مەملەكەتتىك كەڭەس «قىزمەت وتەۋ كاسىبىنىڭ قۋاتىن ارتتىرىپ، ساپاسىن جوعارىلاتۋ جونىندەگى پىكىردى» باسىپ تاراتتى

باس شۋجي شي جينپيڭنىڭ قىزمەت وتەۋ كاسىبىن دامىتۋ جونىندەگى ماڭىزدى نۇسقاۋى مەن مەملەكەتتىك قىزمەت وتەۋ كاسىبى جينالىسىنىڭ رۋحىن ىشكەرىلەي دايەكتى تياناقتاندىرۋ ءۇشىن، مەملەكەتتىك كەڭەس تاياۋدا «قىزمەت وتەۋ كاسىبىنىڭ قۋاتىن ارتتىرىپ، ساپاسىن جوعارىلاتۋ جونىندەگى پىكىردى» باسىپ تاراتتى.

پىكىردە مىنالار ايقىن بەلگىلەندى: 2030 – جىلعا بارعاندا قىزمەت وتەۋ كاسىبىنىڭ جالپى كولەمى 100 تريلليون يۋاندىق ساتىعا كوتەرىلىپ، ءتىپتى دە كوپ ”جۇڭگو قىزمەت وتەۋ“ ماركاسى جەتىلدىرىلەدى، قىزمەت وتەۋ كاسىبىنىڭ الەمدىك باسەكەلىك قۋاتى، ىقپال كۇشى كورنەكتى كۇشەيتىلىپ، حالىق بۇقاراسىنىڭ تابىس سەزىمى ۇزدىكسىز جوعارىلاتىلادى.

پىكىردە مىنالار العا قويىلدى: تۇتاس تىزبەك بويىنشا وندىرىستىك قىزمەت وتەۋ كاسىبىنىڭ ءالسىز بۋىندارىن تولىقتاپ، كۇشەيتىپ، عىلىم ـ تەحنيكالىق قىزمەت وتەۋدىڭ تىرەكتىك رولىن كۇشەيتىپ، وسى زامانعى زات اينالىمىنىڭ جالپىلىق باسەكەلىك قۋاتىن كۇشەيتىپ، جۇمساق بولشەك پەن ينفورماتسيالىق قىزمەت وتەۋدىڭ جاڭالىق اشا دامۋىن جەدەلدەتىپ، قامداۋ تىزبەگىندەگى فينانستىق كاسىپتىك قىزمەت وتەۋ قابىلەتىن كۇشەيتىپ، ەنەرگيا ۇنەمدەپ، قورشاعان ورتانى قورعاۋعا قىزمەت وتەۋدى بەلسەنە دامىتىپ، ساۋدا ىستەرىنە قىزمەت وتەۋدى كۇشەيتۋ، ساپالىلاندىرۋ كەرەك. تۇرمىستىق قىزمەت وتەۋ كاسىبىنىڭ ءتۇيىندى سالالارىنىڭ دامۋ قۋاتى مەن دەڭگەيىن جوعارىلاتىپ، تۇرعىنداردى ساپالى قىزمەت وتەۋمەن قامداۋدى ارتتىرىپ، قارتتاردى كۇتىمدەۋ، اماناتتاپ تاربيەلەۋ قىزمەت وتەۋىنىڭ سايكەسۋ دەڭگەيىن جوعارىلاتىپ، سالاماتتىققا قىزمەت وتەۋدىڭ ارنايىلانۋ قابىلەتىن كۇشەيتىپ، مادەنيەت، ساياحات، دەنە تاربيە قىزمەت وتەۋ ۇلگىسىن جاڭالاۋ كەرەك.

كەلۋ قاينارى: حالىق تورابى