تۇتىنۋ بۇيىمدارىنىڭ كونەسىن جاڭاسىنا اۋىستىرۋعا قولداۋ كورسەتۋ ءۇشىن اسا ۇزاق مەرزىمدىك ارناۋلى مەملەكەتتىك زايومنان 62 ميلليارد 500 ميلليون يۋان بەرىلدى 

پارتيا ورتالىق كوميتەتى مەن مەملەكەتتىك كەڭەستىڭ ”ەكىنى جاڭالاۋ“ ساياساتىن اتقارۋدى جاقسارتۋ تۋرالى شەشىمدەرى مەن ورنالاستىرۋلارىن مۇقيات، دايەكتى تياناقتاندىرۋ ءۇشىن، مەملەكەتتىك دامۋ – رەفورما كوميتەتى قازىنا مينيسترلىگى قاتارلى تاراۋلارمەن بىرگە تۇتىنۋ بۇيىمدارىنىڭ كونەسىن جاڭاسىنا اۋىستىرۋعا قولداۋ كورسەتۋ كولەمىن، قوسىمشا قاراجات بەرۋ ولشەمىن جانە اتقارۋ مەحانيزمىن ويداعىداي جاقسارتتى جانە كەمەلدەندىردى، اسا ۇزاق مەرزىمدى ارناۋلى مەملەكەتتىك زايوم قاراجاتىن دەر كەزىندە جەرگىلىكتى ورىندارعا ءبولىپ، تۇتىنۋ بۇيىمدارىنىڭ كونەسىن جاڭاسىنا اۋىستىرۋ ساياساتىنىڭ ونىمدىلىگىن ۇزدىكسىز كورنەكتىلەندىرۋگە دەم بەردى.

جاقسارتىلعان ساياساتتىق ورنالاستىرۋ بويىنشا، جەر - جەر تۇتىنۋ بۇيىمدارىنىڭ كونەسىن جاڭاسىنا اۋىستىرۋ تۇزىمدىك جوباسىن بەلسەندى تۇردە كەمەلدەندىرىپ، سالالار بويىنشا قاراجاتتى تەڭگەرىمدى پايدالانۋ جوسپارىن جاسادى، وتباسىلىق ەلەكتر بۇيىمدارى، سيفرلى جانە زەردەلى بۇيىمدار سياقتى سالالاردا قاراجاتتى الدىن الا تاراتىپ، ساۋدالاۋشى كاسىپورىنداردىڭ الدىن الا قاراجات تولەۋ قىسىمىن جەڭىلدەتتى، تۇتىنۋ بۇيىمدارىنىڭ كونەسىن جاڭاسىنا اۋىستىرۋ قىزمەتىنىڭ جالپى ءتارتىبى اناعۇرلىم ورنىقتى بولىپ، قوسىمشا قاراجاتتىڭ ىنتالاندىرۋ اسەرى ونان ارى جوعارىلادى. جىل باسىنان بەرى، بۇكىل ەلىمىز بويىنشا تۇتىنۋ بۇيىمدارىنىڭ كونەسىن جاڭاسىنا اۋىستىرۋعا ساياتىن ساتىلىم سوماسى 433 ميلليارد 200 ميلليون يۋاننان اسىپ، 60 ميلليون 930 مىڭ ادام (رەت) تيىمدىلىككە كەنەلگەن، 1 –، 2 - ايداعى قوعامدىق تۇتىنۋ بۇيىمدارىنىڭ بولشەك ساتىلىم سوماسىنىڭ جيىنتىعى وتكەن جىلعى وسى مەزگىلدەگىدەن 2.8 پايىز ارتقان، وتكەن جىلعى 12 ايداعىدان 1.9 پايىز تەزدەگەن.

جۋىردا مەملەكەتتىك دامۋ – رەفورما كوميتەتى قازىنا مينيسترلىگىمەن بىرگە بيىلعى ەكىنشى توپتاعى 62 ميلليارد 500 ميلليون يۋان اسا ۇزاق مەرزىمدى ارناۋلى مەملەكەتتىك زايوم قاراجاتىن جەرگىلىكتى ورىندارعا دەر كەزىندە ءبولىپ، جەرگىلىكتى ورىنداردىڭ تۇتىنۋ بۇيىمدارىنىڭ كونەسىن جاڭاسىنا اۋىستىرۋ ساياساتىن ۇزدىكسىز ورنىقتى جانە ءتارتىپتى ورىستەتۋىنە قولداۋ كورسەتكەن. كەلەسى قادامدا، قاتىستى تاراۋلار جەرگىلىكتى ورىندارعا جەتەكشىلىك ەتىپ، قىزمەت ءتارتىبىن ۇيلەسىمدى مەڭگەرىپ، قاراجاتتى پايدالانۋ جوسپارىن ويداعىداي جاقسارتادى جانە كەمەلدەندىرەدى، قاراجاتتى باقىلاۋدى كۇشەيتىپ، قوسىمشا قاراجات الۋ ءوتىنىشى مەن قاراجاتتى تەكسەرۋدى ارناعا ءتۇسىرىپ، قوسىمشا قاراجات بەرۋ ونىمدىلىگىن جوعارىلاتىپ، قوسىمشا قاراجاتتى الداپ الۋ، ”الدىمەن باعانى جوعارىلاتىپ، ونان سوڭ قوسىمشا قاراجات بەرۋ“ قاتارلى ارەكەتتەرگە ارناۋلى تەكسەرۋ – جونگە سالۋ قىزمەتىن ورىستەتۋ ارقىلى ساياساتتىڭ اتقارىلۋ ونىمدىلىگىن ۇزدىكسىز جوعارىلاتادى.

كەلۋ قاينارى: حالىق تورابى