جەتى ادام زاڭسىز تۇردە 120 مىڭ يۋان پايداعا كەنەلگەن 

ورتالىق تەلەۆيزيا تورابىنىڭ حابارى: قوعام حاۋىپسىزدىگى مەكەمەسىنىڭ ينتەرنەت حاۋىپسىزدىگى تاراۋىنىڭ حابارلاۋىنشا، جۋىردا شيامىن قالالىق ينتەرنەت حاۋىپسىزدىگى تاراۋى قىزمەت بارىسىندا بىرەۋلەردىڭ ءمالىم تەكشەدەگى ءمالىم قوسىمشا قاراجات ساياساتىنان پايدالانىپ زاڭسىز ارەكەت ىستەگەنىن بايقاعان. ساقشىلار مۇقيات تەكسەرۋ جۇرگىزىپ، جالعان ساۋدا جاساۋ تاسىلىمەن تەكشەدەن قوسىمشا قاراجات الداپ الاتىن قىلمىستىق تىزبەكتى ءبىر – بىرلەپ انىقتاپ شىققان.

سۇي X حاۋ ءمالىم ەلەكتروندىق ساۋدا تەكشەسىنىڭ قىزمەتكەرى بولىپ، وسى تەكشەنىڭ ءمالىم تۇردەگى قوسىمشا قاراجات ساياساتىنا قانىق بولاتىن. زاڭسىز پايداعا قول جەتكىزۋ ءۇشىن، سۇي X حاۋ دوسى جاۋ X ۋەيمەن بىرگە ءبىر توپ ادام جالداپ، جالعان ساۋدا جاساۋ تاسىلىمەن 2025 – جىلى 7 – ايدان بەرى جيىنى 5000 نان استام جالعان تاپسىرىس جاساپ، تەكشەنىڭ دۇكەندەرگە بەرەتىن قوسىمشا قاراجاتىنان 120 مىڭ يۋاننان استام قاراجاتتى الداپ العان، ونىڭ بۇل ارەكەتى سىرتتاي قاراعاندا ”جولىن تاۋىپ پايداعا كەنەلگەندەي“ كورىنگەنمەن، ءىس جۇزىندە، زاڭسىز ارەكەتكە جاتادى. دەلوعا قاتىستى بۇلتارتپاس دالەل – ىسپاتتاردى قولعا كەلتىرگەننەن كەيىن، شيامىن ساقشى جاعى تور جيۋ ارەكەتىن جەدەل ورىستەتىپ، دەلوعا قاتىستى سۇي X حاۋ، جاۋ X ۋەي قاتارلىلار قامتىلعان 7 ادامدى بىردەن تۇتقىندايدى، سول جەردەن قىلمىس وتكىزۋگە پايدالانعان قولفون، كومپيۋتەر قاتارلى جابدىقتارىن انىقتاپ قولعا تۇسىرەدى.

قازىر، سۇي X حاۋ مەن جاۋ X ۋەي الدامكوستىك ىستەۋ قىلمىسىن وتكىزۋ كۇمانىنا شاتىلىپ، سول جەردەگى قوعام حاۋىپسىزدىگى ورگاندارى تاراپىنان ولارعا زاڭ بويىنشا قىلمىستىق ىستەرگە ساي ماجبۇرلەۋ شارالارى قولدانىلعان، ساقشى جاق الدامكوستەردىڭ قالتاسىنا تۇسكەن 100 مىڭ يۋاننان استام قاراجاتتى كاسىپورىنعا قايتارىپ الىپ بەرگەن، دەلو ىشكەرىلەي تەكسەرىلۋدە.

كەلۋ قاينارى: حالىق تورابى