حورموز بۇعازىمەن قاتىناۋ ءالى كەدەرگىگە ۇشىراۋدا، حالىقارادا مۇناي باعاسى زور مولشەردە جوعارىلادى 

حورموز بۇعازىنداعى تەڭىز تاسىمالىنىڭ ءالى دە كەدەرگىگە ۇشىراۋى جانە ا ق ش مەن يراننىڭ ەكىنشى كەزەكتى كەلىسسوزىنىڭ بولاشاعى انىق بولماعاندىعى سەبەپتى، بازاردا حاۋىپتەن ساقتانۋ سۇرانىسى قايتا جوعارىلادى، حالىقارادا مۇناي باعاسى 4 – ايدىڭ 19 – كۇنى كەشتە جاڭا ءبىر اپتالىق ساۋدا باستالعاندا زور مولشەردە جوعارىلاعان.

ا ق ش - نىڭ شىعىس بولىك ۋاقىتى بويىنشا سول كۇنى ساعات 19 دان 15 مينۋت وتكەندە، نيۋ - يورك تاۋار بيرجاسىندا 5 - ايدا تاپسىرىلاتىن ايرىلماعان جەڭىل مۇنايدىڭ ءار باررەلىنىڭ كەسىكتى باعاسى 89.85 ا ق ش دوللارى بولىپ، الدىڭعى ساۋدا كۇنى بازار جابىلعان كەزدەگى باعاسىمەن سالىستىرعاندا %7.16 جوعارىلاعان. سونىمەن بىرگە، 6 - ايدا تاپسىرىلاتىن لوندون برەنت مۇنايىنىڭ ءار باررەلىنىڭ كەسىكتى باعاسى 95.68 ا ق ش دوللارىنا جوعارىلاپ، الدىڭعى ساۋدا كۇنى بازار جابىلعان كەزدەگى باعاسىمەن سالىستىرعاندا %5.86 جوعارىلاعان.

بازارداعى ۇمىتكە تولى بولجامنىڭ كەدەرگىگە ۇشىراۋى سەبەپتى، نيۋ - يورك جارنا بازارىنداعى ءۇش ءىرى كورسەتكىشتىك كەسىكتى بۇيىم باعاسى 4 – ايدىڭ 19 – كۇنى جاڭا ءبىر اپتالىق ساۋدا باستالعاندا تۇگەلدەي كورنەكتى تۇردە %0.5 تەن استام تومەندەگەن. سونىمەن قاتار، حالىقارادا التىن، كۇمىستىڭ كەسىكتى باعاسى جەكە - جەكە شامامەن %1.7 جانە %2.7 تومەندەگەن.

كەلۋ قاينارى: حالىق تورابى