باس شۋجي شي جينپيڭ بەيجيڭدە قىزمەت تەكسەردى ءارى ماڭىزدى ءسوز سويلەدى، بۇل جاڭا داۋىردەگى استانانىڭ دامۋىن ىلگەرىلەتۋدە ماڭىزدى مانگە يە. باس شۋجي شي جينپيڭنىڭ بەيجيڭ جونىندە سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، استانانى جوبالاۋ - قۇرىلىستاندىرۋ قىزمەتىن جوعارى ولشەممەن، جوعارى ساپامەن ويداعىداي ىستەپ، ”ءتورت ورتالىق“ يقۋات قۇرىلىسىن كۇشەيتىپ، ”ءتورت قىزمەت وتەۋ“ دەڭگەيىن جوعارىلاتىپ، پارتيا مەن مەملەكەت قىزمەتىنىڭ كەلەلى جاعدايىنا اناعۇرلىم ويداعىداي قىزمەت وتەۋ كەرەك.

ءماجىلىس مىنالاردى تالاپ ەتتى: بەيجيڭ قالاسىنىڭ ستراتەگيالىق ورنىن تياناقتاندىرىپ، نازاردى استانانىڭ فۋنكتسياسىنا شوعىرلاندىرىپ، جوعارى ساپالى دامۋ بەتالىسىن بەرىك ورناتىپ، ورتالىقتىڭ اكىمشىلىك ىستەر فۋنكتسياسىنىڭ ورنالاسۋىن ۇزدىكسىز ساپالىلاندىرىپ، ورتالىقتىڭ اكىمشىلىك ىستەر ورتاسىن جاقسارتۋ كەرەك. بەيجيڭ - تيانجين - حىبەيدىڭ سايكەستى دامۋىن ونان ارى ىلگەرىلەتىپ، بەيجيڭنىڭ بەياستانالىق فۋنكتسيالارىن تارتىپپەن سەيىلتىپ، وسىزاماندانعان استانا شەڭبەرىنىڭ كەڭىستىك سەلبەستىك جوباسىن اتقارۋدى مىقتى يگەرىپ، جالپىلىق قىزمەت وتەۋ شەڭبەرى، فۋنكتسيالىق شەڭبەر، كاسىپ سالاسى سەلبەستىك شەڭبەرى قۇرىلىسىن ءبىر تۇتاس ىلگەرىلەتىپ، حىبەي شيۇڭ - ان جاڭا رايونى قۇرىلىسىنا قولداۋ كورسەتۋ كەرەك. حالىق قالاسى ۇستانىمىن امالياتتا ايگىلەپ، نەگىزگى الەۋمەتتىك قىزمەت وتەۋ جۇيەسىن اقاۋسىزداندىرىپ، حالىق بۇقاراسىنىڭ مۇڭ - مۇقتاجى ماسەلەسىن شىنايى شەشۋ كەرەك. ەرەكشە ءىرى قالالاردى جونگە سالۋدىڭ وسىزاماندانۋ دەڭگەيىن جوعارىلاتىپ، وسىزاماندانعان جالپىلىق قاتىناس جۇيەسىن ورناتىپ، مادەني مۇرالاردى بوساتۋ مەن اشىق پايدالانۋدى ىلگەرىلەتىپ، قالانى جاڭالاۋ كەرەك. جالپى تۇلعالىق مەملەكەت حاۋىپسىزدىگى كوزقاراسىن ىشكەرىلەي دايەكتىلەندىرىپ، جالپىلىق قورعانۋدى كۇشەيتىپ، يكەمدى قالا قۇرىپ، ءتۇرلى حاۋىپسىزدىك حاۋىپ - قاتەرىنەن ءونىمدى ساقتانىپ جانە ونى شەشىپ، استانانىڭ حاۋىپسىزدىگى مەن ورنىقتىلىعىن قورعاۋ كەرەك.

ءماجىلىس مىنالاردى باسا دارىپتەدى: استانانى جوبالاۋ كوميتەتىنە مۇشە ورىندار دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن ىشكەرىلەي ورىستەتىپ، ”ەڭبەك ماعان جازىلماسا دا بولادى، ەڭبەك سىڭىرۋدە مەن بولماسام بولمايدى“ دەيتىن رۋحاني ورەمەن استانانىڭ جوبانى تۇبەگەيلى جاساۋىن ىلگەرىلەتىپ، ناقتى ىستەۋ ارقىلى امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجە جاراتۋ كەرەك.

ءماجىلىس «استانانى جوبالاۋ، قۇرىلىستاندىرۋ كوميتەتىنىڭ 2026 - جىلعى قىزمەت تۇيىندەرى» سياقتى قۇجاتتاردى قاراپ ماقۇلدادى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، استانانى جوبالاۋ كوميتەتىنىڭ مەڭگەرۋشىسى يىن لي ءماجىلىستى باسقاردى. استانانى جوبالاۋ كوميتەتى مەڭگەرۋشىسىنىڭ ورىنباسارلارى، كوميتەت مۇشەلەرى قاتارلىلار ماجىلىسكە قاتىناستى.

كەلۋ قاينارى: حالىق تورابى