مەملەكەتتىك كەڭەستىڭ ازىق - تۇلىك حاۋىپسىزدىگى كوميتەتىنىڭ كەڭسەسى، بازاردى باقىلاۋ - باسقارۋ باس مەڭگەرمەسى، كەدەن باس مەڭگەرمەسى تەكشەلىك 3 كاسىپورىننىڭ جاۋاپتىلارىن شاقىرىپ اڭگىمەلەستى 

4 - ايدىڭ 2 - كۇنى، مەملەكەتتىك كەڭەستىڭ ازىق - تۇلىك حاۋىپسىزدىگى كوميتەتىنىڭ كەڭسەسى، بازاردى باقىلاۋ - باسقارۋ باس مەڭگەرمەسى، كەدەن باس مەڭگەرمەسى جۇڭگو ورتالىق راديو ستانسياسى مەن ورتالىق تەلەۆيزياسى حابارلاعان شەكارا اتتاعان ەلەكتروندىق ساۋدا تەكشەسىنىڭ يمپورت ەتىلگەن ”يوۋسى – ي“ قۋاتتىق ونىمدەرىن بەلگىلەمەگە قايشى ساۋدالاۋىنا قاتىستى ماسەلە بويىنشا دوۋين، تيانماۋ، شياۋحۇڭشۋ سىندى تەكشەلىك 3 كاسىپورىندى شاقىرىپ اڭگىمەلەسكەن. قاتىستى تەكشەلىك كاسىپورىنداردان «جۇڭحۋا حالىق رەسپۋبليكاسىنىڭ ۇيلەسىمسىز باسەكەگە قارسى تۇرۋ زاڭى»، «جۇڭحۋا حالىق رەسپۋبليكاسىنىڭ تۇتىنۋشىلاردىڭ ۇقىق - مۇددەسىن قورعاۋ زاڭى»، «جۇڭحۋا حالىق رەسپۋبليكاسىنىڭ ازىق - تۇلىك حاۋىپسىزدىگى زاڭى» قاتارلى زاڭ - تۇزىمدەردەگى بەلگىلەمەلەرگە قاتاڭ بويسۇنۋدى، نەگىزگى تۇلعالىق جاۋاپكەرشىلىگىن قاتاڭ تياناقتاندىرۋدى، تەكشە ىشىندەگى شەكارا اتتاعان ەلەكتروندىق ساۋدا كاسىپورىندارىن تەكسەرۋدى كۇشەيتۋدى، تەكشە ىشىندە ساتىلاتىن تاۋارلاردى باسقارۋدى كۇشەيتۋدى، جارامسىز ينفورماتسيالاردى ءبىرجاقتى ەتۋ تەبىنىن كۇشەيتۋدى، تۇتىنۋشىلاردىڭ كەڭەس سۇراۋ، شاعىم ايتۋ، اشكەرەلەۋ ارنالارىن ىركىلىسسىزدەندىرۋدى، تۇتىنۋشىلاردىڭ زاڭدى ۇقىق - مۇددەسىن شىنايى قورعاۋدى، كاسىپ سالاسىنىڭ جۇيەلى، اقاۋسىز، ءتارتىپتى دامۋىن جەبەۋدى تالاپ ەتكەن.

كەلۋ قاينارى: حالىق تورابى