اۋىل شارۋاشىلىعى جانە اۋىل - قىستاق مينيسترلىگى ءبيدايدا بولاتىن قىزىل كۇيە دەرتىنەن ساقتانۋ – تىزگىندەۋ جونىندە ورنالاستىرۋ جاسادى

ءتىلشىنىڭ 4 – ايدىڭ 20 - كۇنى اۋىل شارۋاشىلىعى جانە اۋىل - قىستاق مينيسترلىگىنەن ۇعىسۋىنشا، جۋىردان بەرى، چاڭجياڭ الابى، چاڭجياڭ - حۋايحى، حۋاڭحى - حۋايحى وڭىرلەرى قاتارلى ءبيداي ەگىلەتىن رايونداردا جاۋىن - شاشىن مول بولىپ، قىزىل كۇيە دەرتىنىڭ اۋىر دارەجەدە تارالۋ حاۋپى ارتقان. اۋىل شارۋاشىلىعى جانە اۋىل - قىستاق مينيسترلىگى جەر - جەردەن ساقتانۋ - تىزگىندەۋ قىزمەتىن شىنايى كۇشەيتۋدى تالاپ ەتكەن.

ۇعىسۋعا قاراعاندا، كەزەكتە، ەلىمىز بويىنشا كۇزدىك ءبيداي وڭتۇستىكتەن سولتۇستىككە قاراي ىلگەرىندى - كەيىندى ماساقتانۋ كەزەڭىنە قادام تاستاعان، بۇل ءونىم مولشەرى قالىپتاساتىن شەشۋشى مەزگىل بولىپ قالماستان، ماساقتانۋ مەزگىلىندەگى دەرت – دەربەز بەن زياندى جاندىكتەن ساقتانۋ جانە تىزگىندەۋدىڭ دە شەشۋشى كەزەڭى سانالادى.

وسىعان سايكەس، اۋىل شارۋاشىلىعى جانە اۋىل - قىستاق مينيسترلىگى ماماندار گرۋپپاسىنان 5 گرۋپپانى 4 – ايدىڭ سوڭعى شەنىنەن 5 – ايدىڭ باس شەنىنە دەيىن جياڭسۋ، انحۇي، حىنان قاتارلى ءبيداي ەگەتىن باستى 10 ولكەگە بارىپ ارالاپ جەتەكشىلىك ەتىپ، جەر - جەردىڭ ساقتانۋ - تىزگىندەۋ قىزمەتىن مىقتى ۇستاۋىنا كومەكتەسۋگە جىبەرەدى. (ءتىلشى گۋ يپيڭ)

كەلۋ قاينارى: حالىق تورابى