ايرىلعان مۇناي باعاسى جىل باسىنان بەرى تۇڭعىش رەت تومەندەۋى مۇمكىن! قۇرىلىمدار مۇناي باعاسى زور مولشەردە تولقۋلى كۇيدە بولادى دەپ مەجەلەدى 

جۇڭگو اقپارات تورابى ەكونوميكا ارناسى 4 – ايدىڭ 21 – كۇنى حابارلايدى (ۋاڭ يۇڭلى) ەل ىشىندەگى جاڭا كەزەكتى ايرىلعان مۇنايدىڭ باعاسىن رەتتەۋ تەرەزەسى 4 – ايدىڭ 21 – كۇنى ساعات 24 تە اشىلادى. قۇرىلىمداردىڭ كوزقاراسىن جيناقتاۋعا قاراعاندا، وسى كەزەكتە ايرىلعان مۇناي باعاسىن تومەندەتۋ ىقتيمالدىعى زور.

وسىدان بۇرىن، تومەنگى تىزبەكتەگى پايدالانۋشىلاردىڭ اۋىرتپالىعىن جەڭىلدەتۋ ءۇشىن، مەملەكەت ايرىلعان مۇناي باعاسىنا رەتتەۋ - تەجەۋ شاراسىن ۇزدىكسىز ەكى كەزەك قولدانعان بولاتىن.

ناقتىلاي ايتقاندا، 3 – ايدىڭ 23 - كۇنى مەملەكەتتىك دامۋ - رەفورما كوميتەتى مىنانى بىلدىرگەن: حالىقاراداعى مۇناي باعاسىنىڭ قالىپسىز جوعارىلاۋ سوققىسىن باسەڭدەتۋ، تومەنگى تىزبەكتەگى پايدالانۋشىلاردىڭ اۋىرتپالىعىن جەڭىلدەتۋ، ەكونوميكانىڭ ورنىقتى اينالىمىنا جانە قوعامداعى حالىق تۇرمىسىنا كەپىلدىك ەتۋ ءۇشىن، قازىرگى باعا مەحانيزمىنىڭ قۇرىلىمىن ساقتاي وتىرىپ، ەل ىشىندەگى ايرىلعان مۇناي باعاسىنا ۋاقىتشا رەتتەۋ - تەجەۋ شاراسى قولدانىلادى. قازىرگى باعا مەحانيزمى بويىنشا ەسەپتەگەندە، 3 – ايدىڭ 23 – كۇنى ەل ىشىندەگى بەنزين، ديزەل مايىنىڭ (ولشەمدى ءونىم) ءار تونناسىنىڭ باعاسى جەكە - جەكە 2205 يۋان، 2120 يۋان جوعارىلاۋى كەرەك ەدى، رەتتەۋ - تەجەۋدەن كەيىن، ءىس جۇزىندە، 1160 يۋان، 1115 يۋان جوعارىلادى.

مەملەكەتتىك دامۋ - رەفورما كوميتەتى 4 – ايدىڭ 7 – كۇنى مىنانى ءبىلدىردى: حالىقاراداعى مۇناي باعاسىنىڭ جوعارىلاۋىنىڭ ەل ىشىندەگى اسەرىن باسەڭدەتۋ ءۇشىن، مەملەكەت ايرىلعان مۇناي باعاسىنا رەتتەۋ - تەجەۋ شاراسىن جالعاستى قولدانادى. ايرىلعان مۇناي باعاسى مەحانيزمى بويىنشا ەسەپتەگەندە، 4 – ايدىڭ 7 - كۇنى ساعات 24 تەن باستاپ، ەل ىشىندەگى بەنزين، ديزەل مايىنىڭ (ولشەمدى ءونىم) ءار تونناسىنىڭ باعاسى جەكە-جەكە 800 يۋان، 770 يۋان جوعارىلاۋى كەرەك ەدى، رەتتەۋ-تەجەۋدەن كەيىن، ءىس جۇزىندە، 420 يۋان، 400 يۋان جوعارىلادى.

كەلۋ قاينارى: حالىق تورابى