بيىل قورعاس شەكارا وتكەلى ارقىلى قاتىناعان جۇڭگو – ەۆروپا، ورتا ازيا كەزەكشى پويەزدەرىنىڭ سانى 3000 نان استى 

حالىق گازەتىنىڭ ءتىلشىسى لي شينپيڭ 4 – ايدىڭ 21 – كۇنى بەيجيڭنەن حابارلايدى. ءتىلشىنىڭ جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىنشا، 4 - ايدىڭ 21 - كۇنىنە دەيىن، بيىل قورعاس تەمىر جول شەكارا وتكەلى ارقىلى قاتىناعان جۇڭگو - ەۆروپا، ورتا ازيا كەزەكشى پويەزدەرىنىڭ سانى 3000 نان اسقان، تاريحتان بەرى قاتىناعان جۇڭگو – ەۆروپا، ورتا ازيا كەزەكشى پويەزدەرىنىڭ سانى جيىنى 55 مىڭنان اسقان. قورعاس شەكارا وتكەلى ارقىلى قاتىنايتىن كەزەكشى پويەز لەنياسى 91 گە جەتىپ، 18 مەملەكەتتەگى 46 قالا مەن رايونعا كەڭەيىپ، تاسىمالدايتىن زاتتاردىڭ ءتۇرى 200 دەن اسقان.

شينجياڭ تەمىر جول تاراۋلارى شەكارا وتكەلىندە تاسىمالدى ۇيىمداستىرۋدى ىركىلىسسىزدەندىرىپ، پاراساتتى شەكارا وتكەلى قۇرىلىسىن ورىستەتىپ، قاتىناعان كەزەكشى پويەز سانى 6 جىلدان بەرى ۇزدىكسىز جىلىنا ون مىڭنان استى. 2025 - جىلى الاتاۋ ساعاسى وتكەلى مەن قورعاس شەكارا وتكەلى سىندى قوس وتكەلدەن وتكىزىلگەن جۇك مولشەرى 32 ميلليون 100 مىڭ توننا بولىپ، ءبىر جىل بۇرىنعى مولشەردەن %12.1 ارتقان، جۇڭگو - ەۆروپا، ورتا ازيا كەزەكشى پويەزدەرىنەن 18 مىڭىنان استامىنىڭ قاتىناۋىنا كەپىلدىك ەتىپ، ءبىر جىل بۇرىنعى مولشەردەن %7.4 ارتتى، جۇڭگو - ەۋروپا، ورتا ازيا پويەزدەرىنىڭ اناعۇرلىم جوعارى ساپالى، اناعۇرلىم جاقسى ونىمدىلىك، اناعۇرلىم حاۋىپسىز بەتالىسپەن دامۋىن ىلگەرىلەتگەن.

كەلۋ قاينارى: حالىق تورابى