ەل ىشىندەگى ماي باعاسى بيىل تۇڭعىش رەت تومەندەدى

ءتىلشىنىڭ مەملەكەتتىك دامۋ جانە رەفورما كوميتەتىنەن ۇعىسۋىنشا، 4 – ايدىڭ 21 - كۇنى ساعات 24 تە ەل ىشىندەگى وڭدەلگەن جانار مايدىڭ باعا رەتتەۋ تەرەزەسى اشىلدى. مەملەكەتتىك دامۋ جانە رەفورما كوميتەتى باعا باقىلاۋ ورتالىعىنىڭ تەكسەرۋىنە قاراعاندا، وسى رەتكى وڭدەلگەن جانار مايدىڭ باعا رەتتەۋ پەريودى ىشىندە (4 – ايدىڭ 7 – كۇنى ساعات 24 تەن 21 - كۇنى ساعات 24 كە دەيىن) حالىقارالىق ماي باعاسى تولقۋ بارىسىندا تومەندەگەن.

4 – ايدىڭ 21 – كۇنى ساعات 24 تەن باستاپ ەل ىشىندەگى بەنزين مەن سالەركانىڭ بولشەك ساتۋ باعاسى جەكە - جەكە 555 يۋان، 530 يۋان تومەندەدى، بۇكىل ەل بويىنشا ورتا ەسەپپەن قاراعاندا، 92 – ءنومىرلى بەنزين، 95 - ءنومىرلى بەنزين، 0 - ءنومىرلى سالەركا جەكە - جەكە 0.44 يۋان، 0.46 يۋان، 0.45 يۋان تومەندەگەن. وسى اپتاداعى باعا رەتتەۋ بيىلعى باعا رەتتەۋ تەرەزەسىنىڭ سەگىزىنشى رەتكى اشىلۋى، ءارى بيىل جىل باسىنان بەرگى تۇڭعىش رەت تومەندەۋى.

ءتىلشىنىڭ جاساعان ەسەبى بويىنشا، 92 - ءنومىرلى بەنزيندى 50 ليترلىك ماي باگىنا تولتىرا قۇيعاندا 22 يۋان از جۇمساۋعا بولادى.

كەلۋ قاينارى: حالىق تورابى